Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
<<Ոսկե հարսանիք>> Չիվա գյուղում 24.11.2015
Օրերս Վայոց ձորի մարզի Չիվա համայնքում տեղի ունեցավ աննախադեպ միջոցառում, որը կազմակերպվել էր > ծրագրի շրջանակներում: Միջոցառումների մեկնարկը տրվեց Չիվա համայնքում: Նշենք, որ ծրագիրն իրականացվում է Համաշխարհային բանկի կողմից տրամադրված դրամաշնորհային ծրագրի շրջանակներում: Ծրագրով նախատեսվում է մարզի 6 սահմանամերձ համայնքներում իրականացնել առաջնորդության, մասնագիտական և գործարար հմտությունների դասընթացներ: Մինչև դասընթացների մեկնարկը, համայքներում իրականացվելու են բազմաբնույթ միջոցառումներ համայքների ակտիվ երիտասարդական խմբերի նախաձեռնությամբ: Միջոցառումն իրականացվեց երկու փուլով: Առաջին մասում ներկայացվեցին Չիվա համայնքի երիտասարդների ձեռագործ աշխատանքները՝ դիմանկարներ, ասեղնագործություններ, քանդակներ և այլ: Իսկ միջոցառման մյուս հատվածում ներկաներն ակնատես եղան հայկական ավանդույթներով կազմակերպված > ծիսակատարությանը: Չիվա համայնքի բնակիչներ՝ 70 ամյա Լաուրա տատիկը և 78 ամյա Ռաֆիկ պապիկը նշում էին իրենց ամուսնության 50 ամյակը: Ավագ սերնդի ներկայացուցիչների այս օրինակը լավագույն և վառ ապացույցն է ամուր հայկական ընտանիքի և հայկական ավանդական հարսանիքի:
Այսօր՝ նոյեմբերի 24-ին, ՀՀ Վայոց ձորի մարզպետ Հարություն Սարգսյանը և ՎիվաՍել-ՄՏՍ-ի գլխավոր տնօրեն Ռալֆ Յիրիկյանը մասնակցել են մարզի Գոմք համայնքում արտաքին լուսավորության լուսադիոդային (LED) համակարգի գործարկմանը, որին ներկա են եղել նաև FPWC-ի հիմնադիր Ռուբեն Խաչատրյանը, համայնքի ղեկավար Մխիթար Հովհաննիսյանը և համայնքի բնակիչները: ՎիվաՍել-ՄՏՍ-ի գլխավոր տնօրեն Ռալֆ Յիրիկյանը ներկայացրել է մարզում իրականացված մյուս ծրագրերը: ՀՀ Վայոց ձորի մարզպետ Հարություն Սարգսյանը շնորհակալություն է հայտնել Ռալֆ Յիրիկյանին և մյուս կազմակերպիչներին Գոմք համայնքի զարգացման համար կարևոր նշանակության այդ ձեռնարկի համար և հավելել է, որ էնեգիայի խնայողությամբ արտաքին լուսավորության գործարկումով լուծվում է նաև մի շարք սոցիալական խնդիրներ: Վայրի բնության և մշակութային արժեքների պահպանման հիմնադրամի (FPWC) և ՎիվաՍել-ՄՏՍ-ի համատեղ ջանքերով ,,Այլընտրանքային էներգիա,, ծրագրի շրջանակում՝ արտաքին լուսավորությամբ ապահովվել են նաև Վայոց ձորի մարզի Բարձրունի, Գնիշիկ, Խնձորուտ գյուղերը և Մոզրով բնակավայրը: ,,Այլընտրանքային էներգիա,, ծրագրի հիմքում կա երկու բաղադրիչ՝
Տեղի ունեցավ գործակարգավարական հերթական խորհրդակցությունը 23.11.2015
Նոյեմբերի 23-ին ՀՀ Վայոց ձորի մարզպետ Հարություն Սարգսյանը մարզպետի տեղակալների, մարզպետի խորհրդականի, մարզպետարանի աշխատակազմի ղեկավարի և մարզպետարանի աշխատակազմի ստորաբաժանումների պետերի մասնակցությամբ անցկացրեց հերթական գործակարգավարական խորհրդակցությունը: Ստորաբաժանումների ղեկավարները ներկայացրեցին նախորդ խորհրդակցության ժամանակ արձանագրված հանձնարարականների կատարման ընթացքը, շաբաթվա ընթացքում կատարած աշխատանքները և ընթացիկ շաբաթում իրականացվելիք ծրագրերը:
2015 թվականի նոյեմբերի 14-ին, ժամը՝ 21.18-ին, Մ-10 Սևան-Մարտունի-Գետափ միջպետական նշանակության ավտոճանապարհի108-րդ կմ-ում տեղի է ունեցել ճանապարհի եզրի լանջի փլվածք, փակելով ճանապարհի երթևեկելի մասի մոտ 4մետր լայնությամբ և 60 մետր երկարությամբ հատվածը: ,,Եղեգնաձորի ՃՇՇ,, ՓԲԸ-ի կողմից իրականածված օպերատիվ աշխատանքների շնորհիվ նշված հատվածը մաքրվել է թափվածքներից և վերականգնվել է երթևեկությունը:
ՀՀ Վայոց ձորի մարզպետ Հարություն Սարգսյանի ուղերձը Ուսանողության միջազգային օրվա կապակցությամբ 17.11.2015
Սիրելի ուսանողներ, Ջերմորեն շնորհավորում եմ Ուսանողության միջազգային օրվա կապակցությամբ: Կրթված քաղաքացին և հասարակությունը յուրաքանչյուր պետության շարժիչ ուժն է: Այսօր ուսանողությունն իր ակտիվ մասնակցությունն ու դերն ունի մեր պետության հասարակական կյանքի տարբեր ոլորտներում: Անհերքելի փաստ է, որ հզոր և հաջողակ է այն պետությունը, որը հարուստ է հմուտ մասնագետներով, իր պետության հզորացման և առաջընթացի երաշխիքը հանդիսացող գրագետ երիտասարդությամբ: Մեր դարաշրջանի համաշխարհային մարտահրավերները պահանջում են սուր և գիտական միտք: Ես համոզված եմ, որ մեր հայ ուսանողներն օժտված են այս հատկանիշներով, որոնք հարկավոր են միջազգային ասպարեզում մեր պետությունը լավագույնս ներկայացնելու համար: Սիրելի ուսանողներ, կրկին շնորհավորելով Ուսանողության միջազգային օրվա առթիվ, ցանկանում եմ, որպեսզի դուք չդադարեք կատարելագործվել և ստանալ նոր գիտելիքներ, մաղթում եմ ձեզ բազում հաջողություններ և ձեռքբերումներ ուսման մեջ, որոնք այնքան կարևոր են մեր պետության կայուն և խաղաղ ապագայի կերտման գործում:
Տեղի ունեցավ գործակարգավարական հերթական խորհրդակցությունը 16.11.2015
Նոյեմբերի 16-ին ՀՀ Վայոց ձորի մարզպետ Հարություն Սարգսյանը մարզպետի տեղակալների, մարզպետի խորհրդականի, մարզպետարանի աշխատակազմի ղեկավարի և մարզպետարանի աշխատակազմի ստորաբաժանումների պետերի մասնակցությամբ անցկացրեց հերթական գործակարգավարական խորհրդակցությունը: Ստորաբաժանումների ղեկավարները ներկայացրեցին նախորդ խորհրդակցության ժամանակ արձանագրված հանձնարարականների կատարման ընթացքը, շաբաթվա ընթացքում կատարած աշխատանքները և ընթացիկ շաբաթում իրականացվելիք ծրագրերը: Հ. Սարգսյանը մարզպետարանի աշխատակազմի քաղաքաշինության վարչության պետին հանձնարարեց հետևել ՀՀ կառավարության հրատապ ծրագրերով մարզում իրականացվող շինարարական աշխատանքների ժամկետներին և որակին: Տեղական ինքնակառավարման և հանրապետական գործադիր մարմինների հարցերով վարչության պետին հանձնարարվեց ամենօրյա հսկողության տակ պահել համայքնային ծառայողների ատեստավորման գործընթացը: Մարզպետ Հ. Սարգսյանի կողմից ստորաբաժանումների ղեկավարներին տրվեցին հանձնարարականներ` համապատասխան ոլորտներում աշխատանքների իրականացման և խնդիրների լուծման ուղությամբ:
