Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Իրազեկման հանդիպումներ ՄՊՎ կանխարգելման նոր մոտեցումների և առկա մարտահրավերների վերաբերյալ 07.03.2025
Հիվանդությունների վերահսկման և կանխարգելման ազգային կենտրոնի կողմից հայտարարված իրազեկման արշավի շրջանակներում Վայոց ձորի մարզպետի աշխատակազմի առողջապահության և սոցիալական հարցերի ոլորտի վարչության և ՀՎԿԱԿ ՊՈԱԿ-ի Վայոց ձորի մասնաճյուղի համագործակցությամբ «Եղեգնաձորի պոլիկլինիկա» ՓԲԸ-ում և «Վայքի պոլիկլինիկա» ՓԲԸ-ում կազմակերպվել են հանդիպում-քննարկումներ ՄՊՎ կանխարգելման նոր մոտեցումների և առկա մարտահրավերների վերաբերյալ։
Այցելություններ բուժակ-մանկաբարձական կետեր 07.03.2025
Օրերս Վայոց ձորի մարզպետ Կոլյա Միքաելյանի հանձնարարությամբ մարզպետի տեղակալ Բագրատ Սողոմոնյանը, մարզպետի խորհրդական Վահե Թադևոսյանը , մարզպետի աշխատակազմի առողջապահության և սոցիալական ոլորտի հարցերի վարչության պետ Վասիլ Ասլանյանը,նույն վարչության գլխավոր մասնագետ Լիլիա Կարապետյանը այցելել են Վայքի համայնքի Բարձրունու, Սերս, Մարտիրոս բնակավայրերի բուժակ-մանկաբարձական կետեր /ԲՄԿ-ներ/։ Այցելությունների հաջորդ կանգառը եղել են Նոր Ազնաբերդի և Խնձորուտի ԲՄԿ-ները։
Տեղեկացնում ենք, որ Եվրոպայի խորհուրդը (ԵԽ) 2026թ. նշվող Լանդշաֆտի եվրոպական կոնվենցիայի (Կոնվենցիա) 25-ամյակի շրջանակում հայտարարել է Լանդշաֆտի մրցանակաբաշխություն, որին կարող են մասնակցել Կոնվենցիայի կողմ հանդիսացող երկրները (Հայաստանը կոնցենվիան վավերացրել է 2004թ.): ԵԽ Լանդշաֆտի մրցանակը կոչված է խթանել վարչատարածքային միավորների կայուն զարգացումը՝ բնապահպանական և սոցիալ-տնտեսական եվրոպական և միջազգային չափանիշներին համապատասխան, բարձրացնել հանրային իրազեկվածությունը լանդշաֆտների պաշտպանության կարևորության, դրանց դերի և փոփոխությունների վերաբերյալ, ինչպես նաև մեծացնել քաղհասարակության և հանրային մասնակցության դերը ՏԻՄ ոլորտում:
ՀՀ Վայոց ձորի մարզի ծննդօգնություն իրականացնող բուժհաստատությունում՝ >-ում, փետրվար ամսին գրանցվել է 9 ծնունդ, որից՝ 6 տղա, 3 աղջիկ։
Անհուսալի վարկեր ունեցող անձանց աջակցության ծրագիր 04.03.2025
Անհուսալի վարկեր ունեցող անձանց աջակցության ծրագրի շրջանակում դիմումներն ընդունվում են https://e-social.am/services հարթակում։ Հիշեցնենք, որ ծրագրից կարող են օգտվել Կենտրոնական բանկի կողմից լիցենզավորված բանկերում և վարկային կազմակերպություններում վարկային պարտավորություն ունեցող այն անձինք, որոնց ունեցած բոլոր վարկերի մայր գումարների հանրագումարը դիմելու օրվա դրությամբ փոքր է 1 մլն դրամից, և այդ վարկերը դասակարգված են անհուսալի դասով առնվազն 3 տարի: Պարտադիր պայման է ֆորմալ, այսինքն՝ գրանցված զբաղվածություն ունենալը։
Հանդիպում Արենի համայնքի բնակիչների հետ 04.03.2025
ՀՀ Վայոց ձորի մարզպետ Կոլյա Միքաելյանի նախաձեռնությամբ ՀՀ Աժ պատգամավորներ Սերգեյ Բագրատյանը և Արման Եղոյանը Արենի համայնքում հանդիպեցին բնակիչների հետ։ Հանդիպմանը մասնակցում էին նաև Վայոց ձորի մարզպետի աշխատակազմի և Արենիի համայնքապետարանի ներկայացուցիչներ, Արենի համայնքի բնակավայրերի վարչական ղեկավարները, ավագանու անդամները։ Մարզպետ Կոլյա Միքաելյանը կարևորեց այս ձևաչափով բնակիչների հետ անմիջական հանդիպումները,օրենսդիր մարմնի ներկայացուցիչների հետ շփումները, որոնք կկրեն շարունակական բնույթ և կկազմակերպվեն նաև մարզի մյուս համայնքներում։
