Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Աշխատանքային այցելություն Հերհեր և Կարմրաշեն համայնքներ 10.07.2014
2014 թվականի հուլիսի 9-ին ՀՀ Վայոց ձորի մարզպետ Էդգար Ղազարյանը, մարզպետի տեղակալ Սամվել Թարվերդյանի և մարզպետարանի աշխատակազմի տրանսպորտի և ճանապարհաշինության բաժնի պետ Խաչիկ Ասլանյանի ուղեկցությամբ աշխատանքային այցելություն է կատարել Հերհեր և Կարմրաշեն համայնքներ: Մի քանի ամիս առաջ այդ համայնքների բնակիչները բարձրացրել էին իրենց համայնքների ճանապարհի հիմնանորոգման հարցը: Խնդիրը քննարկվել էր նաև ՀՀ Նախագահ Սերժ Սարգսյանի նախընտրական հանդիպումների ընթացքում: Հերհեր կատարած այցի ընթացքում մարզպետը խոստացել էր միջոցներ ձեռնարկել ճանապարհի հիմնանորոգման ուղղությամբ: Տրված խոստումը կատարվեց կարճ ժամանակահատվածում: 2014 թվականին ՀՀ պետական բյուջեից ՀՀ Վայոց ձորի մարզպետարանին հատկացված միջոցների շրջանակներում շուրջ 80 մլն դրամ գումար է նախատեսվել Երևան-Մեղրի միջպետական ավտոճանապարհից դեպի Հերհեր և Կարմրաշեն տանող ճանապարհի հիմնանորոգման նպատակով: Ճանապարհաշինական աշխատանքները կմեկնարկեն 2014 թվականի հուլիսի կեսից և կավարտվեն մինչև հոկտեմբերի վերջը: Կարմրաշեն համայնքում մարզպետը մասնակցել է նաև համայնքի ղեկավարի գործունեության կիսամյակային արդյունքների հանրային հաշվետվությանը, որի շրջանակներում համայնքի բնակիչներին տեղեկատվություն է ներկայացրել ՀՀ կառավարության կողմից համայնքներում, այդ թվում Կարմրաշեն համայնքում իրականացվող ծրագրերի մասին, պատասխանել է համայնքի բնակիչներին հուզող հարցերին:
2014 թվականի հուլիսի 8-ին ՀՀ Վայոց ձորի մարզպետ Էդգար Ղազարյանի մասնակցությամբ Եղեգնաձորի մարզային մշակույթի կենտրոնի համերգային դահլիճում տեղի ունեցավ մշակույթի կենտրոնի գեղարվեստական խմբերի տարեվերջյան հաշվետու համերգը: Համերգին մասնակցում էին մարզպետի տեղակալներ Սամվել Թարվերդյանը, Արամ Գրիգորյանը, մարզպետարանի աշխատակազմի ղեկավար Կամո Սահակյանը, ծնողներ, աշակերտներ և մշակութասեր հասարակայնության ներկայացուցիչներ: Ելույթ ունեցան մշակույթի կենտրոնի երգչախմբի, հայկական ժողովրդական և ժամանակակից պարերի համույթների, ժողովրդական երգի և դհոլի խմբակների, ռոք վոկալ գործիքային անսամբլի սաները: Համերգն անցավ ուրախ ծափողջույնների ներքո:
Տեղեկատվություն մարզի գյուղատնտեսության ոլորտի ցուցանիշների վերաբելյալ 09.07.2014
ՀՀ Վայոց ձորի մարզպետարանի աշխատակազմի գյուղատնտեսության և բնապահպանության վարչությունից հայտնում են, որ 01.07.2014թ. դրությամբ պետական աջակցության ծրագրերով մարզի հողօգտագործողներին մատչելի գներով հատկացվել է. ազոտական պարարտանյութ՝ 320տ, դիզելային վառելանյութ՝ 116000լ, գարու սերմ՝ 28500կգ, առվույտի սերմ՝ 468կգ: Իսկ ըստ օպերատիվ տվյալների՝ 2014թ. հուլիսի 8- ի դրությամբ արտադրվել է. հացահատիկ՝ 180տ, կարտոֆիլ՝ 290տ, բանջարեղեն՝ 150տ, պտուղ՝ 200տ, խոտ՝ 2200տ:
ՀՀ Վայոց ձորի մարզպետը հանդիպում է ունեցել Ջերմուկի առողջարանների և հյուրանոցների տնօրենների հետ 08.07.2014
2014 թվականի հուլիսի 7-ին Ջերմուկի > առողջարանում ՀՀ Վայոց ձորի մարզպետ Էդգար Ղազարյանն աշխատանքային հանդիպում ունեցավ Ջերմուկի առողջարանների և հյուրանոցների տնօրենների հետ։ Հանդիպմանը մասնակցում էին նաև մարզպետի տեղակալ Արամ Գրիգորյանը և մարզպետի խորհրդական Սերոբ Անտինյանը։ Մարզպետի նախաձեռնությամբ հրավիրված հանդիպման ընթացքում քննարկվեցին Ջերմուկի, որպես զբոսաշրջության կենտրոնի, զարգացման ծրագրերը, առանձին ծրագրերում առողջարանների և հյուրանոցների համատեղ գործունեության կազմակերպման հնարավորություններն ու հեռնկարները։ Հատկապես կարևորություն տրվեց միջազգային համագործակցության շրջանակներում, ինչպես նաև մասնագիտական ցուցահանդեսներում համատեղ հանդես գալու անհրաժեշտությանը։ Մարզպետն առաջարկեց առողջարանների և հյուրանոցների ղեկավարներին ակտիվ և շահագրգիռ մասնակցություն ցուցաբարել մշակման փուլում գտնվող Վայոց ձորի սոցիալ-տնտեսական զարգացման քառամյա ծրագրի մշակման աշխատանքներին։
Տեղի կունենա զորահանդես՝ նվիրված ՀՀ ՊՆ 4-րդ բանակային կորպուսի կազմավորման 17-րդ տարեդարձին 07.07.2014
Ս/թ հուլիսի 12-ին, առավոտյան ժամը 10. 00-ին, ՀՀ Վայոց ձորի մարզի Եղեգնաձոր քաղաքում տեղի կունենա տոնական զորահանդես՝ նվիրված ՀՀ ՊՆ 4-րդ բանակային կորպուսի կազմավորման 17-րդ տարեդարձին: Զորահանդեսին կմասնակցեն 4-րդ բանակային կորպուսի բոլոր զորամիավորումները: Զորահանդեսի ընթացքում կկազմակերպվի զինտեխնիկայի ցուցադրություն և զինվորական միավորումների շքերթ: Շքերթը տեղի կունենա կորպուսի զինվորական նվագախմբի զինվորական քայլերգերի և հայրենասիրական երգերի մեղեդիների կատարումների ներքո: Բոլոր ցանկացողները հրավիրվում են մասնակցելու զորահանդեսին, որը կկայանա Եղեգնաձոր քաղաքի կենտրոնական հրապարակում: Հասցեն՝ ՀՀ Վայոց ձորի մարզ, ք. Եղեգնաձոր, Նարեկացի 10:
Տոնական միջոցառում նվիրված ՀՀ Սահմանադրության օրվան 07.07.2014
Ս/թ հուլիսի 5-ին ՀՀ Վայոց ձորի մարզպետ Էդգար Ղազարյանի մասնակցությամբ Եղեգնաձոր քաղաքում կայացավ տոնական միջոցառում՝ դրոշներով քայլերթ, նվիրված ՀՀ Սահմանադրության օրվան: Միջոցառումը տեղի ունեցավ Եղեգնաձորի երաժշտական դպրոցին հարող հրապարակում, որը զարդարված էր եռագույն դրոշներով: Միջոցառման մասնակիցները կրում էին ՀՀ դրոշի գույների համադրությամբ արտահագուստներ: Միջոցառման մասնակիցներին ողջունեց մարզպետ Էդգար Ղազարյանը: Այնուհետև երաժշտական դպրոցի դահլիճում դպրոցի սաների ուժերով կայացավ գեղեցիկ համերգ:
