Տեղեկատվական կենտրոն
Նորություններ
Հանդիպում ՀՀ Վայոց ձորի մարզպետի մոտ
02.02.2016
Այսօր պաշտոնական այցով ՀՀ Վայոց ձորի մարզում էր Հայաստանի Հանրապետությունում Բելառուսի Հանրապետության արտակարգ եւ լիազոր դեսպան` Ն.Գ. Իգոր Նազարուկը: ՀՀ Վայոց ձորի մարզպետարանում տեղի ունեցավ ՀՀ Վայոց ձորի մարզպետ Հարություն Սարգսյանի հանդիպումը Իգոր Նազարուկի հետ:
Հ. Սարգսյանը շնորհակալություն հայտնեց այցի և Վայոց ձորի մարզի նկատմամբ ցուցաբերած ուշադրության համար:
Հանդիպմանը ներկա էին Հայաստանի Հանրապետությունում Բելառուսի Հանրապետության արտակարգ եւ լիազոր դեսպանի գլխավոր խորհրդական Դմիտրի Սեմյոնովիչը և ՀՀ Վայոց ձորի մարզպետի խորհրդական Վասիլ Ասլանյանը:
Հանդիպման ընթացքում քննարկվեցին երկկողմ համագործակցության ընդլայնման և զարգացման հետ կապված մի շարք հարցեր, մասնավորապետ գյուղատնտեսության, զբոսաշրջության, մշակույթի և արդյունաբերության ոլորտներին վերաբերող հարցեր:
Տեղեկացնենք, որ 2013 թվականին Բելառուսի Հանրապետության Մինսկի և ՀՀ Վայոց ձորի մարզերի միջև կնքվել է առևտրատնտեսական, գիտատեխնիկական և մշակութային համագործակցության համաձայնագիր: Դեսպանն իր պատրաստակամությունը հայտնեց համաձայնագրում ներառված ոլորտների զարգացման ուղղությամբ գործնական քայլերի ձեռնարկման գործում:
ՀՀ Վայոց ձորի մարզպետ Հ. Սարգսյանը նշեց, որ նշված համաձայնագրի շրջանակներում հարկավոր է մշակել նոր նախագծեր և ծրագրեր, որոնք ուղղված կլինեն միջմարզային համագործակցության և մեր երկու պետությունների միջև մշակութային, կրթական, առողջապահական ոլորտներում կապերի ամրապնդմանը:
Հանդիպման ավարտին երկու կողմերը միմյանց խորհրդանշական նվերներ հանձնեցին:
ՀՀ Վայոց ձորի մարզ կատարած այցի շրջանակում ՀՀ-ում Բելառուսի Հանրապետության արտակարգ եւ լիազոր դեսպան Իգոր Նազարուկը այցելեց Եղեգնաձորի մանկական երաժշտական դպրոց, որտեղ դեսպանին ներկայացվեց դպրոցի առօրյան, հաջողությունները և ձեռքբերումները, իսկ դպորցի սաները փոքրիկ համերգային ծրագրով ողջունեցին հյուրերին:
Եղեգնաձորի երկրագիտական թանգարան կատարած այցի ժամանակ դեսպանը ծանոթացավ Վայոց ձորի մարզի պատմության մասին փաստող ցուցանմուշներին: