Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում Վայոց ձորի մարզպետի մոտ 24.12.2015
Այսօր ՀՀ Վայոց ձորի մարզպետ Հարություն Սարգսյանն ընդունեց հայկական > ընդգրկված վայոցձորցի կարատեիստ, ծանրամարտիկ Կարեն Մարտիրոսյանին: 2014թ.-ի մարտի 15-ին Կարենը 17 կգ կշռող ինքնաշեն ծանրաձողով Ֆիզիկական կուլտուրայի հայկական պետական ինստիտուտի ծանրամարտի դահլիճում, մարզասարքի վրա մեջքով կիսապառկած վիճակում, երկու ձեռքով կատարել է > վարժությունը 2555 անգամ անընդմեջ՝ 1 ժամ 18 րոպեում: Իսկ 2015թ. Կարենը բարելավել է իր անձնական ռեկորդը՝ 1ժամ 43 րոպեում հրելով 2700 անգամ: Կարենին շնորհավորելով հայկական > ընդգրկվելու առթիվ, մարզպետ Հարություն Սարգսյանը նրան մաղթեց նոր ռեկորդներ և նորանոր հաջողություններ: Մարզպետը նշեց, որ երիտասարդության և դպրոցահասակ երեխաների շրջանում այսօր կարևոր է ֆիզիկական դաստիարակության և առողջ ապրելապերպի մշակույթի տարածումը, որն ուղղված է մարդու առողջության պահպանմանը, մարդու մտավոր և ֆիզիկական կարողությունների զարգացմանը։
Քննարկում ՀՀ Վայոց ձորի մարզպետ Հարություն Սարգսյանի մոտ 24.12.2015
2015 թվականի դեկտեմբերի 23-ին ՀՀ Վայոց ձորի մարզպետ Հարություն Սարգսյանի մոտ, մասնակցությամբ՝ մարզպետի տեղակալ Մելս Հարությունյանի և Եղեգնաձորի ԲԿ ՓԲԸ տնօրեն Անահիտ Կարապետյանի, քննարկվեց ՀՀ քննչական կոմիտեի Վայոց ձորի քննչական վարչության միջնորդագիրը: Այն վերաբերում էր 2014 թվականին ՀՀ ոստիկանությանՎայոց ձորի մարզային վարչության Եղեգնաձորի բաժին Գլաձոր համայնքի բնակիչ Արմեն Սերյոժայի Կարապետյանի կողմից իր քրոջ Պայծառ Սերյոժայի Կարապետյանի մահվան փաստի առթիվ ստացված ահազանգի հիմքով նախապատրաստած նյութերին: Մարզպետարանի աշխատակազմի իրավաբանական բաժնի պետ Նարինե Մաղաքյանը ներկայացրեց նյութը, ըստ որի՝ Պայծառ Սերյոժայի Կարապետյանի մահվան պատճառի մեջ բացակայում են հացագործության հատկանիշները, որի հիման վրա որոշում է կայացվել քրեական գործով վարույթը կարճելու մասին:
Տեղեկատվություն 22.12.2015
Կապված Արենի-Խաչիկ ավտոճանապարհի 8-րդ կմ-ում գտնվող ժայռաբեկորի պայթեցման աշխատանքների հետ ս/թ. դեկտեմբերի 22-ից ավտոճանապարհի 8:200 մինչև 8:250 հատվածը լինելու է միակողմանի երթևեկելի: Ներկա պահին կատարվում են հողային և պայթեցման նախապատրաստական աշխատանքներ: Ժայռաբեկորի պայթեցման աշխատանքները նախատեսված է իրականացնել դեկտեմբերի 24-ին: Դեկտեմբերի 25-28-ը ճանապարհը փակվելու է երկկողմանի: Ճանապարհի մաքրման աշխատանքները կավարտվեն դեկտեմբերի 28-ին: Մաժամանակ տեղեկացնում եմ, որ Արենի-Խաչիկ երթևեկելու համար օգտագործվում է Նորավանք-Ամաղու-Խաչիկ շրջանցող գրունտային ճանապարհը, որը բարեկարգվել և հանձնվել է շահագործման:
Տեղի ունեցավ գործակարգավարական հերթական խորհրդակցությունը 21.12.2015
Դեկտեմբերի 21-ին ՀՀ Վայոց ձորի մարզպետ Հարություն Սարգսյանը մարզպետի տեղակալների, մարզպետի խորհրդականի և մարզպետարանի աշխատակազմի ստորաբաժանումների պետերի մասնակցությամբ անցկացրեց հերթական գործակարգավարական խորհրդակցությունը: Ստորաբաժանումների ղեկավարները ներկայացրեցին նախորդ խորհրդակցության ժամանակ արձանագրված հանձնարարականների կատարման ընթացքը, շաբաթվա ընթացքում կատարած աշխատանքները և ընթացիկ շաբաթում իրականացվելիք ծրագրերը:
Կայացավ քաղաքացիների 2015 թվականի դեկտեմբեր ամսվա ընդունելությունը 18.12.2015
2015 թվականի դեկեմբերի 11-ին ՀՀ Վայոց ձորի մարզպետ Հարություն Սարգսյանի մոտ տեղի ունեցավ քաղաքացիների հերթական ընդունելությունը: Ընդունելության համար ցուցակագրվել էր 267 քաղաքացի, ընդունելության էին եկել 267-ը: Դրամական աջակցության խնդրանքով դիմել էին 263 քաղաքացիներ, որոնց խնդրանքը բավարարվեց: 4 քաղաքացիներ դիմել էին այլ խնդիրներով՝ աշխատանքի տեղավորման և կեցաղային այլ հարցերով: Նշված քաղաքացիների կողմից բարձրացված հարցերին լուծում տալու նպատակով հանձնարարություններ տրվեցին մարզպետարանի աշխատակազմի համապատասխան ստորաբաժանումների ղեկավարներին՝ ուսումնասիրել, օրենքով սահմանված կարգով և նախատեսված ժամկետներում պատասխանել ընդունելության եկած քաղաքացիներին:
Տեղի ունեցավ Վայոց ձորի մարզխորհրդի չորրորդ նիստը 16.12.2015
2015 թվականի դեկտեմբերի 16-ին ՀՀ Վայոց ձորի մարզպետարանի նիստերի դահլիճում տեղի ունեցավ ՀՀ Վայոց ձորի մարզխորհրդի 4-րդ նիստը, որը վարում էր ՀՀ Վայոց ձորի մարզպետ Հարություն Սարգսյանը: Նախքան նիստի աշխատանքները սկսելը ներկաները մեկ րոպե լռությամբ հարգեցին դեկտեմբերի 11-ին, ՊԲ արևելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից հրադադարի ռեժիմի խախտման արդյունքում, մահացու հրազենային վիրավորում ստացած ՊԲ սպա, պայմանագրային զինծառայող, 1994թ. ծնված վայոցձորցի Վարդան Վարդանյանի հիշատակը: Մազխորհրդի նիստին մասնակցում էին մարզի համայնքների ղեկավարները և աշխատակազմի քարտուղարները, հանրապետական գործադիր մարմինների տարածքային ծառայությունների ղեկավարներ, մարզպետարանի աշխատակազմի կառուցվածքային և առանձնացված ստորաբաժանումների ղեկավարներ և ԶԼՄ ներկայացուցիչներ: Մարզխորհրդի 4-րդ նիստին ներկա էր նաև ՀՀ ՏԿ և ԱԻ նախարարության տարածքային կառավարման և զարգացման վարչության վարչական վերահսկողության բաժնի պետ Հովհաննես Օհանյանը: Նիստի ընթացքում քննարկվեցին օրակարգային հետևյալ հարցերը՝ 1. ,,ՀՀ կառավարությանն առընթեր կադաստրի պետական կոմիտեի աշխատակազմի գեոդեզիայի և հողային պետական տեսչության կողմից 2015թ. հոկտեմբեր-նոյեմբեր ամիսներին մարզի 13 համայնքներում իրականացված տեսչական ստուգումների արդյունքների մասին,,: 2. ,,2015թ 11 ամիսներին համայնքային բյուջեների ամրագրված սեփական եկամուտների հավաքագրման ընթացքը,,: 3. ,,Մարզի առողջապահության և սոցիալական ապահովության ոլորտում իրականացված աշխատանքների մասին,,: Նիստի առաջին հարցի մասին զեկուցեց ՀՀ Վայոց ձորի մարզպետարանի աշխատակազմի հողաշինության և հողօգտագործման բաժին-մարզային հողային պետական տեսչության պետ Մեսրոպ Մեսրոպյան՝ ներկայացնելով տեսչական ստուգումների արդյունքում վեր հանվեած խախտումները և բացթողումները: Մարզպետ Հ. Սարգսյանը 13 համայնքների ղեկավարներին հանձնարարեց եռօրյա ժամկետում մարզպետարան ներկայացնել իրենց առարկությունները հայտնաբերված խախտումների վերաբերյալ: Համայնքային բյուջեների ամրագրված սեփական եկամուտների հավաքագրման ընթացքի մասին զեկուցմամբ հանդես եկավ ՀՀ Վայոց ձորի մարզպետարանի ֆինանսական և սոցիալ-տնտեսական զարգացման վարչության ֆինանստնտեսագիտական բաժնի պետ Անահիտ Սարգսյանը: Մարզպետ Հ. Սարգսյանը նշեց, որ համայքների ղեկավարները լուրջ և հետևողական աշխատանք պետք է վարեն իրենց համայնքներում 2015թ.-ի սեփական եկամուտների հավաքագրումը բարձր ցուցանիչներով կատարելու ուղղությամբ: Մարզի առողջապահության և սոցիալական ապահովության ոլորտում իրականացված աշխատանքների մասին զեկուցեց ՀՀ Վայոց ձորի մարզպետարանի առողջապահության և սոց.ապահովության վարչության պետ Խ. Գևորգյանը: Ներկայացնելով այս ոլորտում տեղ գտած առաջախաղացումները, Խ. Գևորգյանը նշեց, որ ՀՀ Վայոց ձորի մարզպետ Հ. Սարգսյանի հետևողական աշխատանքի շնորհիվ «Վայքի բուժմիավորում» ՓԲԸ-ում հեմոդիալիզի բաժանմունքի կազմակերպման աշխատանքներ են իրականցվում, 2015թ.-ին մեկնարկել և ավարտին են մոտենում Շատինի ամբուլատորիայի կառուցման աշխատանքները, որոնք իրականացվում են «Առողջապահության ԾԻԳ» ՊՀ կողմից: Նախատեսվում են նաև Վայքի բժշկական կենտրոնի արդիականացման և շենքային պայմանների բարելավման աշխատանքներ: Քննարկելով մարզի առողջապահության և սոցիալական ապահովության խնդիրները, մարզպետ Հ. Սարգսյանը նշեց, որ դեկտեմբերի 4-ին ՀՀ Նախագահի մոտ՝ Վայոց ձորի մարզի 2014-2015թթ. հունվար-սեպտեմբեր ժամանակահատվածի սոցիալ-տնտեսական իրավիճակի, առկա հիմնախնդիրների և զարգացման ծրագրերի քննարկման նպատակով կայացած հանդիպման ժամանակ մանրամաս քննարկվել են մարզի տնտեսության բոլոր ոլորտներին վերաբերող հարցերը, այդ թվում՝ առողջապահության և սոցիալական ապահովության: ,,Բնակչության նկատմամբ հոգատար վերաբերմունքը պետք է առաջնային լինի: Ուշադրության կենտրոնում պետք է պահել առողջապահության և սոցիալական ապահովության հիմնահարցերը, հարկավոր է վեր հանել առակա բոլոր խնդիրները,,-, ասաց մարզպետ Հ. Սարգսյանը: Հայտարարութամբ հանդես եկան ՀՀ Վայոց ձորի մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը: Հայտարարությունը վերաբերում էր 2015-2016թթ. հանրակրթական դպրոցների կառավարման խորհուրդների նոր կազմի ձևավորմանը և անդամների առաջադրմանը: Վարելահողերի նպատակային օգտագործման մասին հայտարարությամբ հանդես եկավ ՀՀ Վայոց ձորի մարզպետի տեղակալ Սամվել Թարվերդյանը՝ մարզի համայնքների ղեկավարներին առաջարկելով 5 օրյա ժամկետում մարզպետարան ներկայացնել պարզաբանումներ չմշակվող վարելահողերի և դրանց մշակման հնարավոր ուղիների սեղծման մանրամասների մասին: Եզրափակելով 2015թ. մարզխորհրդի վերջին նիստը, մարզպետ Հ. Սարգսյանը ներակներին շնորհավորեց գալիք Ամանորի և Սուրբ Ծննդյան տոների առթիվ՝ ցանկանալով առողջություն և խաղաղություն: Մարզխորհրդի նիստի արձանագրությանը ծանոթանալու համար կարող եք այցելել մարզպետարանի պաշտոնական կայքի ,,Մարզպետարան,, բաժնի ,,Մարզխորհրդի նիստեր,, ենթաբաժին:
