Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կայացավ ՀՀ Վայոց ձորի մարզպետարանի ներքին աուդիտի կոմիտեի հերթական նիստը 01.08.2014
2014 թվականի օգոստոսի 1-ին կայացավ ՀՀ Վայոց ձորի մարզպետարանի ներքին աուդիտի կոմիտեի հերթական նիստը, կոմիտեի նախագահ Էդգար Ղազարյանի գլխավորությամբ: Նիստին մասնակցում էին Ներքին աուդիտի կոմիտեի անդամներ՝ մարզպետի տեղակալներ՝ Սամվել Թարվերդյանը, Արամ Գրիգորյանը: Նիստը քարտուղարում էր ՀՀ Վայոց ձորի մարզպետարանի աշխատակազմի ներքին աուդիտի բաժնի պետ Վասակ Կարապետյանը: Նիստին մասնակցում էին նաև մարզպետարանի աշխատակազմի ղեկավար Կամո Սահակյանը, աշխատակազմի ստորաբաժանումների ղեկավարներ, ինչպես նաև ներքոնշյալ ՓԲԸ-ների ղեկավարները: Օրակարգում ներառված էին հետևյալ հարցերը. 2014թ.-ի ներքին աուդիտի ծրագրով >, > > ՓԲԸ-ներում իրականացված աուդիտի հաշվետվությունների ներկայացում:
ՀՀ սպորտի և երիտասարդության հարցերի նախարարը շնորհակալություն է հայտնել ՀՀ Վայոց ձորի մարզպետին 01.08.2014
ՀՀ սպորտի և երիտասարդության հարցերի նախարար Գաբրիել Ղազարյանը ՀՀ Վայոց ձորի մարզպետ Էդգար Ղազարյանին շնորհակալական նամակ է հղել, որի մեջ շարադրված է. > մրցույթի կազմակերպչական աշխատանքներին աջակցելու և մրցույթի 1-ին և 2-րդ փուլերին անձամբ և ընտանիքով ակտիվ մասնակցություն ունենալու համար>>:
Հովիկ Աբրահամյանն այցելել է Վայոց ձորի սահմանամերձ համայնքներ 31.07.2014
Վարչապետ Հովիկ Աբրահամյանը ՀՀ փոխվարչապետ, տարածքային կառավարման նախարար Արմեն Գևորգյանի, ՀՀ գյուղատնտեսության նախարար Սերգո Կարապետյանի, ՀՀ կառավարության աշխատակազմի ղեկավար-նախարարի առաջին տեղակալ Գուրգեն Դումանյանի ուղեկցությամբ այցելել է Վայոց ձորի մարզ: Կառավարության ղեկավարի առաջին կանգառը Գլաձոր համայնքում էր, որտեղ վարչապետի ներկայությամբ բացվել է համայնքի հիմնանորոգված մանկապարտեզը: Հովիկ Աբրահամյանը Վայոց ձորի մարզպետ Էդգար Ղազարյանի ուղեկցությամբ շրջել է մանկապարտեզով՝ ծանոթացել կատարված աշխատանքներին և երեխաների համար ստեղծված պայմաններին: Մանկապարտեզի հիմնանորոգման նպատակով ներդրվել է շուրջ 120 մլն դրամ, որի հիմնական մասը հատկացվել է Հայաստանի սոցիալական ներդրումների հիմնադրամի կողմից: Եվս 12 մլն դրամ ներդրվել է համայնքի բյուջեից: Ներկայում 120 երեխա ընդունելու հնարավորությամբ մանկապարտեզ է հաճախում 110 երեխա: Նախակրթարանը համալրվել է նոր գույքով և գրենական պիտույքներով: Այնուհետև Հովիկ Աբրահամյանն այցելել է Զառիթափ համայնքի մոտակայքում կառուցվող սպանդանոցի շինհրապարակ՝ ծանոթացել շինարարական աշխատանքների ընթացքին: Սպանդանոցի բարձրակարգ սարքավորումները հատկացնելու է ՀՀ կառավարությունը՝ տրամադրելով 127 հազար ԱՄՆ դոլար: ՀՀ գյուղատնտեսության նախարար Սերգո Կարապետյանը զեկուցել է, որ մասնավոր-պետություն համագործակցությամբ կառուցվող սպանդանոցի շինարարության համար մասնավորը ներդրել է 265 հազար ԱՄՆ դոլար, սարքավորումները կներկրվեն մոտակա ժամանակներս, իսկ սպանդանոցը կսկսի գործել մինչ տարեվերջ: ՄԱԿ-ի Պարենի և գյուղատնտեսության համաշխարհային կազմակերպության աջակցությամբ ՀՀ-ում ներկայում կառուցվում է 5 սպանդանոց. երկուսը՝ Կոտայքի մարզում, ևս մեկական սպանդանոցներ՝ Վայոց ձորի, Լոռու և Արագածոտնի մարզերում: Ներկայում ընթանում են սպանդանոցների շինարարական աշխատանքները: Ծրագրի նպատակն է Հայաստանի մի քանի մարզերում կազմակերպել մսամթերքի ապահով և հիգիենիկ արտադրություն:
2014 թվականի հուլիսի 29-ին ՀՀ Վայոց ձորի մարզպետի մասնակցությամբ Եղեգնաձորի մարզային մշակույթի կենտրոնի համերգային մեծ դահլիճում կայացավ մշակույթի կենտրոնի նորաստեղծ > ռոք խմբի անդրանիկ համերգը: Համերգն անցավ հանդիսատեսի ջերմ ծափողջույնների ներքո: Խմբի նախաձեռնողն ու ղեկավարն է մշակույթի կենտրոնում նախկինում գործող > ռոք խմբի մասնակից, մշակույթի կենտրոնի երկարամյա և անդավաճան աշխատակից Սմբատ Առաքելյանը: Համերգի ավարտին մշակույթի կենտրոնի տնօրեն Մարո Սիմոնյանը շնորհակալություն հայտնեց նորաստեղծ խմբի անդամներին և բեմ հարվիրեց > վոկալ-գործիքային ամսամբի ղեկավար, երգահան, հեղինակային երգի փառատոնների բազմակի մրցանակակիր Արմեն Ադամյանին, որը շնորհակալություն հայտնեց նորաստեղծ խմբին եղեգնաձորյան ռոքի բարի ավանդույթները շարունակելու համար և իր հեղինակային երգով ողջունեց խմբին առաջին համերգային ելույթի կապակցությամբ: Խմբին շնորհավորեց և Էրիկ Քլեպթոնի երգացանկից գեղեցիկ մեկ կատարումով համերգը եզրափակեց ՀՀ Վայոց ձորի մարզպետ Էդգար Ղազարյանը:
2014 թվականի հուլիսի 26-ին, Մարտունի քաղաքի մշակույթի պալատում տեղի ունեցավ > շախմատի միջազգային մրցաշարի բացման արարողությունը: Արարողությանը ներկա էին ՀՀ Նախագահ, Հայաստանի շախմատային ֆեդերացիայի նախագահ Սերժ Սարգսյանը, Հայաստանի շախմատային ֆեդերացիայի նախագահի առաջին տեղակալ, Հայաստանի շախմատի ակադեմիայի հիմնադիր-տնօրեն Սմբատ Լպուտյանը, մի շարք պաշտոնյաներ, մրցաշարի մասնակիցները և բազմաթիվ շախմատասերներ: Բացման արարողության մշակութային հատվածի հիմնական թեման հայկական հնագույն տոներից մեկն էր՝ Վարդավառը: Միջոցառմանը մասնակցում էր նաև ՀՀ Վայոց ձորի մարզպետ, շախմատի Վայոց ձորի մարզային ֆեդերացիայի նախագահ Էդգար Ղազարյանը։
Նախագահը դիտել է <<Լավագույն մարզական ընտանիք>> մրցույթի 2014թ. եզրափակիչ փուլի մրցումները 28.07.2014
Նախագահ Սերժ Սարգսյանն այսօր Ծաղկաձորի օլիմպիական գլխավոր մարզահամալիրի մարզադաշտում դիտել է ՀՀ Նախագահի մրցանակի համար արդեն ավանդաբար՝ տասնմեկերորդ տարին անընդմեջ անցկացվող > մրցույթի 2014թ. եզրափակիչ փուլի մրցումները: «Լավագույն մարզական ընտանիք-2014» մրցույթն անցկացվել է երեք փուլերով, չորս տարիքային խմբերով՝ 6-7 մրցաձևերում: Այս տարի մրցույթին մասնակցել է 2067 ընտանիք Հայաստանի Հանրապետությունից և Լեռնային Ղարաբաղի Հանրապետությունից (նախորդ տարի՝ 2041 ընտանիք): Եզրափակիչ փուլ է անցել նախնական փուլերը հաջողությամբ հաղթահարած 144 ընտանիք: Մրցույթի եզրափակիչ փուլում այս տարի առաջին անգամ մասնակցում է նաև հաշմանդամ ունեցող 16 ընտանիք՝ Հայաստանի Հանրապետության մարզերից, Երևան քաղաքից և Արցախից:
