Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետի տեղակալ Նանե Ասատրյանն այցելել է Եղեգնաձորի բժշկական կենտրոն 11.12.2018
Դեկտեմբերի 11-ին ՀՀ Վայոց ձորի մարզպետի տեղակալ Նանե Ասատրյանն այցելել է Եղեգնաձորի բժշկական կենտրոն: Տնօրենի պաշտոնակատար Կարեն Ասատրյանի հետ քննարկվել են ռենտգեն կաբինետի նորոգման, նոր սարքի գործարկման, կայքի կիրարկման և սոնոգրաֆիայի նոր սարքի տեղափոխման հարցերը: Քննարկված հարցերի լուծման արդյունքում Եղեգնաձորում կունենանք, նորագույն սարքերով ապահովված, անհրաժեշտ մասնագետներով հագեցած բժշկական կենտրոն, որտեղ քաղաքացներ կստանան բարձրորակ առողջապահական աջակցություն, թե՛ բուժանձնակազմի, թե՛ քաղաքացիների իրավունքները կլինեն պաշտպանված,- Նշում է Ն. Ասատրյանը: Մարզպետի տեղակալը տեղեկացնում է , որ Վայոց ձորի մարզպետ Տրդատ Սարգսյանը հետամուտ է այս ոլորտի կայունացմանն ու զարգացմանը: Ն. Ասատրյանը շնորհակալություն է հայտնում նաև ՀՀ առողջապահության նախարարությանը, նախարար Արսեն Թորոսյանին՝ մարզերի նկատմամբ ցուցաբերած հոգատարության և հետևողականության համար:
Տեղի կունենա քաղաքացիների ընդունելություն 10.12.2018
Սահմանված կարգի համաձայն 2018 թվականի դեկտեմբերի 14-ին, ժամը՝ 14:00, ՀՀ Վայոց ձորի մարզպետ Տրդատ Սարգսյանի մոտ տեղի կունենա քաղաքացիների ընդունելություն: Հասցեն` ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5:
ՀՀ պետական բյուջեից 2018 թ. Վայոց ձորի մարզին տրված նպատակային հատկացումների (սուբվենցիոն) ծրագրի շրջանակում Զառիթափ համայնքի բնակավայրերում իրականացվել են հետևյալ աշխատանքները՝ Խնձորուտ բնակավայրի 2782մ երկարությամբ ջրագծի և ջրհավաք հորերի, Նոր Ազնաբերդ բնակավայրի 1157մ երկարությամբ ջրագծի և ջրհավաք հորերի, Զառիթափ բնակավայրի 21մ երկարությամբ ջրագծի և ջրհավաք հորի, Արտավան բնակավայրի 846մ երկարությամբ ջրագծի և ջրհավաք հորերի, Մարտիրոս բնակավայրի 527մ երկարությամբ ջրագծի կառուցման աշխատանքները։
Այսօր, Եղեգնաձոր քաղաքի կինոթատրոնի հրապարակում տեղի ունեցավ խորագրով միջոցառումը, նվիրված 1988թ. Սպիտակի երկրաշարժի զոհերի հիշատակի օրվա 30-րդ տարելիցին: Խորագրի շրջանակներում Վայոց ձորի մարզային փրկարարական վարչությունը բնակչության համար կազմակերպել էր ուսուցողական և բացատրական դասընթացներ՝ հրշեջ փրկարարական ջոկատներում առկա հրշեջ և վթարափրկարարական մեքենաների տեխնիկական հնարավորությունների վերաբերյալ: Միջոցառման սկզբում ՀՀ Վայոց ձորի մարզպետի տեղակալ Նանե Ասատրյանը մասնակիցներին ուղղված խոսքում ներկայացրեց Սպիտակի երկրաշարժի ուժգնության և թողած ավերածությունների վերաբերյալ տեղեկություններ: Մեծ ցավով խոսեց նաև երկրաշարժի զոհերի մասին: Ն. Ասատրյանը խոսքի ավարտին բարի հիշատակ մաղթեց զոհվածներին և հավելեց, որ բնական աղետներից հնարավորինս նվազ վնաս կրելու համար անհրաժեշտ է լավագույնս իրազեկված լինել դրանցից պաշտպանվելու միջոցների և ձևերի մասին: Կարողանալ ճիշտ ու ժամանակին օգտվել պաշտպանվելու այդ միջոցներից: Մարզպետի տեղակալը նշեց, որ
ՀՀ պետական բյուջեից 2018 թ. Վայոց ձորի մարզին տրված նպատակային հատկացումների (սուբվենցիոն ծրագրի) շրջանակում, մարզի Եղեգիս խոշորացված համայնքի բնակավայրերում իրականացվել են հետևյալ ծրագրերը՝ Շատին բնակավայրի գիշերային լուսավորության անցկացում և Քարագլուխ բնակավայրում ոռոգման ջրագծի կառուցում:
Հերթական միջոցառումը Վայոց ձորի մարզային գրադարանում 05.12.2018
Երեկ Վայոց ձորի մարզային գրադարանում տեղի ունեցավ հերթական միջոցառումը՝ խորագրով: Միջոցառումը կազմակերպել էր գրադարանի մանկական բաժինը (բաժնի վարիչ` Ջեմմա Մարգարյան), Եղեգնաձորի թիվ 2 հիմնական դպրոցի սաների ուժերով: Բեմականացված հեքիաթում հնչած մտքերում արժևորվեց գիրն ու գրականությունը, գիտելիքն ու դպրությունը: Այնուհետև միջոցառմանը ներկա երեխաները հանդես եկան անհատական կատարումներով՝ երգ, պար, ասմունք: Միջոցառման ավարտին կազմակերպիչներին՝ մանկական բաժնի աշխատակիցներին, բեմականացման մասնակից դպրոցականներին և Եղեգնաձորի թիվ 2 հիմնական դպրոցի ուսուցիչներին ուղղված շնորհակալության խոսք ասաց գրադարանի տնօրեն Ռոզա Լևոնյանը: Սրտի խոսք ասացին ՀՀ Վայոց ձորի մարզպետարանի ՏՀԿ բաժնի պետ Սոնա Մարգարյանը և Ջուլիետա Գաբրիելյանը(մասնակից երեխայի տատիկ): Հանդիսատեսի համար երեկվա օրը տոնական երանգ ստացավ, գրադարանում կազմակերպված միջոցառման շնորհիվ:
