Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր` սեպտեմբերի 10-ին, ՀՀ Վայոց ձորի մարզպետարանում տեղի ունեցավ քննարկում` բրիտանական >-Հայաստան կազմակերպության կողմից Վայոց ձորի մարզում իրականացվող > (ԱՌՆ) ծրագրի ավարատական փուլի հետ կապված: Հանդիպում-քննարկմանը մասնակցում էին ՀՀ Վայոց ձորի մարզպետ Հարություն Սարգսյանը, մարզպետի տեղակալ Սամվել Թարվերդյանը, ՀՀ ՏԿԱԻՆ Վայոց ձորի փրկարարական վարչության պետ, փ/ծ փոխգնդապետ Տիգրան Պետրոսյանը, Հայաստանում և Վրաստանում >-ի համակարգող Աննա Պալոմկան, > ծրագրի պատասխանատու Զարուհի Տոնոյանը, ծրագրերի անկախ գնահատող Արմեն Գրիգորյանը, "Ապավեն համայնքներին" ԲՀԿ-ի գործադիր տնօրեն Արմեն Մանասյանը, "Ընդդեմ իրավական կամայականությունների" ՀԿ-ի նախագահ Արթուր Հարությունյանը և Վայոց ձորի մարզի աղետների ռիսկերի նվազեցման աշխատանքային խումբը: > ծրագրի շրջանակներում մարզի Ելփին, Չիվա, Խաչիկ, Արենի, Արփի, Հորբատեղ, Արտաբույնք և Ագարակաձոր համայնքներում իրականացվել են փոքրածավալ շինարարական աշխատանքներ: Նշված համայնքների դպրոցականների շրջանում իրականացվել են նաև ուսումնական վարժանքներ, դասընթացներ աղետների, արտակարգ իրավիճակների դեպքերում համապատասխան գիտելիքների, հմտությունների ձեռք բերման, բարելավման և դրանց կիրառման ուղղությամբ: Հանդիպման ընթացքում քննարկվեցին և ամփոփվեցին ծրագրի շրջանակներում իրականացված աշխատանքները: Մարզպետ Հ. Սարգսյանը, ընդհանուր առմամբ դրական գնահատելով իրականացրած ծրագիրը, հույս հայտնեց, որ ծրագիրը իր շարունակությունը կունենա` իր մեջ ընդգրկելով մարզի մյուս համայնքները: > ծրագրի պատասխանատու Զարուհի Տոնոյանը նշեց, որ մարզում առկա են լավ հիմքեր և հրաշալի մասնագետներ, որոնք կարող են նախադրյալ հանդիսանալ ծրագրի շարունակականությունը ապահովելու առումով:
Զարգացման նոր ծրագիր Վայոց ձորի մարզում 09.09.2015
Գերմանիայի Դաշտային Հանրապետության տնտեսական համագործակցության և զարգացման նախարարության ֆինանսավորմամբ Բնության համաշխարհային հիմնադրամի հայաստանյան մասնաճյուղը ՀՀ Վայոց ձորի մարզում իրականացնում է > ծրագիրը: Ծրագրում ընդգրկված են Վայոց ձորի Արենի, Խաչիկ և Գնիշիկ համայնքները: Այսօր` սեպտեմբերի 9-ին, ՀՀ Վայոց ձորի մարզպետ Հարություն Սարգսյանի մոտ անցկացվեց աշխատանքային հանդիպում Արենի, Խաչիկ և Գնիշիկ համայնքների ղեկավարների հետ, քննարկվեցին ծրագրի իրականցման ընթացիկ հարցեր և հիմնախնդիրներ: Հանդիպմանը մասնակցում էին ՀՀ Վայոց ձորի մարզպետի տեղակալ Սամվել Թարվերդյանը և մարզպետարանի աշխատակազմի զարգացման ծրագրերի և վերլուծության բաժնի պետ Արամ Կոստանյանը: Ծրագրի նպատակը համայնքներին ապրուստի դիվերսիֆիկացումը զարգացնելու գործում աջակցություն ցուցաբերելն է` ստեղծելով խթաններ և այլընտրանքային ապրուստի միջոցներ, պահպանել կենսաբազմազանությունը և էկոհամակարգային ծառայությունները` նվազեցնելով բնական ռեսուրսների ոչ կայուն օգտագործումը: Ծրագրի իրականացումը կնպաստի նաև աղքատության կրճատմանը և նոր աշխատատեղերի ստեղծմանը: Տեղեկացնենք, որ վերոնշյալ ծրագիրն իրականացվում է նաև ՀՀ Սյունիքի մարզում:
Տեղի կունենա քաղաքացիների ընդունելություն 08.09.2015
Սահմանված կարգի համաձայն` 2015 թվականի սեպտեմբերի 11-ին` ժամը 14:00-ին, ՀՀ Վայոց ձորի մարզպետ Հարություն Սարգսյանի մոտ տեղի կունենա քաղաքացիների ընդունելություն: Հասցե` ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5:
Աշխատանքային հանդիպում 08.09.2015
Սեպտեմբերի 8-ին ՀՀ Վայոց ձորի մարզպետ Հարություն Սարգսյանի մոտ տեղի ունեցավ հանդիպում Աղավնաձոր, Ռինդ, Ելփին, Մալիշկա, Արենի և Գլաձոր համայնքների ղեկավարների հետ: Հանդիպմանը մասնակցում էր ՀՀ Վայոց ձորի մարզպետի տեղակալ Սամվել Թարվերդյանը: Հանդիպման ընթացքում քննարկվեցին խաղողի մթերման աշխատանքների կազմակերպման հարցերը: Համայնքների ղեկավարներին առաջարկվեց աշխատանքներ տանել խաղողի այգիների մշակման ուղղությամբ` որակյալ բերք ստանալու նպատակով: Պայմանավորվածություն ձեռք բերվեց աշխատանքներ իրականացնել մթերող կազմակերպությունների հետ, որպեսզի հնարավոր լինի արտադրված խաղողի բերքը իրացնել ժամանակին և անկորուստ:
Ազատամարտիկների երեխաները և թոռնիկները ամառային հանգիստն անցկացրել են Սոչի քաղաքում 08.09.2015
2015 թվականի օգոստոսի 15-30-ը ՀՀ սփյուռքի նախարարության աջակցությամբ Ռուսաաստանի Դաշնության Սոչի քաղաքում իրենց ամառային հանգիստն են անցկացրել հանրապետության տարբեր մարզերի մի խումբ դպրոցահասակ երեխաներ, որոնք ազատամարտիկներիի երեխաներ են կամ թոռնիկներ: Սոչիում երեխաների հանգիստը, այցերը տարբեր տեսարժան վայրեր իրականցվել են ռուսաստանաբնակ հայ բարերար Վալերի Մուրադյանի անմիջական աջակցությամբ և հովանավորությամբ: Վայոց ձորի մարզից Սոչի է մեկնել Վայքի ավագ դպորցի սան, Հարություն Հակոբյանը, որը ազատամարտիկ, Երկրապահ կամավորների միության անդամ Նարիբեկ Հակոբյանի թոռնիկն է: Այսօր` սեպտեմբերի 8-ին, ՀՀ Վայոց ձորի մարզպետ Հարություն Սարգսյանն ընդունեց Հարություն Հակոբյանին: Հանդիպման ժամանակ Հարությունը կիսվեց իր տպավորություններով և ամոռանալի հուշերով, պատմեց ձեռք բերած գիտելիքների, նոր ծանոթությունների և ընկերների մասին: Հարությունը մարզպետին փոխանցեց իր պապիկի և ծնողների երախտագիտությունը` իրենց զավակին նման հնարավորություն ընձեռելու համար: Տեղեկացնենք, որ հանդիպմանը մասնակցում էին ՀՀ Վայոց ձորի մարզպետարանի աշխատակազմի կրության, մշակույթի և սպորտի վարչության պետ Արփիար Ղազարյանը և Վայք քաղաքի ավագ դպրոցի տնօրեն Թարո Հակոբյանը:
Անցկացվեց գործակարգավարական հերթական խորհրդակցությունը 07.09.2015
Սեպտեմբերի 7-ին ՀՀ Վայոց ձորի մարզպետ Հարություն Սարգսյանը մարզպետի տեղակալների, մարզպետի խորհրդականի, մարզպետարանի աշխատակազմի ղեկավարի և մարզպետարանի աշխատակազմի ստորաբաժանումների պետերի մասնակցությամբ անցկացրեց հերթական գործակարգավարական խորհրդակցությունը: Ստորաբաժանումների ղեկավարները ներկայացրեցին նախորդ խորհրդակցությանն արձանագրված հանձնարարականների կատարման ընթացքը, անցած շաբաթվա ընթացքում կատարած աշխատանքները և ընթացիկ շաբաթում իրականացվելիք անելիքներն ու ծրագրերը: Մարզպետ Հ. Սարգսյանը խորհրդակցությունը սկսեց Հայաստանի Հանրապետությում սեպտեմբերի 3-6-ը կազմակերպված "Շանթ-2015" ռազմավարական հրամանատարաշտաբային զորավարժությունների արդյունքների ամփոփմամբ: Ընդհանուր առմամբ բավարար գնահատելով իրականացված աշխատանքները, մարզպետ Հ. Սարգսյանը հատուկ ուշադրություն հրավիրեց զորավարժությունների ընթացքում տեղ գտած թերությունների և բացթողումների վրա` համապատասխան հանձնարարականներ տալով դրանց սեղմ ժամկետներում վերացման ուղղությամբ: Մարզպետ Հ. Սարգսյանը հանձնարարեց ՀՀ կառավարության հրատապ ծրագրերով նախատեսված աշխատանքներն իրականացնել ժամանակին և պատշաճ մակարդակով: Մարզպետը հանձնարարեց նաև աջակցել գյուղացիական տնտեսություններին վար ու ցանքի աշխատանքների իրականացման ընթացքում: Մարզի ղեկավարը Կրթության, մշակույթի և սպորտի վարչության պետին հանձնարարեց նախապատրաստական աշխատանքներ իրականացնել Հայաստանի Հանրապետության անկախության տոնի, ինչպես նաև հոկտեմբեր ամսին կայանալիք Գինու և բերքի տոնի միջոցառումների կազմակերպման և անցկացման ուղղությամբ: Մարզպետ Հ. Սարգսյանը ստորաբաժանումների ղեկավարներին տվեց համապատասխան հանձնարարականներ` ուղղված ոլորտային խնդիրների լուծմանը:
