Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ս/թ մայիսի 24-ին տեղի ունեցավ ՀՀԿ 15-րդ համագումարը: Համագումարի աշխատանքներին ՀՀ Վայոց ձորի մարզպետարանից մասնակցում էին ՀՀ Վայոց ձորի մարզպետ Էդգար Ղազարյանը, մարզպետի տեղակալներ Սամվել Թարվերդյանը, Արամ Գրիգորյանը ՀՀԿ մարզային կառույցների այլ պատվիրակներ, համայնքների ղեկավարներ: Համագումարի աշխատանքներին հավիրվել էր նաև մարզպետարանի աշխատակազմի ղեկավար Կամո Սահակյանը: ՀՀ Վայոց ձորի մարզպետ Էդգար Ղազարյանը և մարզպետի տեղակալ Սամվել Թարվերդյանն ընտրվել են ՀՀԿ խորհրդի անդամ:
ՀՀ Վայոց ձորի մարզպետ Էդգար Ղազարյանը ս/թ մայիսի 23-ին ՀՀ-ում Ռումինիայի Արտակարգ եւ լիազոր դեսպան ` Ն.Գ. Սորին Վասիլեի հրավերով մասնակցել է Հայաստան-Ռումինիա-ԵՎրոպա 2013-2014 համերաշրջանի շրջանակում տեղի ունեցող Վաստակավոր կոլեկտիվ Հայաստանի պետական ֆիլհարմոնիկ նվագախմբի համերգին, որը կայացել է Արամ Խաչատրյան համերգասրահում: Համերգաշրջանի գլխավոր գործըկեր՝ ՎիվաՍել ՄՏՍ, հովանավորներ՝ ՀՀ մշակույթի նախարարություն և ՀՀ-ում Ռումինիայի դեսպանատուն: Համերգում հնչել են Վոլֆգանգ Ամադեոս Մոցարտի և Ֆելիքս Մենդելսոնի ստեղծագործությունները: Համերգի դիրիժորն է եղել Էդուարդ Թոփչյանը, իսկ մենակատարները՝ ռումինացի ջութակահար Ալեքսանդրու Տոմեսկուն և գերմանացի դաշնակահար Վալենտինա Բաբորը: Համերգից հետո մարզպետ Էդգար Ղազարյանը համերգաշրջանի հովանավորների և կազմակերպիչների հետ մասնակցել է Հայաստանի պետական ֆիլհարմոնիայում կազմակերպված Ռումինիայի և Հայաստանի խոհանոցային ազգային ուտեստների, ինչպես նաև գինու ու կոնյակի համտեսին:
Տեղի ունեցավ մարզային զորակոչային հանձնաժողովի նիստ և կրակային պատրաստությունից գործնական պարապմունք 26.05.2014
Ս/թ մայիսի 26-ին 70179 զորամասի զորային հրազգարանում տեղի ունեցավ մարզային զորակոչային հանձնաժողովի նիստը, որը վարում էր զորակոչային հանձնաժողովի նախագահ, ՀՀ Վայոց ձորի մարզպետ Էդգար Ղազարյանը: Քննարկվեցին ամառային զորակոչի կազմակերպման հացեր: Անդրադարձ եղավ նաև ՀՀ ՊՆ-ում վերջերս կայացած հանրապետական զորակոչային հանձնաժողովի ընդլայնված նիստի ընթացքում քննարկված խնդիրներին: Այնուհետև բանակ-հասարակություն կապն ամրապնդելու, ինչպես նաև ՀՀ Վայոց ձորի մարզպետարանի պետական պաշտոնյաների, մարզի համայնքների ղեկավարների և հանրակրթական դպրոցների զինղեկների զինվորական վարպետությունը կատարելագործելու նպատակով նշված հրաձգարանում իրականացվեց կրակային պատրաստությունից գործնական պարապմունք: Պարապմունքին մասնակցում էին ՀՀ Վայոց ձորի մարզպետը, ՀՀ ՊՆ 4-րդ բանակի հրամանատարը, ԱԱԾ մարզային ծառայության ղեկավարը, ՀՀ ոստիկանության Վայոց ձորի մարզային վարչության պետը: Վարժանքի արդյունքները կամփոփվի և կներկայացվի ՀՀ Վայոց ձորի մարզխորհրդի առաջիկա նիստին:
ՀՀ Վայոց ձորի մարզպետ Էդգար Ղազարյանի ուղերձը Վերջին զանգի կապակցությամբ 23.05.2014
Սիրելի շրջանավարտներ: Ի սրտե շնորհավորում եմ Ձեզ` դպրոցն ավարտելու կապակցությամբ և մաղթում` բարի երթ: Այսօր Դուք հրաժեշտ եք տալիս Ձեր հարազատ կրթօջախին, Ձեր սիրելի ուսուցիչներին և ոտք դնում կյանքի մի այնպիսի փուլ, որտեղ Ձեր գործունեության պատասխանատուն միայն Դուք եք: Ես սիրով գիտության բարձունքներ նվաճելու հաստատակամություն եմ մաղթում բոլոր նրանց, ովքեր շարունակելու են իրենց ուսումնառությունը, աշխատանքային հաջողություններ նրանց, ովքեր իրենց ուժերը ներդնելու են մարզի տնտեսության զարգացման գործընթացում, բարի ծառայություն այն շրջանավարտներին, որոնք հսկելու են մեր երկրի սահմանները, ապահովելով մեր բոլորի խաղաղ գոյակցությունը: Ես մաղթում եմ, որպիսի Դուք ուր էլ գնաք, ինչ էլ ձեռնարկեք հաջողությամբ պսակվի, ավելին` համոզված եմ, որ դա այդես է լինելու, քանզի Դուք դառնալու եք այնպիսին, որպիսին երազում են Ձեր ծնողները: Իսկ դրա համար նրանք Ձեր ուսուցիչների հետ համատեղ արել են ամեն հնարավորը՝ Ձեզ կյանքի ճանապարհներին ճիշտ ուղղորդելու համար: Համոզված եմ, որ Դուք այդ ճանապարհը նույնպես անցնելու եք արժանապատվորեն, դպրոցում Ձեր ձեռք բերած անփոխարինելի գանձի` գիտելիքի, հմտությունների և կարողությունների շնորհիվ: Սիրելի շրջանավարտներ, ամենայն հաջողություն Ձեզ: ՈՒր էլ, որ գնաք, ինչ էլ դառնաք, միշտ սիրով հիշեք Ձեր դպրոցը, քաղաքը, մարզը, երկիրը և հավատարիմ մնացեք Ձեր ընտանիքին ու Հայրենիքին: Կրկին շնորհավորում եմ Ձեզ այս յուրօրինակ և ամբողջ կյանքի համար հիշարժան տոնի կապակցությամբ և մաղթում եմ Ձեզ բարի ճանապարհ դեպի լուսավոր ապագա:
Մարզի դպրոցներում հնչեց ավարտական վերջին զանգը 23.05.2014
Մայիսի 23-ին Վայոց ձորի մարզի 35 կրթօջախներում՝ 2 քաղաքային վարժարաններում, 30 մարզային ենթակայությամբ միջնակարգ, ինչպես նաև ՀՀ ԿԳ ենթակայությամբ գործող 3 ավագ դպրոցներում ղողանջեց վերջին զանգը` ավետելով աշակերտների հանրակթրական ուսումնառության փուլի ավարտը և կյանքի մեկ այլ փուլ մտնելու մեկնարկը: Դպրոցական վերջին զանգի կապակցությամբ կազմակերպվող միջոցառումներին մասնակցելու նպատակով ՀՀ Վայոց ձորի մարզպետ Էդգար Ղազարյանը ՀՀ Վայոց ձորի մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելել է ՀՀ Վայոց ձորի մարզի մի շարք կրթօջախներ՝ Վայքի և Եղեգնաձորի վարժարաններ, Վայքի ավագ դպրոց և սամանամերձ Խաչիկ գյուղի միջնակարգ դպրոց: Մարզպետը շնորհավորել է նշված կրթօջախների շրջանավարտներին, շնորհակալություն հայտնել հաստատությունների ղեկավարներին ու մանկավարժներին, իսկ Վայքի վարժարանում, Վայքի ավագ և Խաչիկի միջակարգ դպրոցներում նաև պատվոգրեր է հանձնել դպրոցական առարկայական օլիպիադայում 1-ին տեղ գրաված աշակերտներին: Մարզպետի տեղակալները նույնպես այցելել են հեռավոր և սահմանամերձ համայնքների դպրոցներ: Մարզպետարանի աշխատակազմի ղեկավարը և բոլոր ստորաբաժանումների ղեկավարներ այցելել են դպրոցներ և մասնակցել Վերջին զանգի արարողություններին: Դպրոցներ են այցելել նաև ՏԻՄ և հանրապետական գործադիր մարմինների տարածքային ծառայությունների ղեկավարները, ոստիկաններ և զինվորականներ: Բոլոր դպրոցներում ուսուցիչների և աշակերտների ջանքերով կազմակերպվել են հրաժեշտի տոնական միջոցառումներ:
Առողջապահական հաստատությունների տնօրենների թափուր պաշտոններում կատարվեցին նշանակումներ 23.05.2014
Ս/թ մայիսի 22-ին ՀՀ Վայոց ձորի մարզպետարանի կողմից ՀՀ Վայոց ձորի մարզպետարանի ենթակայության տակ գտնվող հարյուր տոկոս պետությանը սեփականության իրավունքով պատկանող բաժնեմաս ունեցող >, >, >, > ՓԲԸ-ների տնօրենների թափուր պաշտոններն զբաղեցնելու համար հայտարարված մրցույթներից երկուսի՝ >, > ՓԲԸ-ների տնօրենների թափուր պաշտոններն զբաղեցնելու համար հայտարարված մրցույթներին դիմողներ չեն եղել: > ՓԲԸ-ի տնօրենի թափուր պաշտոնն զբաղեցնելու համար դիմել են Գայանե Հարությունյանը և Արմինե Ստեփանյանը, >, համար՝ Զոյա Մարտիրոսյանը: Նշված երեք դիմորդներն էլ մրցույթի արդյունքում հաղթող են ճանաչվել: ՀՀ Վայոց ձորի մարզպետ Էդգար Ղազարյանի 23.05.2014թ N 51 որոշմամբ > ՓԲԸ-ի տնօրեն է նշանակվել Զոյա Մարտիրոսյանը, իսկ 23.05. 2014 թ. N 52 որոշմամբ > ՓԲԸ-ի տնօրեն է նշանակվելԱրմինե Ստեփանյանը:
