Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզի Ջերմուկի թիվ 1 հիմնական դպրոցն անվանակոչվել է Մաքսիմ Գորկու անունով 21.08.2014
ՀՀ Վայոց ձորի մարզպետ Էդգար Ղազարյանը, համաձայնեցնելով ՀՀ կառավարության հետ, որոշում է կայացրել ՀՀ Վայոց ձորի մարզի > պետական ոչ առևտրային կազմակերպությունը ռուս մեծ գրող Մաքսիմ Գորկու անունով անվանակոչելու վերաբերյալ: Ծնունդով նիժեգորոդցի ռուս մեծ մտավորականի անունով ՀՀ Վայոց ձորի մարզում դպրոց անվանակոչելու և ռուսաց լեզվի խորացված ուսուցում կազմակերպելու վերաբերյալ ՀՀ Վայոց ձորի մարզպետ Էդգար Ղազարյանի և ՌԴ Նիժեգորոդի նահանգապետ Վալերի Շանցևի միջև պայմանավորվածություն ձեռք է բերվել Հայ-ռուսական միջտարածաշրջանային երրորդ համաժողովի շրջանակներում նահանգապետի Վայոց ձոր կատարած այցի ընթացքում:
Ջերմուկ քաղաքում տեղի ունեցավ ռոք երաժշտության երեկո 20.08.2014
ՀՀ Վայոց ձորի մարզպետարանի նախաձեռնությամբ և ջանքերով, ինչպես նաև Ջերմուկի քաղաքապետարանի տեխնիկական աջակցությամբ 2014 թվականի օգոստոսի 16-ի երեկոյան Ջերմուկի ըմպելասրահի տարածքում տեղի ունեցավ ռոք համերգ, Եղեգնաձորի MEET ME IN THE SKY նորաստեղծ խմբի կատարմամբ: Համերգային երեկոն հրաշալի նվեր էր Ջերմուկի բնակիչներին և հյուրերին: Համերգին իր ընտանիքով ներկա է եղել նաև ՀՀ Վայոց ձորի մարզպետ Էդգար Ղազարյանը, ով իր շնորհակալություն է հայտնում երաժշտախմբի երիտասարդ կատարողներին՝ ներկաներին գեղեցիկ երեկո պարգևելու համար և մաղթում նրանց հետագա հաջողություններ:
ՀՀ Վայոց ձորի մարզպետ Էդգար Ղազարյանն այցելել է Ջերմուկ համայնք 20.08.2014
2014 թվականի օգոստոսի 16-ին ՀՀ Վայոց ձորի մարզպետ Էդգար Ղազարյանն աշխատանքային այցելություն է կատարել Ջերմուկ համայանք: Այցի շրջանակներում Է.Ղազարյանը մարզպետի տեղակալ Մելսիկ Հարությունյանի և մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելել է Ջերմուկի և Կեչուտի հիմնական դպրոցներ, ծանոթացել 2014-2015 թվականների ուսումնական տարվա նախապատրաստական աշխատանքներին ընթացքին, ինչպես նաև 2014 թվականի սեպտեմբերի 1-ից ՀՀ Վայոց ձորի մարզում մեկնարկող դպրոցականների կայուն սննդի կազմակերպման պայմաններին: 2014 թվականի ընթացքում ԳԵՈԹԻՄ ընկերության կողմից սոցիալական ծրագրերի շրջանակներում Ջերմուկի թիվ 1 հիմնական դպրոցում իրականացվել են սանհագույցների և ճաշարանի հիմնանորգման աշխատանքներ: Նույն օրը Է.Ղազարյանը մարզպետարանի աշխատակազմի քաղաքաշինության վարչության պետ Ազատ Հովսեփյանի ուղեկցությամբ այցելեց Ջերմուկում նոր կառուցված կեղտաջրերի մաքրման կայան, որտեղ ավարտվել են շինարարական աշխատանքներ և ներկայումս տեղադրվում են համապատասխան սարքավորումները: Կայանը կհանձնվի շահագործման 2014 թվականի սեպտեմբեր ամսվա ընթացքում:
ՀՀ Վայոց ձորի մարզպետ Էդգար Ղազարյանը Նորավանքում մասնակցել է Սուրբ Աստվածածնի Վերափոխման տոնին 19.08.2014
2014 թվականի օգոստոսի 17-ին Հայ Առաքելական Սուրբ եկեղեցին մեծ շուքով և հանդիսավորությամբ նշեց Սուրբ Աստվածածնի Վերափոխման տոնը կամ ինչպես ժողովրդի մոտ տարածված է ասել՝ Խաղողօրնեքը: Այն Հայ եկեղեցու հինգ տաղավար տոներից չորրորդն է և Տիրամորը նվիրված տոներից ամենահինը: Տոնը Նորավանքի վանական համալիրում հանդիսությամբ նշվեց նաև Հայստանյայց Առաքելական Սուրբ եկեղեցու Վայոց ձորի թեմի կողմից, որին մասնակցում էին ՀՀ Վայոց ձորի մարզպետ Էդգար Ղազարյանը, մարզպետի տեղակալները, մարզպետարանի աշխատակազմի և մարզի այլ պաշտոնյաներ, բազմաթիվ զբոսաշրջիկներ, հյուրեր: Սբ. Աստվածածնի Վերափոխման տոնակատարությունն սկսվեց համալիրի Սբ. Կարապետ եկեղեցում տեղի ունեցած Սբ. Պատարագով: Պատարագիչն էր Տեր Սահակ քահանա Մարտիրոսյանը: Սուրբ. Պատարագից հետո, հանդիսապետությամբ Վայոց ձորի թեմի փոխառաջնորդ Տեր Զարեհ վարդապետ Կաբաղյանի, Սբ. Աստվածածնին նվիրված շարականների երգեցողությամբ, դպրաց դասի և մասնակիցների ուղեկցությամբ թափորը շարժվեց վանական համալիրի գլխավոր եկեղեցի` Սբ. Ասվածածին եկեղեցի, որտեղ էլ կատարվեց Խաղողօրհնեքի արարողությունը, որի ժամանակ մասնակիցներին ողջունեց ՀՀ Վայոց ձորի մարզպետ Էդգար Ղազարյանը: Մարզպետը մաղթանքներից բացի նշեց, որ Խաղողի օրհնությամբ պաշտոնապես մեկնարկում է 2014 թվականի Արենի գինու փառատոնը, որը տեղի կունենա հոկտեմբերի 1-ից 5-ը: Խաղողօրհնեքի արարողությունից հետո սկսվեց մշակութային հանդիսությունը, որը կազմակերպել էր ՀՀ Վայոց ձորի մարզպետարանը:
ՀՀ Վայոց ձորի մարզպետ Էդգար Ղազարյանն աշխատանքային այցելություն է կատարել Սարավան համայնք 19.08.2014
2014 թվականի օգոստոսի 15-ին ՀՀ Վայոց ձորի մարզպետ Էդգար Ղազարյանն աշխատանքային այցելություն է կատարել Սարավան համայնք: Համայնքի ղեկավար Սիմոն Բաբայանի և Սարավանի հիմնական դպրոցի տնօրեն Աշոտ Փադունցի ուղեկցությամբ Է.Ղազարյանը շրջել է դպրոցի տարածքում, որտեղ ԳԵՈԹԻՄ ընկերության սոցիալական ծրագրերի շրջանակներում և Սարավան համայնքի համաֆինանսավորմամբ դպրոցին կից կառուցվում է նոր շինություն՝ 2014 թվականի սեպտեմբերի 1-ից ՀՀ Վայոց ձորի մարզում մեկնարկող դպրոցականների կայուն սննդի ծրագրի ապահովման նպատակով անհրաժեշտ պայմաններ ստեղծելու համար: Նոր շինությունը կազմված կլինի խոհանոցից, դպրոցական բուֆետից, պահեստից և սանհագույցներից: Պատասխանատուների հավաստիացումներով շենքը շահագործման կհաձնվի 2014 թվականի սեպտեմբերին:
Քննարկվեցին Ջերմուկի սոցիալ-տնտեսական զարգացման խնդիրները 19.08.2014
2014 թվականի օգոստոսի 16-ին ՀՀ Վայոց ձորի մարզպետ Էդգար Ղազարյանը Ջերմուկի ՕԼԻՄՊԻԱ առողջարանում հրավիրել էր աշխատանքային խորհրդակցություն, որին մասնակցում էին մարզպետի տեղակալ Մելսիկ Հարությունյանը, մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը, զարգացման ծրագրերի և վերլուծության բաժնի պետ Արամ Կոստանյանը, մարզպետի խորհրդական Սերոբ Անտինյանը, Ջերմուկի քաղաքապետարանի ներկայացուցիչներ և համայնքի ավագանու անդամներ, առողջարանների և հյուրանոցների տնօրեններ: Հանդիպման ընթացքում քննարկվեցին Ջերմուկի սոցիալ-տնտեսական զարգացման նոր ծրագրին և միջոցառումների ժամանակացույցին, Ասիական զարգացման բանկի կողմից իրականացվելիք հնարավոր ներդրումային ծրագրերի նախագծերին, Ջերմուկի առողջարանների և հյուրանոցների բակերում ՀՀ Վայոց ձորի մարզպետ Էդգար Ղազարյանի նախաձեռնությամբ և առաջարկով կառուցվելիք շախմատային բացօթյա դաշտերի, ինչպես նաև ՀՀ Վայոց ձորի մարզի և ՌԴ Արխանգելսկի և Նիժեգորորդի մարզերի միջև համագործակցության շրջանակներում Ջերմուկում զբոսաշրջության զարգացման ծրագրերին առնչվող հարցեր:
