Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի կունենա քաղաքացիների ընդունելություն 12.06.2015
Սահմանված կարգի համաձայն` 2015 թվականի հունիսի 12-ին, ժամը` 14-ին, ՀՀ Վայոց ձորի մարզպետ Հարություն Սարգսյանի մոտ տեղի կունենա քաղաքացիների ընդունելություն: Հասցեն` ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5:
Աշխատանքային հանդիպում ՀՀ Վայոց ձորի մարզպետարանում 12.06.2015
2015 թվականի հունիսի 11-ին Վայոց ձորի մարզպետարանի նիստերի դահլիճում կայացավ հանդիպում մարզի մի շարք համայնքների ղեկավարների հետ: ՀՀ Վայոց ձորի մարզպետ Հարություն Սարգսյանը ողջունեց ներկաներին և ներկայացրեց ,,Գյուղական համայնքների տնտեսական զարգացման ԾԻԳ,, պետական հիմնարկի տնօրեն Աշոտ Վարդանյանին: Հանդիպմանը մասնակցում էին նաև մարզպետի տեղակալ Սամվել Թարվերդյանը և մարզպետարանի աշխատակազմի քաղաքաշինության վարչության պետ Ազատ Հովսեփյանը: Աշոտ Վարդանյանը ներկայացրեց մարզի համայնքներում իրականացվող և իրականացվելիք ծրագրերը՝ գազաֆիկացման, ոռոգման ու խմելու ջրագծերի կառուցման և վերանորոգման աշխատանքներ: Նա նշեց, որ բոլոր ծրագրերը կյանքի կոչելու համար անհրաժեշտ է լուծել համայնքի կողմից իրականացվող համաֆինանսավորման հարցերը: Իրենց հուզող խնդիրների վերաբերյալ ԾԻԳ-ի տնօրենին հարցեր ուղղեցին Գետափ, Արենի, Մալիշկա, Արին, Գոմք և Ելփին համայնքների ղեկավարները:
Տեղեկատվություն 12.06.2015
ՀՀ Վայոց ձոր մարզի Եղեգնաձոր, Վայք և Ջերմուկ քաղաքների ՍԾՏԳ-ներում 2015 թ. մայիս ամսին կատարած աշխատանքների մասին:
Տեղեկատվություն 12.06.2015
ՀՀ Վայոց ձորի մարզի ծննդօգնություն իրականացնող բուժհաստատություններում 2015 թվականի մայիս ամսվա ընթացքում ընդունված ծնունդների մասին՝ ըստ տարածաշրջանների:
Հրամանատարաշտաբային ուսումնավարժություն Վայոց ձորի մարզում 11.06.2015
Ս/թ հունիսի 10-ին Վայոց ձորի մարզպետարանի նիստերի դահլիճում ՀՀ Վայոց ձորի մարզպետ Հարություն Սարգսյանի ղեկավարությամբ և ՀՀ ԱԻՆ ՓԾ Վայոց ձորի մարզային փրկարարական վարչության պետ, փ/ծ մայոր Տիգրան Պետրոսյանի մասնակցությամբ անցկացվեց հրամանատարաշտաբային ուսումնավարժություն` ,, Կեչուտի ջրամբարի պատվարի փլուզումը կանխելու կամ փլուզման դեպքում հնարավոր հետևանքները նվազեցնելու կազմակերպում և իրականացում,, թեմայով: Օրակարգը ներկայացրեց և վարեց ՀՀ Վայոց ձորի մարզպետ, քաղաքացիական պաշտպանության Վայոց ձորի մարզային շտաբի պետ Հարություն Սարգսյանը:
2015 թվականի հունիսի 11-ին Վայոց ձորի մարզպետ Հարություն Սարգսյանի մոտ կայացավ հանդիպում, որին մասնակցում էին ԻԻՀ Արևմտյան Ատրպատականի նահանգի Խոյի կուսակալության պատվիրակության անդամները: Պատվիրակությունը ղեկավարում էր Խոյի կուսակալ Հուսեյն Սեյվանին: Պատվիրակության կազմում էին Խոյի քաղաքապետ Մահբուբ Թիզփազը , Խոյի նահանգապետարանի աշխատակից և թարգմանիչ Փայլակ Սահակյանը, քաղաքապետարանի մշակութային-հասարակական, արտաքին հարաբերությունների, տնտեսական և հանրային կապի ստորաբաժանումների ղեկավարները: Մարզպետարանում կայացած պատվիրակությունների ընդլայնված կազմով հանդիպմանը հայկական կողմից մասնակցում էին ՀՀ Վայոց ձորի մարզպետի տեղակալներ Սամվել Թարվերդյանը, Մելս Հարությունյանը, մարզպետարանի աշխատակազմի ղեկավար Կամո Սահակյանը, մարզպետի խորհրդական Վասիլ Ասլանյանը, Եղեգնաձորի քաղաքապետ Դավիթ Հարությունյանը, մարզպետարանի աշխատակազմի կրթության, մշակույթի և սպորտի, լրատվական ստորաբաժանումների ղեկավարները, մարզպետի օգնականը: Մարզպետ Հարություն Սարգսյանը ողջունեց հյուրերին, բարի գալուստ մաղթեց նրանց և ներկայացրեց վայոցձորյան պատվիրակության անդամներին: Կուսակալ Հուսեյն Սեյվանին շնորհակալություն հայտնեց ջերմ ընդունելության համարև նույնպես ներկայացրեց կուսակալության պատվիրակության անդամներին: Մարզպետը նշեց, որ դեռևս Վայքի քաղաքապետի պաշտոնն զբաղեցնելու ընթացքում եղել է ԻԻՀ Ատրպատականի նահանգում և շատ տպավորված է: Նա կարևորեց երկու պետությունների վարչական շրջանների միջև հաստատված սպորտային և մշակութային հարաբերությունները և հավելեց, որ ժամանակն է հաստատել նաև տնտեսական հարաբերություններ: Մարզպետը շեշտադրեց Համագործակցության հուշագրով ամրագրված գորգագործության, ոչխարաբուծության, զբոսաշրջության և ՓՄՁ ոլորտներում տնտեսական հարաբերություններ հաստատելու հնարավորությունները: Կուսակալն էլ իր հերթին առաջարկեց գործնական քայլերի դիմելուց առաջ ուսումնասիրել, բարեկամ մարզերի կարողությունները, համագործակցության այլ ոլորտներ գտնելու համար, շարունակելով խորացնել մարզամշակութային հարաբերությունները: Մարզպետը մատնանշեց մարզի առողջարանային զբոսաշրջության հարուստ ռեսուրսները և անասնաբուծության համար նպաստավոր պայմանները: Իսկ կուսակալը հորդորեց օգտվել ԻԻՀ երկաթուղային և ջրային ուղիների մեծ հնարավորությունից, կազմակերպել սահմանային առևտուր: Նշվեց, որ մարզերը միմյանց համար կարող են տարանցիկ գոտի հանդիսանալայլ շուկաներ դուրս գալու համար: Հյուրերը նվերներ փոխանակեցին, այնուհետ կայացավ ՀՀ Վայոց ձորի մարզպետ Հարություն Սարգսյանի և ԻԻՀ Արևմտյան Ատրպատականի նահանգի Խոյի կուսակալ Հուսեյն Սեյվանիի առանձնազրույցը:
