Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այցելություն ԱԻՆ մարզային կառույցներ 18.10.2012
Երեկ ՀՀ Վայոց ձորի մարզպետ Էդգար Ղազարյանն այցելե է մարզային փրկարարական վարչություն, որտեղ նրան ընդունել է վարչության պետ, փ/ծ գնդապետ Հակոբ Հակոբյանը: Մարզպետը ծանոթացել է կառույցի աշխատանքային պայմաններին, հետաքրքրվել ընթացիկ տարում կառույցի կողմից իրականացված ծառայությունների մասին, խոսել աշխատատանքների կազմակերպչական արդյունավետության ապահովման շուրջ: Այնուհետև մարզպետ Էդգար Ղազարյանն այցելե է Եղեգնաձորի հրշեջ փրկարարակն ջոկատ և ջոկատի հրամանատար փ/ծ մայոր Համլետ Նազարյանի ուղեկցությամբ շրջայց է կատարել, ծանոթացել տեխնիկական զինվածությանը և զրուցել աշխատանքային խնդիրների շուրջ: Մարզպետը եղել է նաև մարզային հրդեհային և տեխնիկական անվտանգության տեսչությունում, որտեղ տեսչության պետ Արամ Եղոյանը ներկայացրել է կառույցի գործունեության մանրամասներ:
Պետական բյուջեից հատկացում` Խաչիկի համայնքի չորրորդ կարգի վթարային շենքերում բնակվող ընտանիքներին 18.10.2012
Հայաստանի Հանրապետության կառավարությունը ծրագիր է իրականացնում, որի շրջանակում Վայոց ձորի մարզի Խաչիկի գյուղական համայնքի չորրորդ կարգի վթարային շենքերում բնակվող 7 ընտանիքների (անդամների ընդհանուր թիվը 44) անհատույց պետական աջակցություն է հատկացվել 30 մլն դրամի չափով` նոր բնակարաններ կառուցելու կամ գնելու համար: Ծրագիրը կարևորվում է նրանով, որ մարզի սահմանամերձ համայնքի` Խաչիկ գյուղի բնակիչներն այդ գումարով կարող են տուն կառուցել կամ գնել միայն իրենց համայնքում: Գյուղում դեռևս կան 40 ընտանիքներ, որոնք ապրում են չորրորդ կարգի վթարային շենքերում և հաջորդ տարիներին կարող են օգտվել անհատույց պետական աջակցությունից, քանզի ծրագիրը շարունակական է:
Այսօր ՀՀ Վարչապետ Տիգրան Սարգսյանի մասնակցությամբ Երևանի Կարեն Դեմիրճյանի անվան մարզահամերգային համալիրում կայացել է ԱՊՀ անդամ-պետությունների կրթության ոլորտի աշխատողների և ուսուցիչների երկրորդ համագումարը: Համագումարին մասնակցում են Հայաստանի, Ռուսաստանի, Ուկրաինայի, Բելառուսի, Տաջիկստանի, Ղազախստանի, Ղրղզստանի, Թուրքմենստանի և Մոլդովայի ներկայացուցիչները: Համագումարի նպատակն է առաջիկա տարիներին կրթության և գիտության ազգային համակարգերի հետագա համագործակցության գերակա ուղղությունների մշակումը, ԱՊՀ պետությունների համագործակցությունն ավելի դինամիկ և պահանջված դարձնելը: Համագումարի աշխատանքներին մասնակցում է նաև ՀՀ Վայոց ձորի մարզի 8 հոգիանոց պատվիրակությունը, մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանի ղեկավարությամբ:
Միջոցառումներ աղետների ռիսկերի նվազեցման թեմայով 17.10.2012
Աղետների ռիսկերի նվազեցման միջազգային օրվա կապակցությամբ ՕՔՍՖԱՄ-ը <Հայաստանի երիտասարդ կանանց ասոցիացիա> և <Ապավեն համայնքներին> հասարակական կազմակերպությունների հետ համատեղ կազմակերպում է հանրային միջոցառումներ, որոնք տեղի կունենան Եղեգնաձոր քաղաքում 2012 թ. հոկտեմբերի 19-ին, ժամը 13:00 Մշակույթի տանը: Միջոցառումների շրջանակներում նախատեսվում են մրցույթներ աղետների ռիսկերի նվազեցման թեմայով` առանձնակի ուշադրություն դարձնելով աղետների ռիսկերի նվազեցման գործում գենդերի և...
Բարեկարգվում են Եղեգնաձոր քաղաքի հիմնական փողոցները 17.10.2012
Երեկ ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի քաղաքաշինության վարչության տրանսպորտի և ճանապարհաշինության բաժնի պետ Խաչիկ Ասլանյանի և Եղեգնաձորի ՃՇՇ ՓԲԸ-ի տնօրեն Արայիկ Մաթևոսյանի ուղեկցությամբ այցելել է Եղեգնաձոր քաղաքի Սպանդարյան փողոց, որտեղ ավարտվել են նշված փողոցի 500մ հատվածի բարեկարգման աշխատանքները:
Հյուրեր` Ռուսաստանի Դաշնությունից 16.10.2012
Ռուս-հայկական միջտարածաշրջանային երկրորդ համաժողովի շրջանակում Հայաստանի Հանրապետությունում էր Ռուսաստանի Դաշնության Արխանգելսկի նահանգապետ Իգոր Օրլովը, ով Վայոց ձորի մարզպետ Էդգար Ղազարյանի ուղեկցությամբ` ս/թ հոկտեմբերի 11-ին ուղևորվեց Վայոց ձորի մարզ: Նրանք հուրընկալվեցին Ջերմուկի առողջարանում: Հյուրերը հոկտեմբերի 12-ին ծանոթացան առողջարանային քաղաքին, եղան քաղաքի տեսարժան վայրերում: Նույն օրը նահանգապետի աշխատանքային խմբի անդամները եղան Հայաստանի պետական տնտեսագիտական համալսարանի Եղեգնաձորի մասնաճյուղում, որտեղ նրանց ընդունեց փոխմարզպետ Սամվել Թարվերդյանը:
