Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի ունեցավ Վայոց ձորի մարզխորհրդի չորրորդ նիստը 16.12.2015
2015 թվականի դեկտեմբերի 16-ին ՀՀ Վայոց ձորի մարզպետարանի նիստերի դահլիճում տեղի ունեցավ ՀՀ Վայոց ձորի մարզխորհրդի 4-րդ նիստը, որը վարում էր ՀՀ Վայոց ձորի մարզպետ Հարություն Սարգսյանը: Նախքան նիստի աշխատանքները սկսելը ներկաները մեկ րոպե լռությամբ հարգեցին դեկտեմբերի 11-ին, ՊԲ արևելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից հրադադարի ռեժիմի խախտման արդյունքում, մահացու հրազենային վիրավորում ստացած ՊԲ սպա, պայմանագրային զինծառայող, 1994թ. ծնված վայոցձորցի Վարդան Վարդանյանի հիշատակը: Մազխորհրդի նիստին մասնակցում էին մարզի համայնքների ղեկավարները և աշխատակազմի քարտուղարները, հանրապետական գործադիր մարմինների տարածքային ծառայությունների ղեկավարներ, մարզպետարանի աշխատակազմի կառուցվածքային և առանձնացված ստորաբաժանումների ղեկավարներ և ԶԼՄ ներկայացուցիչներ: Մարզխորհրդի 4-րդ նիստին ներկա էր նաև ՀՀ ՏԿ և ԱԻ նախարարության տարածքային կառավարման և զարգացման վարչության վարչական վերահսկողության բաժնի պետ Հովհաննես Օհանյանը: Նիստի ընթացքում քննարկվեցին օրակարգային հետևյալ հարցերը՝ 1. ,,ՀՀ կառավարությանն առընթեր կադաստրի պետական կոմիտեի աշխատակազմի գեոդեզիայի և հողային պետական տեսչության կողմից 2015թ. հոկտեմբեր-նոյեմբեր ամիսներին մարզի 13 համայնքներում իրականացված տեսչական ստուգումների արդյունքների մասին,,: 2. ,,2015թ 11 ամիսներին համայնքային բյուջեների ամրագրված սեփական եկամուտների հավաքագրման ընթացքը,,: 3. ,,Մարզի առողջապահության և սոցիալական ապահովության ոլորտում իրականացված աշխատանքների մասին,,: Նիստի առաջին հարցի մասին զեկուցեց ՀՀ Վայոց ձորի մարզպետարանի աշխատակազմի հողաշինության և հողօգտագործման բաժին-մարզային հողային պետական տեսչության պետ Մեսրոպ Մեսրոպյան՝ ներկայացնելով տեսչական ստուգումների արդյունքում վեր հանվեած խախտումները և բացթողումները: Մարզպետ Հ. Սարգսյանը 13 համայնքների ղեկավարներին հանձնարարեց եռօրյա ժամկետում մարզպետարան ներկայացնել իրենց առարկությունները հայտնաբերված խախտումների վերաբերյալ: Համայնքային բյուջեների ամրագրված սեփական եկամուտների հավաքագրման ընթացքի մասին զեկուցմամբ հանդես եկավ ՀՀ Վայոց ձորի մարզպետարանի ֆինանսական և սոցիալ-տնտեսական զարգացման վարչության ֆինանստնտեսագիտական բաժնի պետ Անահիտ Սարգսյանը: Մարզպետ Հ. Սարգսյանը նշեց, որ համայքների ղեկավարները լուրջ և հետևողական աշխատանք պետք է վարեն իրենց համայնքներում 2015թ.-ի սեփական եկամուտների հավաքագրումը բարձր ցուցանիչներով կատարելու ուղղությամբ: Մարզի առողջապահության և սոցիալական ապահովության ոլորտում իրականացված աշխատանքների մասին զեկուցեց ՀՀ Վայոց ձորի մարզպետարանի առողջապահության և սոց.ապահովության վարչության պետ Խ. Գևորգյանը: Ներկայացնելով այս ոլորտում տեղ գտած առաջախաղացումները, Խ. Գևորգյանը նշեց, որ ՀՀ Վայոց ձորի մարզպետ Հ. Սարգսյանի հետևողական աշխատանքի շնորհիվ «Վայքի բուժմիավորում» ՓԲԸ-ում հեմոդիալիզի բաժանմունքի կազմակերպման աշխատանքներ են իրականցվում, 2015թ.-ին մեկնարկել և ավարտին են մոտենում Շատինի ամբուլատորիայի կառուցման աշխատանքները, որոնք իրականացվում են «Առողջապահության ԾԻԳ» ՊՀ կողմից: Նախատեսվում են նաև Վայքի բժշկական կենտրոնի արդիականացման և շենքային պայմանների բարելավման աշխատանքներ: Քննարկելով մարզի առողջապահության և սոցիալական ապահովության խնդիրները, մարզպետ Հ. Սարգսյանը նշեց, որ դեկտեմբերի 4-ին ՀՀ Նախագահի մոտ՝ Վայոց ձորի մարզի 2014-2015թթ. հունվար-սեպտեմբեր ժամանակահատվածի սոցիալ-տնտեսական իրավիճակի, առկա հիմնախնդիրների և զարգացման ծրագրերի քննարկման նպատակով կայացած հանդիպման ժամանակ մանրամաս քննարկվել են մարզի տնտեսության բոլոր ոլորտներին վերաբերող հարցերը, այդ թվում՝ առողջապահության և սոցիալական ապահովության: ,,Բնակչության նկատմամբ հոգատար վերաբերմունքը պետք է առաջնային լինի: Ուշադրության կենտրոնում պետք է պահել առողջապահության և սոցիալական ապահովության հիմնահարցերը, հարկավոր է վեր հանել առակա բոլոր խնդիրները,,-, ասաց մարզպետ Հ. Սարգսյանը: Հայտարարութամբ հանդես եկան ՀՀ Վայոց ձորի մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը: Հայտարարությունը վերաբերում էր 2015-2016թթ. հանրակրթական դպրոցների կառավարման խորհուրդների նոր կազմի ձևավորմանը և անդամների առաջադրմանը: Վարելահողերի նպատակային օգտագործման մասին հայտարարությամբ հանդես եկավ ՀՀ Վայոց ձորի մարզպետի տեղակալ Սամվել Թարվերդյանը՝ մարզի համայնքների ղեկավարներին առաջարկելով 5 օրյա ժամկետում մարզպետարան ներկայացնել պարզաբանումներ չմշակվող վարելահողերի և դրանց մշակման հնարավոր ուղիների սեղծման մանրամասների մասին: Եզրափակելով 2015թ. մարզխորհրդի վերջին նիստը, մարզպետ Հ. Սարգսյանը ներակներին շնորհավորեց գալիք Ամանորի և Սուրբ Ծննդյան տոների առթիվ՝ ցանկանալով առողջություն և խաղաղություն: Մարզխորհրդի նիստի արձանագրությանը ծանոթանալու համար կարող եք այցելել մարզպետարանի պաշտոնական կայքի ,,Մարզպետարան,, բաժնի ,,Մարզխորհրդի նիստեր,, ենթաբաժին:
Մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը 14.12.2015
Դեկտեմբերի 14-ին ՀՀ Վայոց ձորի մարզպետ Հարություն Սարգսյանն անցկացրեց հերթական գործակարգավարական խորհրդակցությունը, որին մասնակցում էին մարզպետի տեղակալները, մարզպետարանի աշխատակազմի ղեկավարը և մարզպետարանի աշխատակազմի ստորաբաժանումների ղեկավարները: Նիստի սկզբում մասնակիցները 1 րոպե լռությամբ հարգեցին նախորդ շաբաթվա ընթացքում սահմանում զոհված եղեգնաձորցի սպա Վարդան Վարդանյանի հիշատակը: Մինչ խորհրդակցություն սկսելը մարզպետ Հ. Սարգսյանը նշեց, որ վաստակած հանգստի է անցնում մարզպետարանի աշխատակազմի ֆինանսական և սոցիալ-տնտեսական զարգացման վարչության պետ Ռազմիկ Հայրապետյանը: Մարզպետ Հ. Սարգսյանը շնորհակալություն հայտնեց Ռ. Հայրապետյանին, մաղթեց վաստակած հանգիստը վայելելու առողջ ու խաղաղ պայմաններ: Ռ. Հայրապետյանին բարեմաղթանքներ հղեցին մարզպետի տեղակալները, աշխատակազմի ղեկավարը և գործընկերները:
Տեղի ունեցավ ՀՀ Վայոց ձորի մարզային զորակոչային հանձնաժողովի նիստը 14.12.2015
Այսօր՝ դեկտեմբերի 14-ին, տեղի ունեցավ ՀՀ Վայոց ձորի մարզային զորակոչային հանձնաժողովի նիստը, որը վարում էր ՀՀ Վայոց ձորի մարզպետ, մարզային զորակոչային հանձնաժողովի նախագահ Հարություն Սարգսյանը: Նիստին մասնակցում են հանձնաժողովի բոլոր անդամները և մարզպետարանի աշխատակազմի համապատասխան ստորաբաժանումների ղեկավարներն ու երկայացուցիչները: Նիստում քննարկվեցին հետևյալ հարցերը.
Ուղերձ 10.12.2015
Հարգելի գործընկերներ: Սիրելի վայոցձորցիներ: Ս/թ դեկտեմբերի 6-ին կայացած ՀՀ Սահմանադրության փոփոխությունների հանրաքվեի քվեարկության արդյունքում, հավանություն տալով ՀՀ Սահմանադրության փոփոխությունների նախագծին, Հայաստանի Հանրապետության բնակիչներն > ասացին նաև պետության կառավարման ավելի ժողովրդավարական ձևին ՝ պառլամենտական կառավարման համակարգին: Վայոցձորցիներս բացարձակ մեծամասնությամբ մեր >-ն ասացինք ՀՀ Սահմանադրության փոփոխությունների նախագծին, ընտրելով հայոց պետականության զարգացման նոր ուղի: Հարգելիներս, համոզված եմ, որ մենք ընտրեցինք ազգային պետականության զարգացման ավելի ճշգրիտ ճանապարհ, առավել կախատեսելի ապագայի տեսլականով: Իհարկե,
Տեղի ունեցավ ՀՀ Վայոց ձորի մարզպետարանի Ներքին աուդիտի կոմիտեի հերթական նիստը 09.12.2015
2015 թվականի դեկտեմբերի 9-ին կայացավ ՀՀ Վայոց ձորի մարզպետարանի ներքին աուդիտի կոմիտեի հերթական նիստը` կոմիտեի նախագահ Հարություն Սարգսյանի գլխավորությամբ: Նիստին մասնակցում էին Ներքին աուդիտի կոմիտեի անդամներ՝ մարզպետի տեղակալ Մելս Հարությունյանը, մարզպետարանի աշխատակազմի իրավաբանական բաժնի պետ Նարինե Մաղաքյանը: Նիստը քարտուղարում էր ՀՀ Վայոց ձորի մարզպետարանի աշխատակազմի ներքին աուդիտի բաժնի պետ Վասակ Կարապետյանը: Նիստին մասնակցում էին նաև մարզպետարանի աշխատակազմի ղեկավար Կամո Սահակյանը, աշխատակազմի համապատասխան ստորաբաժանումների ղեկավարներ, ինչպես նաև այն կազմակերպությունների ղեկավարները, որտեղ իրականացվել է աուդիտ: Օրակարգում ներառված էր՝
Տեղի կունենա ՀՀ Վայոց ձորի մարզխորհրդի հերթական նիստը 09.12.2015
2015 թվականի դեկտեմբերի 16-ին, ժամը՝ 11.00-ին, ՀՀ Վայոց ձորի մարզպետարանի նիստերի դահլիճում տեղի կունենա ՀՀ Վայոց ձորի մարզխորհրդի 4-րդ նիստը, հետևյալ օրակարգով.
