Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Դեպի Հայաստան. ՀԱՅՐԵՆԱԴԱՐՁՆԵՐ 13.07.2018

Ջորջ Տաբակյան, Դիրան Բաղդադյան, Արմինե Առաքելյան, Վարդան Մարաշլյան, Սևան Քաբակյան, Լուսինե Քասարջյան. նրանք բոլորն էլ Հայաստան են վերադարձել՝ անցյալում թողնելով աշխարհի տարբեր ծայրերում հաջողված կարիերա, ապահով կյանք ու անհոգ առօրյա. նրանց Հայաստան է բերել մի գաղափար, որ այստեղ ապրողներիս կարող է մի քիչ անհասկանալի թվալ. նրանք իրենց ապահով կյանքը փոխել են հայ երևույթի հետ ամեն վայրկյան շփվելու, երգեցիկ հայերենով խոսելու, իրենց արմատները սեփական հողում ձգելու համար:

ՀՀ Վայոց ձորի մարզպետ Արագած Սաղաթելյանը աշխատանքային այցով եղել է սահմանապահ Խաչիկ գյուղում

ՀՀ Վայոց ձորի մարզպետ Արագած Սաղաթելյանը աշխատանքային այցով եղել է սահմանապահ Խաչիկ գյուղում 11.07.2018

Հուլիսի 9-ին ՀՀ Վայոց ձորի մարզպետ Արագած Սաղաթելյանը Արենի համայնքի ղեկավար Հուսիկ Սահակյանի ուղեկցությամբ աշխատանքային այց է կատարել Արենի խոշորացված համայնքի Խաչիկ բնակավայր: Սահմանապահ Խաչիկ գյուղի կենտրոնում տեղի է ունեցել հանդիպում բնակավայրի բնակիչների հետ, որին մասնակցել են նաև բնակավայրի վարչական պատասխանատու Վարդան Ներսիսյանը, Եղեգնաձորի ՋՕԸ տնօրեն Հազարապետ Նազարյանը: Բնակիչների հետ հանդիպմանը քննարկվել է բնակավայրի կենսագործունեության համար կարևոր նշանակության հիմնախնդիրները, այդ թվում՝ ոռոգման ջրի և էլ-էներգիայի բնականոն մատակարարման հարցերը: Մարզպետը խոստացել է հնարավոր բոլոր միջոցներով օժանդակել բարձրացված հարցերի լուծման ընթացքին:

Կայացավ Վայոց ձորի մարզում կոռուպցիայի դեմ պայքարի խնդիրների քննարկմանը նվիրված  ՀԿ ներկայացուցիչների հետ ՀՀ Վայոց ձորի մարզպետ Արագած Սաղաթելյանի  երկրորդ հանդիպումը

Կայացավ Վայոց ձորի մարզում կոռուպցիայի դեմ պայքարի խնդիրների քննարկմանը նվիրված ՀԿ ներկայացուցիչների հետ ՀՀ Վայոց ձորի մարզպետ Արագած Սաղաթելյանի երկրորդ հանդիպումը 11.07.2018

Այսօր՝ հուլիսի 11-ին, կայացավ Վայոց ձորի մարզում կոռուպցիայի դեմ պայքարի խնդիրների քննարկմանը նվիրված ՀԿ ներկայացուցիչների հետ ՀՀ Վայոց ձորի մարզպետ Արագած Սաղաթելյանի երկրորդ հանդիպումը: Հանդիպմանը մասնակցում էին ՀԿ ոլորտի 11 ներկայացուցիչներ, երկու շահագրգիռ անձիք և մարզպետարանի աշխատակազմի ՏՀԿ բաժնի պետ Սոնա Մարգարյանը: Օրակարգում ներառված էր նախորդ(27.06.2018թ.) հանդիպմանը ձևավորված Վայք, Ջերմուկ և Եղեգնաձոր տարածաշրջանների կոորդինացիոն հանձնախմբերի գործողությունների ծրագրերի և առաջիկա անելիքների վերաբերյալ առաջարկությունների փաթեթի ներկայացման հարցը: Վայքի հանձնախմբի կատարած աշխատանքների մասին տեղեկություն հաղորդեց հանձնախմբի անդամ, տարածքային զարգացման հասարակական կազմակերպության նախագահ Ռուզան Ղազարյանը, իսկ Եղեգնաձորի հանձնախմբի կատարած աշխատանքների մասին խոսեցին Նեկտար Հովհաննիսյանը (ՀՕՄ-ի Եղեգնաձորի մասնաճյուղի պատասխանատու) և Նարինե Գրիգորյանը (Ջինջ Արփա ՀԿ նախագահ): Ջերմուկի հանձնախումբը գործողությունների ծրագրերի և առաջարկությունների փաթեթի մասին

Իրազեկում

Իրազեկում 10.07.2018

Կոռուպցիայի դեմ պայքարի շրջանակներում ս/թ հուլիսի 11-ին, ժամը՝ 15.00, Վայոց ձորի մարզպետարանում տեղի կունենա ՀՀ Վայոց ձորի մարզպետ Արագած Սաղաթելյանի երկրորդ հանդիպումը մարզում գործող հասարակական կազմակերպությունների ներկայացուցիչների հետ: Հանդիպման ընթացքում կներկայացվեն նախորդ(27.06.2018թ.) հանդիպմանը ձևավորված Վայք, Ջերմուկ և Եղեգնաձոր տարածաշրջանների կոորդինացիոն հանձնախմբերի գործողությունների ծրագրերը և առաջիկա անելիքների վերաբերյալ առաջարկությունների փաթեթը: Բոլոր շահագրգիռ անձանց ու կազմակերպություններին հրավիրում ենք մասնակցելու հանդիպմանը: Հասցեն՝ ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5:

Նիկոլ Փաշինյանը հանդիպումներ է ունեցել Վայոց ձորի համայնքների ղեկավարների, Եղեգնաձորի ու Արենիի բնակիչների հետ

Նիկոլ Փաշինյանը հանդիպումներ է ունեցել Վայոց ձորի համայնքների ղեկավարների, Եղեգնաձորի ու Արենիի բնակիչների հետ 09.07.2018

Վարչապետ Նիկոլ Փաշինյանը Վայոց ձորի մարզպետարանում հանդիպել է մարզի համայնքների ղեկավարներին: Կառավարության ղեկավարը նշել է, որ նախկինում պետական պաշտոնի մեջ եղել են վայելքի էլեմենտներ, սակայն պաշտոնը պետք է ընկալվի որպես ծառայություն: «Դա պետք է սկսվի ինձնից և ես այդպես էլ վարվում եմ: Ակնհայտ է, որ պետական ծառայությունը պետք է լինի իրոք ծառայություն, ոչ թե արտոնություններ ունենալու, չարաշահումներ անելու հնարավորություն»,- ասել է կառավարության ղեկավարը: Վարչապետը տեղեկացրել է, որ Տարածքային կառավարման և զարգացման նախարարի առաջարկների հիման վրա որոշում է կայացվել սուբվենցիաների գծով 10 մլրդ դրամ հատկացնել համայնքներին: Նիկոլ Փաշինյանը կոչ է արել ներկայացնել համապատասխան ծրագրերը, որոնք նախընտրելի է, որ վերաբերվեն ենթակառուցվածքներին, խմելու, ոռոգման ջրի համակարգերի վերականգնմանը, գյուղտեխնիկային և ճանապարհներին: «Հույս ունենք գումարները ծախսել այնպես, որ դրանք բերեն շղթայական ռեակցիա, որպեսզի տնտեսությունը մարզերում տեղից շարժվի»,- ասել է վարչապետը՝ ընդգծելով, որ պետք է հատուկ ուշադրություն դարձվի շինարարության որակին:

ՀՀ Վայոց ձորի մարզպետ Արագած Սաղաթելյանի մոտ կայացավ գործակարգավարական հերթական խորհրդակցությունը

ՀՀ Վայոց ձորի մարզպետ Արագած Սաղաթելյանի մոտ կայացավ գործակարգավարական հերթական խորհրդակցությունը 09.07.2018

Հուլիսի 9-ին ՀՀ Վայոց ձորի մարզպետ Արագած Սաղաթելյանի մոտ կայացավ գործակարգավարական հերթական խորհրդակցությունը: Խորհրդակցության սկզբում մարզի ղեկավարը ներկայացրեց նորանշանակ երիտասարդ փոխմարզպետներ Գևորգ Ավագյանին, Նանե Ասատրյանին և Ռազմիկ Տոնոյանին: Ա. Սաղաթելյանն իր խոսքում հաջողություն և բեղմնավոր աշխատանք ցանկացավ նորանշանակ պաշտոնյաներին՝ ընդգծելով, որ մարզպետարանի աշխատակազմի յուրաքանչյուր աշխատակցի ջանքները և եռանդը պետք է ուղղված լինեն Վայոց ձորի զարգացմանը և առաջընթացին: Խորհրդակցության ընթացքում անդրադարձ կատարվեց Վայոց ձորի քաղաքաշինության ոլորտում հրատապ լուծում պահանջող խնդիրներին: Մարզպետարանի աշխատակազմի քաղաքաշինության վարչության պետը ներկայացրեց հրատապ լուծում պահանջող խնդիրները և դրանց կարգավորման համար պահանջվող ֆինանսական մանրամասները: Խոսվեց մարզում ընթացող բերքահավաքի մասին: Գյուղատնտեսության և բնապահպանության վարչության պետը նշեց, որ ընթացիկ տարում սպասվում է 1000 տոննա ծիրանի բերք, ինչպես նաև հացահատիկային մշակաբույսերի և խաղողի բարձր բերքատվություն: Ներկայացվեցին համայնքների սեփական եկամուտների հավաքագրման կիսամյակային տվյալները:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-29 14:14:12