Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԱՅՑԵԼՈՒԹՅՈՒՆ ՋԵՐՄՈՒԿ ՀԱՄԱՅՆՔԻ ԿԵՉՈՒՏ ԳՅՈՒՂԻ ՀԻՄՆԱԿԱՆ ԴՊՐՈՑ 02.09.2014
2014 թվականի սեպտեմբերի 1-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելեց Ջերմուկ համայնքի Կեչուտ գյուղի հիմնական դպրոց: Դպրոցի տնօրեն Ստեփան Ստեփանյանի կողմից նոր ուսումնական տարվա մեկնարկի ազդարարումից հետո ՀՀ պետական օրհներգի հնչյունների ներքո դպրոցի բակում բարձրացվեց ՀՀ պետական դրոշը: Այնուհետև Ջերմուկի հոգևոր հովիվ Տեր Գալուստ քահանայի հետ միասին հավաքվածներն արտասանեցին Տերունական աղոթքը և ստացան նրա օրհնությունը: ՀՀ Վայոց ձորի մարզպետ Էդգար Ղազարյանը շնորհավորեց դպրոցի բոլոր աշակերտներին, ուսուցիչներին, աշակերտներին ծնողներին պետական տոնի՝ գիտելիքի, գրի և դպրոության օրվա առիթով: Է.Ղազարյանն ընթրցեց նաև ՀՀ Նախագահ Սերժ Սարգսյանի շնորհավորական ուղերձը: Դպրոցի տնօրենի կողմից նախորդ ուսումնական տարում գերեզանց առաջադիմություն ցուցաբերած աշակերտներին հանձնավեցին գովասանագրեր:
ԱՅՑԵԼՈՒԹՅՈՒՆ ԳՆԴԵՎԱԶ ԳՅՈՒՂԻ ՄԻՋՆԱԿԱՐԳ ԴՊՐՈՑ 02.09.2014
2014 թվականի սեպտեմբերի 1-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելեց Գնդեվազ գյուղի միջնակարգ դպրոց: Դպրոցի բակում կազմակերպված տոնական միջոցառման ժամանակ Է.Ղազարյանը շնորհավորեց դպրոցի աշակերտներին, ուսուցիչներին և ծնողներին գիտելիքի, գրի և դպրության տոնի առիթով և ընթերցեց ՀՀ Նախագահ Սերժ Սարգսյանի շնորհավորական ուղերձը: Այնուհետև աշակերտները հրավիրվեցին դպրոց: Է.Ղազարյանը դպրոցի տնօրենի ուղեկցությամբ շրջայց կատարեց դպրոցի տարածքում, ծանոթացավ դպրոցականների կայուն սննդի տրամադրման պայմաններին, այցելեց դպրոցի բակում Գնդեվազ համայնքում ԳԵՈԹԻՄ ընկերության սոցիալական ծրագրերի շրջանակներում կառուցվող խաղադաշտի շինարարական հրապարակ:
ԱՅՑԵԼՈՒԹՅՈՒՆ ՀԵՐՀԵՐ ԳՅՈՒՂԻ ՄԻՋՆԱԿԱՐԳ ԴՊՐՈՑ 02.09.2014
2014 թվականի սեպտեմբերի 1-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելեց Հերհեր գյուղի միջնակարգ դպրոց: Մարզպետին ուղեկցում էին նաև մարզպետարանի աշխատակազմի տրանսպորտի և ճանապարհաշինության վարչության պետ Խաչիկ Ասլանյանը և Վայքի ճանապարհաշինական ընկերության տնօրեն Կարո Գևորգյանը: Դպրոցի բակում հյուրերին դիմավորեցին աղ ու հացով: Դպրոցի տնօրեն ողջույնի խոսքից հետո նախորդ ուսումնական տարում բարձր առաջադիմություն ցուցաբերած աշակերտներին հանձնվեցին գովասանագրեր: Աշակերտներին և ուսուցիչներին իրենց շնորհավորական խոսքը հղեցին համայնքի ղեկավար Անդրանիկ Աբրահամյանը, համայնքի բնակիչներ: ՀՀ Վայոց ձորի մարզպետ Էդգար Ղազարյանը նույնպես շնորհավորեց դպրոցի աշակերտներին, ուսուցիչներին և ծնողներին գիտելիքի, գրի և դպրության տոնի առիթով և ընթերցեց ՀՀ Նախագահ Սերժ Սարգսյանի շնորհավորական ուղերձը: Հաշվի առնելով այն հանգամանքը, որի մի քանի օր առաջ ավարտին էր հասցվել Հերհեր գյուղի ճանապարհի հիմնանորոգումը՝ Է.Ղազարյանն առանձնահատուկ շնորհակալություն հայտնեց Վայքի ճանապարհաշինական ընկերության ողջ աշխատակազմին՝ Կարո Գևորգյանի գլխավորությամբ՝ վերջինիս հանձնելով ՀՀ Վայոց ձորի մարզպետի շնորհակալագիր: Այնուհետև Է.Ղազարյանը շրջայց կատարեց դպրոցի տարածքում, ծանոթացավ ուսման, ինչպես նաև դպրոցականների կայուն սննդի տրամադրման պայմաններին: ՀՀ Վայոց ձորի մարզպետ Էդգար Ղազարյանը օրվա խորհրդով բաց դաս անցկացրեց Հերհերի միջնակարգ դպրոցի բարձր դասարանի աշակերտների հետ:
ԱՅՑԵԼՈՒԹՅՈՒՆ ԿԱՐՄՐԱՇԵՆ ԳՅՈՒՂԻ ՄԻՋՆԱԿԱՐԳ ԴՊՐՈՑ 02.09.2014
2014 թվականի սեպտեմբերի 1-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելեց բարձր լեռնային համարվող Կարմրաշեն գյուղի միջնակարգ դպրոց: Է.Ղազարյանը շնորհավորեց դպրոցի բակում հավաքված աշակերտներին և ուսուցիչներին գիտելիքի, գրի և դպրության օրվա, ինչպես նաև նոր ուսումնական տարվա մեկնարկի առիթով: Է.Ղազարյանը հանդիպում ունեցով նաև դպրոցի ուսուցիչների և համայնքի բնակիչների հետ:
ՀԱՆԴԻՊՈՒՄ ՎԱՅՔԻ ԱՎԱԳ ԴՊՐՈՑԻ ՈՒՍՈՒՑԻՉՆԵՐԻ ՀԵՏ 02.09.2014
2014 թվականի սեպտեմբերի 1-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելեց Վայք ավագ դպրոց: Դպրոցի ուսուցչական կոլեկտիվի հետ ունեցած հանդիպման ժամանակ Է.Ղազարյանը շնորհավորեց նրանց գիտելիքի, գրի և դպրության օրվա կապակցությամբ: Մարզպետն ընթերցեց նաև ՀՀ Նախագահ Սերժ Սարգսյանի շնորհավորական ուղերձը: Վայքի ավագ դպրոցում երմարամյա բարեխիղճ և արդյունավետ աշխատանքի համար մի շարք ուսուցիչների պարգևատրվեցին ՀՀ Վայոց ձորի մարզպետի շնորհակալագրով: Այնուհետև հանդիպման ընթացքում դպրոցի տնօրենի կողմից ներկայացվեցին դպրոցի հաջողություններն ու անելիքները, մարզպետի մասնակցությամբ քննարկվեցին ՀՀ Վայոց ձորի մարզում կրթության ոլորտում իրականացվող ծրագրեր:
ՀՀ ՎԱՅՈՑ ՁՈՐԻ ՄԱՐԶՊԵՏ ԷԴԳԱՐ ՂԱԶԱՐՅԱՆԻ ՈՒՂԵՐՁԸ ԳԻՏԵԼԻՔԻ, ԳՐԻ ԵՎ ԴՊՐՈՒԹՅԱՆ ՕՐՎԱ ԿԱՊԱԿՑՈՒԹՅԱՄԲ 01.09.2014
Սիրելի հայրենակիցներ: Սեպտեմբերի 1-ը պետական տոնացույցի իր կարևորությամբ նշանակալի, իսկ ընդգրկումով՝ համաժողովրդական նշանակություն ունեցող տոն է՝ Գիտելիքի, գրի և դպրության օրը: Այն նշանավորում է նոր ուսումնական տարվա մեկնարակը դպրոցներում, քոլեջներում և համալսարաններում: Սրտանց շնորհավորում եմ բոլոր աշակերտներին, ուսանողներին և նրանց ծնողներին, ինչպես նաև բոլոր ուսուցիչներին և դասախոսներին, կրթության բնագավառի բոլոր նվիրյալներին այս գեղեցիկ տոնի կապակցությամբ: Մաղթում եմ, որ նոր ուսումնական տարին իր հետ բերի նորանոր հաջողություններ և ձեռքբերումներ: Գիտելիքն այն ուժն է, որը հնարավորություն է տալիս հաղթահարել բազմաթիվ դժվարություններ և փորձությունները, գիրն այն ուժն է, որը հնարավորություն է տալիս պահպանելու մեր ազգային ինքնությունն ու սերնդից սերունդ փոխանցել մեր մնայուն արժեքները, իսկ դպրությունն այն ուժն է, որտեղ ստեղծվում և պահպանվում է գիտելիքն ու գիրը: Այս երեք զորեղ ուժերը միավորող տոնը շատ բնութագրական է մեր ժողովրդին, քանզի դրա շնորհիվ է հնարավոր եղել պահպանել մեր հազարամյակների գոյությունը: Այս գեղեցիկ տոնի կապակցությամբ առանձնահատուկ կերպով ուզում եմ շնորհավորել առաջին անգամ դպրոց հաճախող մեր փոքրիկներին: Թող գիտելիքի տաճար նրանց մուտքը բարեբեր լինի: Այս օրը նրանց համար, թերևս, առաջին շրջադարձային օրն է, որը պետք է նախանշի նրանց կյանքի հետագա բոլոր կարևոր իրադարձությունները: Բարի երթ եմ մաղթում նրանց այդ լուսավոր ճանապարհին: Այս ուսումնական տարին յուրահատուկ է նաև այն երիտասարդների համար, որոնք առաջին անգամ հաճախելու են քոլեջներ և համալսարաններ՝ ստանալով ուսանողի կարգավիճակ: Ես ցանկանում եմ, որ նրանք իրենց ուսումնառության արդյունքում դառնան լավ մասնագետներ և հետագա իրենց աշխատանքով շենացնեն մեր երկիրը: Սիրելի բարեկամներ: Ապրելով Վայոց ձորում՝ մենք շրջապատված ենք Գլաձորի, Նորավանքի, Շադիվանքի, Գնդեվանքի, Ցախաց քարի, Հերմոնի, Արատեսի և բազում այլ նշանավոր ուսումնական և հոգևոր կենտրոնների ոգեշնչող միջավայրով: Այնտեղ դարեր շարունակ մեր երանելի նախնիների արարման արդյունքում ստեղծվել է այն հսկայական, անգնահատելի ժառանգությունը, որին արժանանալու բախտն ենք վայելում 21-րդ դարում: Մեզ անհրաժեշտ է նոր և ժամանակակից կրթության ուժով բազմապատկել այդ ժառանգությունը, դարձնել այն հանրաճանաչ ողջ աշխարհում և փոխանցել մեր սերունդներին: Դրա համար մեզ անհրաժեշտ է միայն սեր կրթության, գիտելիքի և դպրության հանդեպ: Բարի երթ եմ մաղթում բոլորին 2014-2015 թվականների նոր ուսումնակնա տարում: Էդգար Ղազարյան ՀՀ Վայոց ձորի մարզպետ 01, սեպտեմբերի 2014թ.
