Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԱՐԵՆԻ ԳԻՆՈՒ ՓԱՌԱՏՈՆ 2014 24.09.2014
2014 թվականի հոկտեմբերի 1-ից 5-ը բոլորին սիրով հրավիրում ենք Վայոց ձոր՝ աննախադեպ տոնախմբություններին մասնակցելու նպատակով: Առաջարկում ենք պլանավորել ընտանեկան հանգստի 5 անմոռանալի օր: Դուք կարող եք այցելել Վայոց ձոր, իջևանել տեղի հյուրանոցներում և հյուրատներում (հյուրանոցներն արդեն կարող են զբաղված լինել, իսկ հյուրատների ցանկը տեղեկայված է ՀՀ Վայոց ձորի մարզպետարանի կայքում http://vdzor.gov.am/Turizm/): Առավոտյան ժամերին կարելի է այցելել խաղողի այգիներ և մասնակցել բերքահավաքի (նախընտրելի վայրեր. Արենի, Ռինդ և Աղավնաձոր համայնքների այգիներ), կեսօրից մասնակցել համայնքային տոնակատարություններին (հոկտեմբերի 1՝ Մալիշկա, հոկտեմբերի 2՝ Ելփին, հոկտեմբերի 3՝ Ռինդ, հոկտեմբերի 4՝ Արենի, հոկտեմբերի 5՝ Եղեգնաձոր), իսկ երեկոյան ժամերին վայելել մշակութային միջոցառումներ և համերգներ Եղեգնաձորի քաղաքային ամֆիթատրոնում կամ մշակույթի տան դահլիճում: Այդ օրերին Դուք կարող եք շրջագայել վայոց ձորի գեղատեսլի վայրերում. Նորավանք, Եղեգիսի կիրճ, Ջերմուկ և այլն: Վայելեք Հայաստանի գեղատեսլի վայրերից մեկի աշնանային ողջ հմայքը 5 անմոռանալի օրերի ընթացքում: ԱՐԵՆԻ ԳԻՆՈՒ ՓԱՌԱՏՈՆ 2014: ԲԱՐԻ ԳԱԼՈՒՍՏ ՎԱՅՈՑ ՁՈՐ:
ԵՎՐՈՊԱԿԱՆ ՄԻՈՒԹՅԱՆ ԾՐԱԳՐԵՐ ՎԱՅՈՑ ՁՈՐՈՒՄ 23.09.2014
2014 թվականի սեպտեմբերի 22-ին ՀՀ Վայոց ձորի մարզ էին այցելել Հայաստանում Եվրոպական Միության պատվիրակության ղեկավար, դեսպան նորին գերազանցություն Տրայան Հրիստեան, Հայաստանում Լիտվայի Հանրապետության արտակարգ և լիազոր դեսպան, նորին գերազանցություն Էդիկաս Պետրիկասը, Հայաստանում Եվրոպական Միության պատվիրակության աշխատակազմի և տեղեկատվական կենտրոնի աշխատակիցներ: Այցելության նպատական էր ծանոթանալ Եվրոպական Միության կողմից ՀՀ Վայոց ձորի մարզում իրականացվող ծրագրերին, ինչպես նաև նեկայացնել նոր ծրագրերն ու դրանց ուղղությունները: Նույն օրը մարզպետարանում հյուրերին ընդունեց ՀՀ Վայոց ձորի մարզպետ Էդգար Ղազարյանը: Մարզպետարանում տեղի ունեցավ հանդիպում դեսպանների և մարզի մի շարք համայնքների ղեկավարների և քաղաքացիական հասարակության կազմակերպությունների ներկայացուցիչների հետ: Հանդիպմանը մասնակցում էին նաև մարզպետի տեղակալներ Սամվել Թարվերդյանն ու Արամ Գրիգորյանը: Հանդիպման ընթացքում դեսպան Տրոյան Հրստեայի կողմից ներկայցվեց Հայաստանում Եվրոպական Միության քաղաքականության հիմնական ուղղությունները և ներկայացվեցին համագարծակցության հիմնական ծրագրերը: Դեսպան Էդիկաս Պետրիկասը ներկայացրեց հայ-լիտվական երկկողմ համագործակցության ուղղությամբ կատարված աշխատանքներն ու ապագա ծրագրերը: Դեսպանները պատասխանեցին նաև մասնակիցներին հուզող հարցերին: Ամփոփելով հանդիպումը՝ ՀՀ Վայոց ձորի մարզպետ Էդգար Ղազարյանը շնորհակալություն հայտնեց հյուրերին համագործակցության և այցի համար, շեշտեց, որ Հայաստանը, լինելով ժամանակակից, ժողովրդավարական, քրիստոնեկան եվրոպական պետություն, միշտ պատրաստակամ և ակտիվ է եղել եվրոպական համագործակցության ցանկացած նախաձեռնության հարցում և այսուհետ ևս հետաքրքիր են բոլոր այն ծրագրերը, որոնք առաջարկվում են եվրոպացի գործընկերների կողմից: Նույն օրը ՀՀ Վայոց ձորի մարզպետի աշխատասենյակում տեղի ունեցավ առանձին հանդիպում, որին հրավիրված էին նաև մարզի քաղաքային համայնքների ղեկավարները: Հանդիպման ընթացքում ներկայացվեցին համագործակցության առանձին ծրագրեր, որոնք առավել հետաքրքրական կարող են լինել քաղաքային համայնքներում իրականացնելու տեսանկյունից: Դեսպան Տրոյան Հրիստեան առաջարկեց քաղաքապետերին անդամակցել քաղաքապետերի եվրոպական ցանցին և հայտ ներկայցնել նոր ծրագրերին գործընկեր դառնալու համար:
ՏԵՂԻ ՈՒՆԵՑԱՎ ՎԱՅՈՑ ՁՈՐԻ ՄԱՐԶԽՈՐՀՐԴԻ ՀԵՐԹԱԿԱՆ 4-ՐԴ ՆԻՍՏԸ 23.09.2014
2014 թվականի սեպտեմբերի 23-ին Վայոց ձորի մարզպետարանի նիստերի դահլիճում ՀՀ Վայոց ձորի մարզպետ Էդգար Ղազարյանի նախագահությամբ տեղի ունեցավ ՀՀ Վայոց ձորի մարզխորհրդի հերթական 4-րդ նիստը: Նիստի օրակարգում ընդգրկված էր երեք հարց և չորս հայտարարություն: Օրակարգի երկու հարցերը վերաբերում էին համայնքների բյուջեներին ամրագրված սեփական եկամուտների հավաքագրման ութ ամիսների արդյունքներին և 2014 թվականի երրորդ եռամսյակում մարզի համայնքներում իրականացված վարչական հսկողության արդյունքներին: Օրակարգի երրորդ հարցի՝ բերքահավաքի և կերերի կուտակման աշխատանքների ընթացքի և գյուղատնտեսական արտադրանքի ծավալների ավելացման մասին հարցի քննարկմանն իր մասնակցությունը բերեց ՀՀ գյուղատնտեսության նախարար Սերգո Կարապետյանը: Նախարարն իր ելույթում մտահոգություններ ներկայացրեց Վայոց ձորի մարզի գյուղատնտեսական ցուցանիշների վերաբերյալ՝ հորդորելով համայնքների ղեկավարներին գործուն քայլեր գործադրել ցանքատարածությունների ավելացման և գյուղատնտեսական մթերքների ծավալների ավելացման ուղղությամբ: Է.Ղազարյանն իր հերթին շնորհակալություն հայտնեց նախարարին մարզի գյուղատնտեսության զարգացման խնդիրների վրա մշտական ուշադրության և պարբերական այցերի համար՝ կիսելով յնչեցված մտահոգությունները: Է.Ղազարյանը հավելեց, որ կառավարության կողմից իրականացվում է գյուղատնտեսության աջակցության բազմաթիվ և մեծ ծավալի ծրագրեր, որոնց արդյունքը պետք է լինի օգտագործվող հողատարածությունների և գյուղատնտեսական արտադրանքի ծավալների մեծացումը, ինչի հարցում մեծ է համայնքների ղեկավարների դերը:
ՀՀ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐԻ ԱՇԽԱՏԱՆՔԱՅԻՆ ԱՅՑԸ ՎԱՅՈՑ ՁՈՐԻ ՄԱՐԶ 23.09.2014
2014 թվականի սեպտեմբերի 23-ին ՀՀ Վայոց ձորի մարզ հերթական աշխատանքային այցը կատարեց ՀՀ գյուղատնտեսության նախարար Սերգո Կարապետյանը: Մարզխորհրդի նիստին մասնակցելուց հետո, նախարարը ՀՀ Վայոց ձորի մարզպետ Էդգար Ղազարյանի ուղեկցությամբ այցելեց Արենի համայնք, եղավ խաղողի այգիներում, հանդիպեց հողօգտագործողների հետ, ծանոթացավ խաղողի արտադրության և իրացման առկա իրավիճակին: Նախարարն այցելեց նաև հիմնովին վերազինված և տեխնիկապես հագեցած “Հին Արենի” գինու գործարան, ծանոթացավ իրականացված ներդրումային ծրագրին և գործարանի նոր արտադրական կարողություններին: Այցի ավարտին նախարարն այցելեց նաև Արենիի գինու գործարան, եղավ գործարանի հնեցման արտադրամասում և համտեսի սրահում:
ՀԱՄԱԳՈՐԾԱԿՑՈՒԹՅՈՒՆԸ <<ՕՔՍՖԱՄ>> ԿԱԶՄԱԿԵՐՊՈՒԹՅԱՆ ՀԵՏ ՇԱՐՈՒՆԱԿՎՈՒՄ Է 23.09.2014
2014 թվականի սեպտեմբերի 23-ին Վայոց ձորի մարզպետարանում տեղի ունեցավ հանդիպում ՀՀ Վայոց ձորի մարզպետ Էդգար Ղազարյանի և > միջազգային բարեգործական կազմակերպության Հայաստանյան գրասենյակի տնօրեն Մարգարիտա Հակոբյանի, ՀՀ ԱԻՆ Վայոց ձորի մարզային փրկարարական վարչության և մի շարք համայնքների ղեկավարների մասնակցությամբ: Հանդիպման ընթացքում քննարկվեցին >-ի > ծրագրի իրականացման կազմակերպական հարցեր: Նույն օրը Վայոց ձորի մարզպետարանում տեղի ունեցավ փոխըմբռնման հուշագրի ստորագրման հանդիսավոր արարողություն: Հուշագիր ստորագրվեց ՀՀ Վայոց ձորի մարզպետարանի, մարզի Արփի, Արենի, Արտաբույնք, Ագարակաձոր, Ելփին, Խաչիկ, Հորբատեղ, Մարտիրոս, Չիվա, Գետափ համայնքների, >-ի, > հասարակական կազմակերպության և ՀՀ արտակարգ իրավիճակների նախարարության Վայոց ձորի մարզային փրկարարական վարչության միջև:
ԸՆԴՈՒՆԵԼՈՒԹՅՈՒՆ ՀՀ ԱՆԿԱԽՈՒԹՅԱՆ ՕՐՎԱ ԱՌԹԻՎ 22.09.2014
2014 թվականի սեպտեմբերի 21-ին Հայաստանի Հանրապետության Նախագահ Սերժ Սարգսյանի հրավերով ՀՀ Վայոց ձորի մարզպետ Էդգար Ղազարյանը մասնակցել է Հայաստանի Հանրապետության անկախության 23-րդ տարեդարձի առթիվ Կ.Դեմիրճյանի անվան մարզահամերգային համալիրում կազմակերպված հանդիսավոր ընդունելությանը:
