Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վիկտորինա՝ ,,Արցախյան Ազատամարտը,, խորագրով 20.05.2015
Մայիսի 19-ին Եղեգնաձորի ավագ դպրոցում ,,Սոսե Մայրիկ,, հասարակական կազմակերպության նախաձեռնությամբ կազմակերպվել էր վիկտորինա ,,Արցախյան Ազատամարտը,, խորագրով, որին ներկա էր ՀՀ Վայոց ձորի մարզպետի տեղակալ Մելս Հարությունյանը: Միջոցառման ընթացքում ,,Արցախյան Ազատամարտի,, վերաբերյալ իրենց գիտելիքները չափեցին Ագարակաձորի միջնակարգ, Գլաձորի միջնակարգ, Եղեգնաձորի ավագ, Եղեգնաձորի թիվ 1, թիվ 2 հիմնական և Մալիշկայի թիվ 1, թիվ 2 միջնակարգ դպրոցների աշակերտները: Մրցույթի արդյունքում առաջին տեղը գրավեցին Ագարակաձորի միջնակարգ դպրոցի աշակերտները, երկրորդ տեղը՝ Եղեգնաձորի թիվ 2 հիմնական դպրոցի աշակերտները: Իսկ երրորդ տեղը կիսեցին Եղեգնաձորի ավագ դպրոցի և թիվ 1 հիմնական դպրոցի սաները: Մրցանակային տեղեր գրաված թիմերին և բոլոր մասնակիցներին պատվոգրեր և շնորհակալագրեր հանձնեց ,,Սոսե Մայրիկ,, հասարակական կազմակերպության նախագահ, Արցախյան պատերազմի ազատամարտիկ Մարիամ Ստեփանյանը:
Տեղեկատվություն 19.05.2015
Վայոց ձոր մարզի բուժհաստատություններում կանխարգելիչ շիճուկների և պատվաստանյութերի մնացորդների վերաբերյալ՝ 18.05.2015թ. դրությամբ.
Կայացավ քաղաքացիների 2015 թվականի մայիս ամսվա ընդունելությունը 18.05.2015
2015 թվականի մայիսի 15-ին ՀՀ Վայոց ձորի մարզպետ Հարություն Սարգսյանի մոտ կայացավ քաղաքացիների հերթական ընդունելությունը: Ընդունելության համար ցուցակագրվել էր 71 քաղաքացի, ընդունելության էին եկել 77-ը: Ֆինանսական օժանդակության խնդրանքով դիմել էին 73 քաղաքացիներ, որոնց խնդրանքը բավարարվեց: Իսկ 4-ը դիմել էին այլ հարցերով՝ աշխատանքի տեղավորման հարցով՝ 1, նպաստի հարցով՝ 1, բնակարանի հատկացման հարցով՝ 1 և ոռոգման ջրի խողովակաշարի հետ կապված խնդիրներով՝ 1 քաղաքացի: Այլ հարցերով դիմած քաղաքացիների կողմից բարձրացված հարցերին պատասխանելու նապատակով մարզպետը հանձնարարություն տվեց մարզպետարանի աշխատակազմի համապատասխան ստորաբաժանումների ղեկավարներին՝ հաշվառել վերը նշված հարցերը, ուսումնասիրել, օրենքով սահմանված կարգով և նախատեսված ժամկետներում պատասխանել ընդունելության եկած քաղաքացիներին:
Հայտարարություն 18.05.2015
Սույն թվականի մայիսի 20-ին, ժամը՝ 11:30-ին, Օքսֆամը և <<Ապավեն համայնքներին>> ԲՀԿ-ն Եվրահանձնաժողովի Մարդասիրական օգնության և քաղաքացիական պաշտպանության հարցերով գլխավոր վարչության Աղետներին նախապատրաստման գրասենյակի (DIPECHO) և Օքսֆամի կողմից ֆինանսավորվող <<Նպաստում Հարավային Կովկասում աղետների ռիսկերի նկատմամբ համայնքների դիմակայունությանը>> ծրագրի շրջանակներում, <<Ընդդեմ իրավական կամայականության>> ՀԿ-ի հետ համագործակցությամբ, Վայոց ձորի...
Թանգարանների միջազգային օրվան նվիրված միջոցառումներ 18.05.2015
Թանգարանների միջազգային օրվա կապակցությամբ Եղեգնաձորի երկրագիտական թանգարանն իր դռներն էր բացել այցելուների առջև: Մշակութային այդ գեղեցիկ միջոցառմանը անմասն չմանացին նաև Եղեգնաձորի երաժշտական դպրոցի սաները և մայիսի 16-ին Եղեգնաձորի երկրագիտական թանգարանում իրենց երաժշտական ողջույնով միացան > խորագիրը կրող Թանգարանների միջազգային օրվա շրջանակում իրականացվող միջոցառումներին, որը նվիրված էր Հայրենական Մեծ պատերազմի 70-րդ և Հայոց Ցեղասպանության 100-րդ տարեդարձերին:
Կարկտահարություն՝ Վայոց ձորի մարզի Աղավնաձոր, Չիվա և Ռինդ համայնքներում 18.05.2015
2015 թվականի մայիսի 15-ին, ժամը` 16.00-16.30-ի սահմաններում, Վայոց ձորի մարզի տարածքում տեղացել է կարկուտ, որի պատճառով տուժել են Աղավնաձորի, Ռինդի և Չիվայի համայնքների խաղողի ու պտղատու այգիներն, ինչպես նաև հացահատիկի և բանջարային մշակաբույսերի սածիլված ցանքատարածությունները:
