Տեղեկատվական կենտրոն
Նորություններ
ՀՀ Վայոց ձորի մարզում համայնքների բյուջեների եկամունտները հավաքագրվել են 107,4 %-ով 02.08.2014
2014 թվականի օգոստոսի 1-ի դրությամբ ՀՀ Վայոց ձորի մարզի համայնքների բյուջեների եկամուտները հավաքագրվել են 107,4%-ով: Ընդ որում սեփական եկամուտների հավաքագրումը կազմում է 113,8% : Հատկապես հավաքագրման բարձր մակարդակ է արձանագրվել գույքահարկի գծով՝ 131,0%, իսկ հողի հարկի հավաքագրումը կազմել է 107,4%:Համայնքների գերակշիռ մասում արձանագրվել է եկամուտների ամբողջական հավաքագրում բոլոր եկամտատեսակների գծով: Հավաքագրման տեսանկյունից, հատկապես հողի հարկի առումով, ամբողջությամբ իրենց եկամուտները չեն հավաքագրել միայն Եղեգիս, Հորբատեղ, Մարտիրոս, Ջերմուկ և Գնդեվազ համայնքները:
2014 թվականի օգոստոսի 1-ին ՀՀ Վայոց ձորի մարզպետ Էդգար Ղազարյանը՝ մարզպետի տեղակալ Սամվել Թարվերդյանի և մարզպետարանի աշխատակազմի տրանսպորտի և ճանապարհաշինության բաժնի պետ Խաչիկ Ասլանյանի ուղեկցությամբ այցելեց Հերհեր և Կարմրաշեն գյուղերի ճանապարհի վերանորգման շինհրապարակ՝ տեղում վերանորոգման աշխատանքներին ընթացքին ծանոթանալու նպատակով: Ճանապարհի հիմնանորոգման խնդիրը բարաձրացվել է համայնքի բնակիչների կողմից, որոնց հետ ՀՀ Վայոց ձորի մարզպետի 2014 թվականի մարտի 4-ին կայացած հանդիպման ժամանակ Է.Ղազարյանը խոստացել էր առաջին իսկ հնարավորության դեպքում միջոցներ նախատեսել ճանապարհի հիմնանորոգման համար (http://vdzor.gov.am/news/item/2014/03/07/478/): Մարզպետի խոստումը երկար սպասեցնել չտվեց: 2014 թվականին ՀՀ կառավարության կողմից ՀՀ Վայոց ձորի մարզպետարանին ճանապարհաշինության նպատակով հատկացված ողջ միջոցները (շուրջ 80 մլն. դրամ) ուղղվեց ճանապարհի հիմնանորոգման ծրագրին: Կատարված աշխատանքնենրի արդյունքում ճանապարհի մի մասն ամբողջությամբ ասֆալտապատվել է, մի զգալի մասում իրականացվել են փոսային նորագման աշխատանքներ, իսկ առավել դժվար անցանելի հատվածներում ապահովվել է ավազակոպճային ծածկույթ: Ծրագրով նախատեսված է աշխատանքներն ավարատին հասցնել 2014 թվականի հոկտեմբերի 1-ին, սակայն շինարարական կազմակերպության ղեկավարների հավաստիացումներով, այն հնարավոր կլինի ամբողջությամբ շահագործման հանձնել ժամկետից շուտ:
Հուլիս ամսին Վայոց ձորի մարզում ծնվել է 52 երեխա 01.08.2014
Տեղեկատվություն՝ 2014 թվականի հուլիս ամսվա ընթացքում Վայոց ձորի բուժհաստատություններում ընդունված ծնունդների մասին
Կայացավ ՀՀ Վայոց ձորի մարզպետարանի ներքին աուդիտի կոմիտեի հերթական նիստը 01.08.2014
2014 թվականի օգոստոսի 1-ին կայացավ ՀՀ Վայոց ձորի մարզպետարանի ներքին աուդիտի կոմիտեի հերթական նիստը, կոմիտեի նախագահ Էդգար Ղազարյանի գլխավորությամբ: Նիստին մասնակցում էին Ներքին աուդիտի կոմիտեի անդամներ՝ մարզպետի տեղակալներ՝ Սամվել Թարվերդյանը, Արամ Գրիգորյանը: Նիստը քարտուղարում էր ՀՀ Վայոց ձորի մարզպետարանի աշխատակազմի ներքին աուդիտի բաժնի պետ Վասակ Կարապետյանը: Նիստին մասնակցում էին նաև մարզպետարանի աշխատակազմի ղեկավար Կամո Սահակյանը, աշխատակազմի ստորաբաժանումների ղեկավարներ, ինչպես նաև ներքոնշյալ ՓԲԸ-ների ղեկավարները: Օրակարգում ներառված էին հետևյալ հարցերը. 2014թ.-ի ներքին աուդիտի ծրագրով >, > > ՓԲԸ-ներում իրականացված աուդիտի հաշվետվությունների ներկայացում:
ՀՀ սպորտի և երիտասարդության հարցերի նախարարը շնորհակալություն է հայտնել ՀՀ Վայոց ձորի մարզպետին 01.08.2014
ՀՀ սպորտի և երիտասարդության հարցերի նախարար Գաբրիել Ղազարյանը ՀՀ Վայոց ձորի մարզպետ Էդգար Ղազարյանին շնորհակալական նամակ է հղել, որի մեջ շարադրված է. > մրցույթի կազմակերպչական աշխատանքներին աջակցելու և մրցույթի 1-ին և 2-րդ փուլերին անձամբ և ընտանիքով ակտիվ մասնակցություն ունենալու համար>>:
Հովիկ Աբրահամյանն այցելել է Վայոց ձորի սահմանամերձ համայնքներ 31.07.2014
Վարչապետ Հովիկ Աբրահամյանը ՀՀ փոխվարչապետ, տարածքային կառավարման նախարար Արմեն Գևորգյանի, ՀՀ գյուղատնտեսության նախարար Սերգո Կարապետյանի, ՀՀ կառավարության աշխատակազմի ղեկավար-նախարարի առաջին տեղակալ Գուրգեն Դումանյանի ուղեկցությամբ այցելել է Վայոց ձորի մարզ: Կառավարության ղեկավարի առաջին կանգառը Գլաձոր համայնքում էր, որտեղ վարչապետի ներկայությամբ բացվել է համայնքի հիմնանորոգված մանկապարտեզը: Հովիկ Աբրահամյանը Վայոց ձորի մարզպետ Էդգար Ղազարյանի ուղեկցությամբ շրջել է մանկապարտեզով՝ ծանոթացել կատարված աշխատանքներին և երեխաների համար ստեղծված պայմաններին: Մանկապարտեզի հիմնանորոգման նպատակով ներդրվել է շուրջ 120 մլն դրամ, որի հիմնական մասը հատկացվել է Հայաստանի սոցիալական ներդրումների հիմնադրամի կողմից: Եվս 12 մլն դրամ ներդրվել է համայնքի բյուջեից: Ներկայում 120 երեխա ընդունելու հնարավորությամբ մանկապարտեզ է հաճախում 110 երեխա: Նախակրթարանը համալրվել է նոր գույքով և գրենական պիտույքներով: Այնուհետև Հովիկ Աբրահամյանն այցելել է Զառիթափ համայնքի մոտակայքում կառուցվող սպանդանոցի շինհրապարակ՝ ծանոթացել շինարարական աշխատանքների ընթացքին: Սպանդանոցի բարձրակարգ սարքավորումները հատկացնելու է ՀՀ կառավարությունը՝ տրամադրելով 127 հազար ԱՄՆ դոլար: ՀՀ գյուղատնտեսության նախարար Սերգո Կարապետյանը զեկուցել է, որ մասնավոր-պետություն համագործակցությամբ կառուցվող սպանդանոցի շինարարության համար մասնավորը ներդրել է 265 հազար ԱՄՆ դոլար, սարքավորումները կներկրվեն մոտակա ժամանակներս, իսկ սպանդանոցը կսկսի գործել մինչ տարեվերջ: ՄԱԿ-ի Պարենի և գյուղատնտեսության համաշխարհային կազմակերպության աջակցությամբ ՀՀ-ում ներկայում կառուցվում է 5 սպանդանոց. երկուսը՝ Կոտայքի մարզում, ևս մեկական սպանդանոցներ՝ Վայոց ձորի, Լոռու և Արագածոտնի մարզերում: Ներկայում ընթանում են սպանդանոցների շինարարական աշխատանքները: Ծրագրի նպատակն է Հայաստանի մի քանի մարզերում կազմակերպել մսամթերքի ապահով և հիգիենիկ արտադրություն: