Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ տարածքային կառավարման նախարարության պաշտոնական կայքը տեղեկացնում է, որ ՀՀ փոխվարչապետ, տարածքային կառավարման նախարար Արմեն Գեւորգյանը փետրվարի 3-ին Սյունիքի մարզ կատարած աշխատանքային այցն սկսել է Սիսիանի տարածաշրջանից: Գորայք համայնքում փոխվարչապետը խորհրդակցություն է անցկացրել Սյունիքի և Վայոց ձորի մարզպետներ Վահե Հակոբյանի ու Էդգար Ղազարյանի, Ջերմուկի և Գորայք համայնքների ղեկավարների, ինչպես նաև > ընկերության պատասխանատուների մասնակցությամբ: Ներկայացվել են ընկերության կորպորատիվ սոցիալական պատասխանատվության փաթեթի շրջանակում Գորայք, Ջերմուկ, Գնդեվազ և Սարավան համայնքներում իրականացվելիք ծրագրերը:
Փոխվարչապետն այցելեց Վայոց ձորի մարզ 04.02.2014
Վայոց ձորի մարզպետարանում այսօր կայացած խորհրդակցության ընթացքում ՀՀ փոխվարչապետ, տարածքային կառավարման նախարար Արմեն Գեւորգյանին ներկայացվեցին 2014թ. մարզում իրականացվելիք ծրագրերն ու 2013թ. կատարված աշխատանքները: Խորհրդակցությանը մասնակցում էին մարզպետ Էդգար Ղազարյանը, քաղաքային համայնքների ղեկավարներ, Տարածքային կառավարման նախարարության եւ մարզպետարանների պատասխանատուներ: Զեկուցվեց, որ մարզային զարգացման ծրագրով 2013թ. համար նախատեսվել է 47 միջոցառում, որից իրականացվել է 36-ը, 7-ն ընթացքում է: 2013թ. մարզում ընդհանուր առմամբ կատարվել է շուրջ 7 մլրդ դրամի ներդրում, որից 3,8 մլրդ դրամն ուղղվել է ենթակառուցվածքների, 2,2 մլրդ դրամը` սոցիալական ոլորտներին, 613 մլն դրամը` ՓՄՁ եւ մասնավոր հատվածին, 126 մլն դրամը` գյուղատնտեսությանը:
Համագործակցություն Չեխիայի Կարլովի Վարի նահանգի հետ 01.02.2014
Պետական այցով Չեխիայի Հանրապետություն ՀՀ Նախագահ Սերժ Սարգսյանի պաշտոնական պատվիրակության կազմում ՀՀ Վայոց ձորի մարզպետ Էդգար Ղազարյանը Չեխիայի Հանրապետության արդյունաբերության և առևտրի նախարարությունում Կարլովի Վարիի նահանգապետի տեղակալ Յարսոլավ Բուրկայի հետ 2014 թվականի հունվարի 31-ին ստորագրել է փոխըմբռնման հուշագիր ՀՀ Վայոց ձորի մարզպետարանի և ՉՀ Կարլովարյան երկրամասի նահանգապետարանի միջև առևտրատնտեսական, հումանիտար և մշակութային համագործակցության մասին։
Միջոցառում՝ նվիրված Պարույր Սևակի ծննդյան 90-ամյակին 01.02.2014
Մարզային գրադարանի կողմից կազմակերպված > խորագրով գրական-գեղարվեստական ցերեկույթն սկսվեց Երևան-Էրեբունի երգի կատարումով: Միջոցառմանը ներկա էին ՀՀ Վայոց ձորի մարզպետի տեղակալ Մելս Հարությունյանը, մարզպետարանի աշխատակազմի կրթության, մշակույթի և սպորտի վարչության գլխավոր մասնագետ Աղասի Հովհաննիսյանը, ծնողներ, մանկավարժներ, աշակերտներ: Մարզպետի տեղակալը հուշեր պատմեց Պ. Սևակի կյանքից: Այնուհետև գրադարանավար Կ. Ալեքսանյանը ներկայացրեց Պարույր Սևակի կյանքն ու գրական գործունեությունը: Սևակի ստեղծագործությունների կատարմամբ հանդես եկան Արփի համայնքի դպրոցի ասմունքողները: Միջոցառման ընթացքում ցուցադրվեց Պարույր Սևակին նվիրված տեսանյութ: Հնչեց նաև Սևակի կենդանի ձայնը` > բանաստեղծությամբ:
Նամակ անծանոթ զինվորին 01.02.2014
ՀՀ Վայոց ձորի մարզպետ Էդգար Ղազարյանի հանձնարարությամբ Բանակի օրվա և Հայաստանի Հանրապետության զինված ուժերի կազմավորման 22-րդ տարեդարձի առիթով մարզի հանրակրթական դպրոցների բարձր դասարանի աշակերտները նամակներ կգրեն անծանոթ զինվորներին: Այդ նամակները մարզպետը մտադիր է փոխանցել ՀՀ պաշտպանության նախարարության 4-րդ բանակային կորպուսի հրամանատարությանը` սահմանում մարտական հերթապահություն իրականացնող զինվորներին փոխանցելու նպատակով:
Մ-2-Ջերմուկ հանրապետական նշանակության ավտոճանապարհն ամբողջությամբ երթևեկելի է 30.01.2014
Ս/թ. հունվարի 29-ին ժամը 04:00-ի սահմաններում, Մ-2-Ջերմուկ հանրապետական նշանակության ավտոճանապարհի կմ 0+400 հատվածում ճանապարհի աջ եզրում տեղի էր ունեցել ժայռային շեպից հսկայական քարերի փլուզում, ինչի հետևանքով մոտ 25 մետր երկարությամբ փակվել էր ավտոճանապարհը` դառնալով անանցանելի: ՀՀ Տրանսպորտի և կապի նախարարության, ՀՀ Վայոց ձորի մարզպետարանի, Արտակարգ իրավիճակների նախարարության փրկարար ծառայության, Վայոց ձորի մարզի հրշեջ փրկարարական վարչության, ճանապարհային ոստիկանության և Վայքի ՃՇՇ ՓԲԸ-ի աշխատակիցների ձեռնարկած հսկայածավալ աշխատանքների արդյունքում հունվարի 29-ին` ժամը 16:30-ի դրությամբ այն մաքրվել էր թափվացքներից և ավտոճանապարհն ամբողջությամբ երթևեկելի է:
