Վայոց ձորի մարզպետի աշխատակազմ

   Օրերս Վայոց ձորի մարզպետի տեղակալ Վասիլ Ասլանյանը մարզպետի աշխատակազմում հյուրընկալել էր Վայոց ձորի մարզի՝ առարկայական օլիմպիադաների հանրապետական փուլերում դիպլոմների և գովասանագրերի արժանացած աշակերտներին, դպրոցների տնօրեններին և դասավանդող ուսուցիչներին։
   Մարզպետի տեղակալը շնորհավորել է ներկաներին արձանագրած ձեռքբերումների համար, մաղթել նոր նվաճումներ և հաջողություններ, կարևորել կրթության դերն անհատի զարգացման և պետության առաջընթացի ապահովման գործում:
   Երրորդ կարգի դիպլոմների են արժանացել ՝

• Լյուբա Ալեքսանյան - Վայքի ավագ դպրոց, 11-րդ դասարան, հայ գրականություն
• Էրիկ Քոչարյան -Մալիշկայի միջնակարգ դպրոց, 12 –րդ դասարան, ռուսաց լեզու
• Աղասի Բաբայան- Աղավնաձորի միջնակարգ դպրոց, 10-րդ դասարան, ՆԶՊ

   Գովասանագրերի են արժանացել՝

• Աննա Կարապետյան-Մալիշկայի թիվ 1 միջնակարգ դպրոց, 9-րդ դասարան, քիմիա
• Արգիշտի Ղամբարյան-Գնդեվազի միջնակարգ դպրոց, 10-րդ դասարան, աշխարհագրություն
• Էմանուել Զինգա- Եղեգնաձորի վարժարան,10-րդ դասարան, ֆրանսերեն
• Էրիկ Քոչարյան -Մալիշկայի միջնակարգ դպրոց, 12 –րդ դասարան, հայոց լեզու

   Հանդիպման ընթացքում քննարկվել են կրթության ոլորտին առնչվող մի շարք հարցեր, կարևորվել դպրոցաշինական ծրագրերը, կրթական հաստատությունների նյութատեխնիկական ռեսուրսների համալրմանը և բովանդակային բարեփոխումներին ուղղված ծրագրերը: