Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանը ճանաչողական այցով եղել է Զառիթափ համայնքի Գոմք բնակավայրում 14.11.2019
Նոյեմբերի 14-ին, ՀՀ Վայոց ձորի մարզպետ Արարատ Գրիգորյանի ճանաչողական այցի առաջին կանգառը Զառիթափ համայնքի Գոմք բնակավայրն էր, ուր Արարատ Գրիգորյանին դիմավորեցին Աղուհացով: Մարզպետ Արարատ Գրիգորյանին ուղեկցում էր համայնքի ղեկավար Սիմոն Բաբայանը: Մարզպետը Գոմք էր այցելել աշխատանքային խմբով, որում ընդգրկված էին մարզպետի խորհրդականները և մարզպետարանի ոլորտային ստորաբաժանումների ղեկավարները: Գոմքի բնակիչները հանդիպման ընթացքում ներկայացրել են գյուղում առկա խնդիրները և իրենց հուզող հարցերը, որոնց մի մասին մարզպետարանի աշխատակիցները տեղում պատասխանել են, իսկ քննարկման ենթակա հարցերը աշխատանքային խմբի համապատասխան աշխատակիցները գրանցել են՝ հարցերի լուծման հնարավոր ուղիներ գտնելու համար մարզպետարանում քննարկումներ կազմակերպելու նպատակով:
ՀՀ Վայոց ձորի մարզպետ Արարատ Գրիգորյանն այցելել է Զառիթափ համայնքի Սարավան բնակավայր 13.11.2019
Այսօր՝ նոյեմբերի 13-ին, ՀՀ Վայոց ձորի մարզպետ Արարատ Գրիգորյանը Զառիթափ համայնք աշխատանքային այցի շրջանակում համայնքի ղեկավար Սիմոն Բաբայանի ուղեկցությամբ եղել է Սարավան բնակավայրում: Մարզպետ Արարատ Գրիգորյանը հանդիպել է Սարավանի բնակիչներին, զրուցել նրանց հետ, ծանոթացել սարավանցիներին հուզող խնդիրներին: Բնակիչների կողմից բարձրաձայնված խնդիրների վերլուծման և դրանցում առաջ քաշված հարցերը մարզպետարանում քննարկելու նպատակով, մարզպետը հանձնարարականներ է տվել իր աշխատակազմի անդամներին և մարզպետարանի համապատասխան ստորանաժանումների ղեկավարներին: Մարզպետ Արարատ Գրիգորյանը Սարավանից ուղևորվել է դեպի Արտավան բնակավայր:
ՀՀ Վայոց ձորի մարզպետ Արարատ Գրիգորյանի Զառիթափ համայնք նոյեմբերի 13-ի աշխատանքային այցի երկրորդ կանգառը Արտավանն էր: Արտավանի բնակիչները մարզպետի հետ հանդիպման ընթացքում բարձրացրին կրթական խնդիրներին, հողային հարաբերություններին, գյուղմթերքի իրացմանը վերաբերող հարցեր: Մարզպետն աշխատանքային խմբի անդամներին հանձնարարեց գրանցել արտավանցիների կողմից բարձրացված հարցերը, դրանք քննարկելու և հնարավոր լուծումներ գտնելու նպատակով: Նշվեց, որ
Հանդիպում ՀՀ Վայոց ձորի մարզպետ Արարատ Գրիգորյանի մոտ 12.11.2019
Նոյեմբերի 7-ին ՀՀ Վայոց ձորի մարզպետ Արարատ Գրիգորյանը հյուրընկալեց ԱվտոԿրազ ուկրաինական ընկերության ներկայացուցիչներին: Հանդիպման ընթացքում հյուրերը ներկայացրին իրենց ընկերության գործունեության պատմությունը և Վայոց ձորի մարզի հետ կապված հետագա պլանները: Այնուհետև ավտոձեռնարկության ներկայացուցիչները հանդիպում ունեցան մարզի համայնքների և գործարար ընկերությունների ներկայացուցիչների հետ և ծանոթացրին իրենց արտադրանքի տեսականուն: ԱվտոԿրազ ուկրաինական ընկերության և Վայոց ձորի մարզի ներկայացուցիչները ձեռք բերեցին հետագա համագործակցության պայմանավորվածություն:
ՀՀ Վայոց ձորի մարզպետ Արարատ Գրիգորյանն աշխատանքային այց կատարեց Եղեգնաձոր քաղաքի Նորավան թաղամաս 12.11.2019
Երեկ՝ նոյեմբերի 11-ին, Վայոց ձորի մարզպետ Արարատ Գրիգորյանն իր խորհրդականների, օգնականի, Վայոց ձորի մարզպետարանի ՏԻՄ վարչության պետի, Եղեգնաձորի համայնքապետի, Եղեգնաձոր քաղաքի ճարտարապետի և համայնքապետարանի համապատասխան բաժինների աշխատակիցների հետ համատեղ, աշխատանքային այց կատարեց Եղեգնաձոր քաղաքի Նորավան թաղամաս՝ պարզելու և ուսումնասիրելու տեղում առկա կոյուղու հիմախնդիրը, որը բարձրացվել էր Վայոց ձորի մարզ Վարչապետ Նիկոլ Փաշինյանի այցելության ժամանակ: Մարզպետը հանդիպեց քաղաքացիների հետ և լսեց նրանց բողոքները, այցի ժամանակ պարզվեց, որ հարցն ունի 30 տարվա վաղեմություն: Նշենք, որ հարցի քննարկումը դեռ շարունակվում է և հետագա աշխատանքների վերաբերյալ կլինեն հավելյալ հրապարակումներ:
ՀՀ Վայոց ձորի մարզպետ Արարատ Գրիգորյանը հանդիպում է ունեցել գործարար Ամին Շուրիդեի հետ 12.11.2019
Երեկ, նոյեմբերի 11-ին, ՀՀ Վայոց ձորի մարզպետ Արարատ Գրիգորյանը հանդիպում է ունեցել Վայոց ձորի մարզ այցելած գործարար Ամին Շուրիդեի, նրա գործընկեր՝ հայ ազգի բարերար Սիմոն Բալյանի և Վայոց ձորի թեմի առաջնորդ Գերաշնորհ Տ. Աբրահամ արքեպիսկոպոս Մկրտչյանի հետ: Հանդիպման ընթացքում քննարկվել են Վայոց ձորի մարզում թիմային սպորտի զարգացման հեռանկարները: Նշենք, որ Ամին Շուրիդեն Վայոց ձորի մարզում հիմնել է ժամանակակից տեխնոլոգիաներով հագեցած չրանոց:
