Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Իրազեկում 22.02.2018
> ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ս․թ․ փետրվարի 23-ին ժամը 10։00-18։00-ն կդադարեցվի Վայոց ձորի մարզի Եղեգնաձոր քաղաքի` Կամոյի, Չալաբյան, Զորավար Վարդանի, Նարեկացու փողոցների, Անդրանիկի նրբանցքի, Միկոյան փող․ 3, 5, 9, 10, 11, 12, 15, Սևակի փող․ 1, 3, 5, Մոմիկի փող․ 8 համարների և Գետափ գյուղի՝ Ձախափ թաղամասի ջրամատակարարումը։ Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:
Իրազեկում 22.02.2018
2018 թվականի փետրվարի 23-ին, ժամը 16.00 տեղի կունենա ՀՀ Վայոց ձորի մարզի Գլաձոր համայնքի ավագանու թիվ 2 նիստը: Նիստը վարելու է համայնքի ղեկավար Արմեն Մովսիսյանը: Նիստի օրակարգում ընդգրված են հետևյալ հարցերը.
Ջերմուկում անցկացվեց ,,Ձնեմարդուկ,, ավանդական փառատոնը 19.02.2018
Փետրվարի 16-18-ը Ջերմուկ առողջարանային քաղաքում կազմակերպվեց ,,Ձնեմարդուկ 2018,, ձնե արվեստի ամենամյա փառատոնը: Փառատոնին մասնակցում էին ոչ միայն վայոցձորցիները: Միջոցառմանը ներկա գտնվելու համար Ջերմուկ էին ժամանել հյուրեր Երևանից և բազմաթիվ զբոսաշրջիկներ: ,,Ձնեմարդուկ,, փառատոնը Ջերմուկում անցկացվում է 2012 թվականից։ Այս տարի քանդակների պատրաստմանը մասնակցում էին քանդակագործների 5 մասնագիտացված և 9 սիրողական թիմեր: Քանդակների թեմատիկան նվիրված էր Հայաստանում կազմակերպվող Ֆրանկոֆոնիայի 17-րդ համաժողովին: Փառատոնի ընթացքում պատրաստված ձնե քանդակների շարքում կարելի էր տեսնել Ջերմուկ քաղաքի խորհրդանիշը հանդսացող եղնիկը, տարբեր հեքիթների հերոսներ, բնապատկարներ և այլ հետաքրքիր գործեր: Նշենք, որ մրցույթին մասնակցող մասնագիտական թիմերը ստացան խրախուսական պարգևներ: Փառատոնի շրջանակներում մեկնարկեց մարզային հեծանվային 8-րդ գավաթը, անցկացվեց սառամագլցում, իսկ Jermuk travel զբոսաշրջային հարթակի աջակցությամբ քաղաքի հյուրերի և զբոսաշրջիկների համար կազմակերպվեցին ճանաչողական տուրեր և արշավներ
ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը 19.02.2018
Փետրվարի 19-ին ՀՀ Վայոց ձորի մարզպետ Հարություն Սարգսյանն անցկացրեց գործակարգավարական հերթական խորհրդակցությունը, որին մասնակցում էին մարզպետի տեղակալները, խորհրդականը, մարզպետարանի աշխատակազմի և ստորաբաժանումների ղեկավարները: Խորհրդակցության ընթացքում անդրադարձ կատարվեց մարզի կապիտալ շինարարության թույլտվությունների քանակի և ծավալների ճշտմանը, մարզի բուժհաստատություններում իրականացվող սկրինինգային հետազոտությունների, ինչպես նաև սահմանամերձ համայնքներում 2018 թվականի փետրվարի 27-ից մեկնարկող բժշկական հետազոտությունների հետ կապված հարցերին: Խոսվեց > ծրագրի շրջանակներում համայնքներում իրականացվող աշխատանքների և աղբահանության խնդիրների, մարզին անհրաժեշտ անօրգանական պարարտանյութերի և գարնանացան սերմացուի պահանջարկի ճշտման շուրջ: Մարզպետ Հ. Սարգսյանը հանձնարարց հետևել համայնքների սեփական եկամուտների հավաքագրմանը` ուշադրության կենտրոնում պահելով գույքահարկի և աղբահանության վճարների ցուցանիշները:
Անցկացվեցին վերապատրաստման դասընթացներ <<Կայուն դպրոցական սնունդ>> ազգային ծրագրի շրջանակներում 19.02.2018
,,Կայուն դպրոցական սնունդ,, ազգային ծրագրի շրջանակներում, փետրվարի 16-18-ը, Երևան քաղաքում մեկնարկեցին Վայոց ձորի մարզի դպրոցների համար նախատեսված ,,Հանրակրթական կազմակերպություններում խոհարարների և տնօրեն-կազմակերպիչների դասընթացներ,,-ը : Ծրագրում ընդգրկված Վայոց ձորի մարզի 45 դպրոցներից վերապատրաստվեցին 23 դպրոցների տնօրեններ և խոհարարներ, իսկ 22 դպրոցների տնօրեններ և խոհարարներ կվերապատրաստվեն փետրվարի 23-25-ին: ,,Կայուն դպրոցական սնունդ,, ծրագիրը Հայաստանում մեկնարկել է 2010 թվականից՝ ՀՀ կառավարության և ՄԱԿ-ի Պարենի համաշխարհային ծրագրի միջևւ ձեռքբերված պայմանավորվածությամբ, որի շրջանակում ՀՀ բոլոր մարզերի տարրական դասարանների աշակերտները դպրոցում ստանում են սնունդ: 2014-2015 թթ. ՀՀ Արարատի, Վայոց ձորի և Սյունիքի մարզերի, 2017թ. սեպտեմբերից Տավուշի մարզի բոլոր դպրոցները փոխանցվել են ՀՀ Կառավարության ,,Կայուն դպրոցական սնունդ,, ծրագրի իրականացման պատասխանատվության ներքո:
Իրազեկում 16.02.2018
Այսօր՝ 2018 թվականի փետրվարի 16-ին, ժամը 11.00 տեղի կունենա ՀՀ Վայոց ձորի մարզի Արենի համայնքի ավագանու թիվ 4 նիստը: Նիստը վարելու է համայնքի ղեկավար Հուսիկ Սահակյանը: Նիստի օրակարգում ընդգրված են հետևյալ հարցերը.
