Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ ՎԱՅՈՑ ՁՈՐԻ ՄԱՐԶՊԵՏ ԷԴԳԱՐ ՂԱԶԱՐՅԱՆԻ ՈՒՂԵՐՁՆ ԱՐՑԱԽԻ ՀԱՆՐԱՊԵՏՈՒԹՅԱՆ ԱՆԿԱԽՈՒԹՅԱՆ ՕՐՎԱ ԱՌԻԹՈՎ 02.09.2014
Սիրելի հայրենակիցներ: Սրտանց շնորհավորում եմ Ձեզ Արցախի Հանրապետության Անկախության օրվա կապակցությամբ: Ցանկացած ժողովրդի երազանքն է ապրել ազատ ու անկախ երկրում: Արցախում ապրող մեր հայրենակիցներն իրենց վճռականությամբ, տոկունությամբ և իմաստնությամբ կարողացան կյանքի դժվարին ժամանակահատվածում, հաղթահարելով ամեն տեսակի փորձություններն ու պատերազմի աղետալի հետևանքները, հառնել ինչպես փյունիկ և կերտել ժամանակակից ժողովրդավարական մի հրաշալի և օրինակելի պետություն: Ազատ Արացախի Հանրապետությունը հայ ժողովրդի միասնության, ուժի և պայքարի խորհրդանիշն է: Այն աշխահի ցանկացած անկյունում ապրող յուրաքանչյուր հայի հպարտություն է: Այս գեղեցիկ տոնի կապակցությամբ առաջին հերթին շնորհավորում եմ Արցախում ապրող մեր ժողովրդին, Արցախի Հանրապետության Նախագահին և մեր գործընկերներին: Թող հավիտենական հաջողություններով ուղկեցվի Արցախի Հանրապետության լուսվոր ապագան, խաղաղություն և կապույտ երկինք Արցախի սահմանները պաշտպանող մեր զինվորականներին և բարօրություն ու նորանոր նվաճումներ Արցախի հերոսական ժողովրդին: ՀՀ Վայոց ձորի մարզպետ Էդգար Ղազարյան 02, սեպտեմբերի 2014թ.
ԱՅՑԵԼՈՒԹՅՈՒՆ ՋԵՐՄՈՒԿԻ ՄԱՔՍԻՄ ԳՈՐԿՈՒ ԱՆՎԱՆ ՀԻՄՆԱԿԱՆ ԴՊՐՈՑ 02.09.2014
2014 թվականի սեպտեմբերի 1-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելեց Ջերմուկի նոր անվանակոչված Մաքսիմ Գորկու անվան հիմնական դպրոց: Է.Ղազարյանը հանդիսանում է այդ դպրոցի շրջանավարտ: Իր ողջույնի խոսքում Է.Ղազարյանը շնորհավորեց դպրոցի բոլոր աշակերտներին, ուսուցիչներին, ծնողներին գիտելիքի, գրի և դպրության տոնի, ինչպես նաև նոր ուսումնական տարվա մեկնարկի առիթով: Մարզպետը մաղթեց, որ աշակերտները լավ սովորեն, իսկ ուսուցիչները՝ ծնողի հոգատարությամբ իրնեց գիտելիքներն ու դաստիարակությունը փոխանցեն մատաղ սերնդին: ՀՀ Վայոց ձորի մարզպետ Էդգար Ղազարյանի որոշմամբ բոլորովին վերջերս Ջերմուկի թիվ 1 հիմնական դպրոցն անվանակոչվել է ռուս նշանավոր գրող Մաքսիմ Գորկու անունով: Դպրոցի անվանակոչումը ՀՀ Վայոց ձորի մարզի և ՌԴ Նեժեգորոդի նահանգի միջև բարեկամության և համագործակցության արդյունքներից է: 2014 թվականի ընթացքում Ջերմուկ քաղաքում ԳԵՈԹԻՄ ընկերության կողմից իրականացվող սոցիալական ծրագրերի շրջանակներում հիմնանորոգվել են դպրոցի սանհանգույցներն ու աշակերտական ճաշարնաը՝ պայմաններով ստեղծելով 2014 թվականի սեպտեմբերի 1-ից ՀՀ Վայոց ձորի մարզի հանրակրթական դպրոցներում իրակնացվող դպրոցականների կայուն սննդի ծրագրի իրականացման համար:
ԱՅՑԵԼՈՒԹՅՈՒՆ ՋԵՐՄՈՒԿ ՀԱՄԱՅՆՔԻ ԿԵՉՈՒՏ ԳՅՈՒՂԻ ՀԻՄՆԱԿԱՆ ԴՊՐՈՑ 02.09.2014
2014 թվականի սեպտեմբերի 1-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելեց Ջերմուկ համայնքի Կեչուտ գյուղի հիմնական դպրոց: Դպրոցի տնօրեն Ստեփան Ստեփանյանի կողմից նոր ուսումնական տարվա մեկնարկի ազդարարումից հետո ՀՀ պետական օրհներգի հնչյունների ներքո դպրոցի բակում բարձրացվեց ՀՀ պետական դրոշը: Այնուհետև Ջերմուկի հոգևոր հովիվ Տեր Գալուստ քահանայի հետ միասին հավաքվածներն արտասանեցին Տերունական աղոթքը և ստացան նրա օրհնությունը: ՀՀ Վայոց ձորի մարզպետ Էդգար Ղազարյանը շնորհավորեց դպրոցի բոլոր աշակերտներին, ուսուցիչներին, աշակերտներին ծնողներին պետական տոնի՝ գիտելիքի, գրի և դպրոության օրվա առիթով: Է.Ղազարյանն ընթրցեց նաև ՀՀ Նախագահ Սերժ Սարգսյանի շնորհավորական ուղերձը: Դպրոցի տնօրենի կողմից նախորդ ուսումնական տարում գերեզանց առաջադիմություն ցուցաբերած աշակերտներին հանձնավեցին գովասանագրեր:
ԱՅՑԵԼՈՒԹՅՈՒՆ ԳՆԴԵՎԱԶ ԳՅՈՒՂԻ ՄԻՋՆԱԿԱՐԳ ԴՊՐՈՑ 02.09.2014
2014 թվականի սեպտեմբերի 1-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելեց Գնդեվազ գյուղի միջնակարգ դպրոց: Դպրոցի բակում կազմակերպված տոնական միջոցառման ժամանակ Է.Ղազարյանը շնորհավորեց դպրոցի աշակերտներին, ուսուցիչներին և ծնողներին գիտելիքի, գրի և դպրության տոնի առիթով և ընթերցեց ՀՀ Նախագահ Սերժ Սարգսյանի շնորհավորական ուղերձը: Այնուհետև աշակերտները հրավիրվեցին դպրոց: Է.Ղազարյանը դպրոցի տնօրենի ուղեկցությամբ շրջայց կատարեց դպրոցի տարածքում, ծանոթացավ դպրոցականների կայուն սննդի տրամադրման պայմաններին, այցելեց դպրոցի բակում Գնդեվազ համայնքում ԳԵՈԹԻՄ ընկերության սոցիալական ծրագրերի շրջանակներում կառուցվող խաղադաշտի շինարարական հրապարակ:
ԱՅՑԵԼՈՒԹՅՈՒՆ ՀԵՐՀԵՐ ԳՅՈՒՂԻ ՄԻՋՆԱԿԱՐԳ ԴՊՐՈՑ 02.09.2014
2014 թվականի սեպտեմբերի 1-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելեց Հերհեր գյուղի միջնակարգ դպրոց: Մարզպետին ուղեկցում էին նաև մարզպետարանի աշխատակազմի տրանսպորտի և ճանապարհաշինության վարչության պետ Խաչիկ Ասլանյանը և Վայքի ճանապարհաշինական ընկերության տնօրեն Կարո Գևորգյանը: Դպրոցի բակում հյուրերին դիմավորեցին աղ ու հացով: Դպրոցի տնօրեն ողջույնի խոսքից հետո նախորդ ուսումնական տարում բարձր առաջադիմություն ցուցաբերած աշակերտներին հանձնվեցին գովասանագրեր: Աշակերտներին և ուսուցիչներին իրենց շնորհավորական խոսքը հղեցին համայնքի ղեկավար Անդրանիկ Աբրահամյանը, համայնքի բնակիչներ: ՀՀ Վայոց ձորի մարզպետ Էդգար Ղազարյանը նույնպես շնորհավորեց դպրոցի աշակերտներին, ուսուցիչներին և ծնողներին գիտելիքի, գրի և դպրության տոնի առիթով և ընթերցեց ՀՀ Նախագահ Սերժ Սարգսյանի շնորհավորական ուղերձը: Հաշվի առնելով այն հանգամանքը, որի մի քանի օր առաջ ավարտին էր հասցվել Հերհեր գյուղի ճանապարհի հիմնանորոգումը՝ Է.Ղազարյանն առանձնահատուկ շնորհակալություն հայտնեց Վայքի ճանապարհաշինական ընկերության ողջ աշխատակազմին՝ Կարո Գևորգյանի գլխավորությամբ՝ վերջինիս հանձնելով ՀՀ Վայոց ձորի մարզպետի շնորհակալագիր: Այնուհետև Է.Ղազարյանը շրջայց կատարեց դպրոցի տարածքում, ծանոթացավ ուսման, ինչպես նաև դպրոցականների կայուն սննդի տրամադրման պայմաններին: ՀՀ Վայոց ձորի մարզպետ Էդգար Ղազարյանը օրվա խորհրդով բաց դաս անցկացրեց Հերհերի միջնակարգ դպրոցի բարձր դասարանի աշակերտների հետ:
ԱՅՑԵԼՈՒԹՅՈՒՆ ԿԱՐՄՐԱՇԵՆ ԳՅՈՒՂԻ ՄԻՋՆԱԿԱՐԳ ԴՊՐՈՑ 02.09.2014
2014 թվականի սեպտեմբերի 1-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելեց բարձր լեռնային համարվող Կարմրաշեն գյուղի միջնակարգ դպրոց: Է.Ղազարյանը շնորհավորեց դպրոցի բակում հավաքված աշակերտներին և ուսուցիչներին գիտելիքի, գրի և դպրության օրվա, ինչպես նաև նոր ուսումնական տարվա մեկնարկի առիթով: Է.Ղազարյանը հանդիպում ունեցով նաև դպրոցի ուսուցիչների և համայնքի բնակիչների հետ:
