Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քաղաքացու օրը Վայոց ձորի մարզում 25.04.2026
Վայոց ձորի մարզում նշվել է Քաղաքացու օրը` այս տարվա «Մենք ենք մեր պետությունը» խորագրի ներքո։ Մարզի Եղեգնաձոր, Արենի, Ջերմուկ, Վայք համայնքներում, օրվա խորհրդին համահունչ, կազմակերպվել են տարբեր միջոցառումներ։ Օրվա շրջանակում երիտասարդների հետ անցկացվել են բանախոսություններ՝ նվիրված պետության, քաղաքացու ինստիտուտի, սոցիալական արդարության և իրավական պետության գաղափարներին։
ՀՀ Վայոց ձորի մարզպետ Վահագն Արսենյանի ուղերձը Հայոց ցեղասպանության 111-րդ տարելիցի կապակցությամբ 24.04.2026
Սիրելի՛ հայրենակիցներ, այսօր մենք ոգեկոչում ենք 1915 թվականի Հայոց ցեղասպանության՝ Մեծ եղեռնի զոհերի հիշատակը։ Ապրիլի 24-ը հայ ժողովրդի պատմության ամենացավալի էջերից է, ողբերգություն, որը վերապրում են նաև հաջորդ սերունդները, իրադարձություններ, որոնք խոր հետք են թողել մեր պատմության վրա։ Ապրիլի 24-ը ոչ միայն զոհերի հիշատակին հարգանքի տուրք մատուցելու և խոնարհվելու, այլև բազմաթիվ հարցերի շուրջ խորհելու, ազգային գաղափարների շուրջ միավորվելու, պատմության դասերը գնահատելու, հետևություններ անելու և անցյալի կրկնությունը թույլ չտալու խորհուրդ ունի։
Հարգանքի տուրք՝ Մեծ եղեռնի զոհերի հիշատակին 24.04.2026
Ապրիլի 24-ին՝ Մեծ եղեռնի 111-րդ տարելիցի օրը, Վայոց ձորի մարզում ոգեկոչվեց Հայոց մեծ եղեռնի զոհերի հիշատակը: Մարզկենտրոն Եղեգնաձորում պետական կառավարման և տեղական ինքնակառավարման մարմինների, ուժային կառույցների տարածքային մարմինների ներկայացուցիչները, տարբեր հաստատությունների աշխատակիցներ, ուսանողներ, աշակերտներ հարգանքի տուրք են մատուցել Մեծ եղեռնի անմեղ զոհերի հիշատակին և նրանց հիշատակը հավերժացնող հուշակոթողին ծաղիկներ խոնարհել:
ՀՀ Քաղաքացու օրն այս տարի կանցկացվի ապրիլի 25-ին 23.04.2026
«Տոների և հիշատակի օրերի մասին» ՀՀ օրենքի համաձայն՝ ապրիլի վերջին շաբաթ օրը նշվում է Հայաստանի Հանրապետության Քաղաքացու օրը, որն այս տարի կանցկացվի ապրիլի 25-ին։ Քաղաքացու օրվան նվիրված միջոցառումները տեղի կունենան ՀՀ 100 բնակավայրում՝ «Մենք ենք մեր պետությունը» խորագրով։ Միջոցառումները կիրականացվեն 3 բաղադրիչով՝ կրթություն, երիտասարդություն և մշակույթ։ Կրթություն. ՀՀ բոլոր դպրոցներում սովորողները կիրականացնեն ուսումնական նախագծեր՝ «Մենք ենք մեր պետությունը» խորագրով:
Ամփոփվեցին > մարզական միջոցառման>> Վայոց ձորի մարզային փուլի արդյունքները։ Առաջին տարիքային խմբում /1-3-րդ դասարաններ/ 1-ին տեղը զբաղեցրեց Արենիի միջնակարգ դպրոցի թիմը։ Երկրորդ տարիքային խմբում /4-6-րդ դասարաններ/ 1-ին տեղը զբաղեցրեց Եղեգնաձորի թիվ 1 հիմնական դպրոցի թիմը։
Վերանորոգվել է Մալիշկայի Մ․ Լոմոնոսովի անվան միջնակարգ դպրոցը 22.04.2026
Ապրիլի 21-ին ՀՀ Վայոց ձորի մարզպետ Վահագն Արսենյանը մարզպետի տեղակալ Վասիլ Ասլանյանի և մարզպետի խորհրդական Հակոբ Թադևոսյանի հետ այցելել է Մալիշկայի Մ․ Լոմոնոսովի անվան միջնակարգ դպրոց։ Կրթական հաստատությունը վերանորոգվել է ՀՀ տարածքային զարգացման հիմնադրամի պատվիրատվությամբ > ծրագրի շրջանակներում։ Ծրագրի նախահաշվային արժեքը կազմում է 360 միլիոն 477 հազար ՀՀ դրամ։ Շինարարական աշխատանքներն ավարտված են։
