Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում քաղաքացիների հետ 04.03.2025
ՀՀ Վայոց ձորի մարզպետ Կոլյա Միքաելյանի նախաձեռնությամբ և մարզպետի աշխատակազմի առողջապահության և սոցիալական ոլորտի հարցերի վարչության համակարգմամբ մարտի 3-ին մարզպետի աշխատակազմի նիստերի դահլիճում տեղի ունեցավ հանդիպում քաղաքացիների հետ։ Հանդիպմանը հրավիրվել էին այն քաղաքացիները, ովքեր դիմել էին մարզպետի աշխատակազմ հիմնականում սոցիալական բնույթի հարցերով։ Մարզպետ Կոլյա Միքաելյանը կարևորեց քաղաքացիների հետ նաև այս ձևաչափով հանդիպումները և դրանց պարբերական բնույթի ապահովումը։
Փետրվարի 28-ին Վայոց ձորի մարզպետ Կոլյա Միքաելյանը ընդունել է ՀՀ-ում Ֆրանսիայի Հանրապետության արտակարգ և լիազոր դեսպան Օլիվիե Դըկոտինյիին: Հանդիպմանը մասնակցել են նաև Վայոց ձորի մարզպետի տեղակալ Արսեն Խաչատրյանը և գլխավոր քարտուղար Աղվան Հարությունյանը: Մարզպետը ողջունել և շնորհակալություն է հայտնել դեսպանին մարզ այցելելու համար՝ կարևորելով Հայաստանի և Ֆրանսիայի միջև բարեկամական, ընդհանուր արժեքների վրա հիմնված և տարբեր ոլորտներում զարգացող հարաբերությունների համատեքստում նաև ապակենտրոնացված համագործակցության հեռանկարները և հնարավորությունները:
Վայոց ձորի մարզպետ Կոլյա Միքաելյանը հյուրընկալել է Քարդ հիմնադրամի տնօրեն Գագիկ Սարդարյանին 03.03.2025
Փետրվարի 28-ին ՀՀ Վայոց ձորի մարզպետ Կոլյա Միքաելյանը հյուրընկալել է Քարդ (CARD) հիմնադրամի տնօրեն Գագիկ Սարդարյանին: Ագրոբիզնեսի և գյուղի զարգացման կենտրոնը (CARD) հայկական հիմնադրամ է, որը հիմնադրվել է 2005 թվականին որպես ԱՄՆ կառավարության կողմից 1993-1996թթ․-ին Հայաստանում իրականացվող գյուղատնտեսական խորհրդատվական ծրագրի, ինչպես նաև 1996-2005թթ․-ին ԱՄՆ Գյուղդեպարտամենտի Մարքեթինգի աջակցության ծրագրի (ԱՄՆ ԳԴ-ՄԱԾ) իրավահաջորդ: CARD-ը նախագծում և իրականացնում է մի շարք ծրագրեր, որոնք միտված են աջակցել ֆերմերներին և ագրոբիզնեսներին սննդամթերքի և հարակից ապրանքների արտադրության և իրացման ոլորտներում` եկամուտների ավելացման և աշխատատեղերի ստեղծման նպատակով՝ դրանով իսկ նպաստելով գյուղական բնակչության կայուն կենսամակարդակի ապահովմանը:
Փետրվարի 28-ին ՀՀ Վայոց ձորի մարզպետ Կոլյա Միքաելյանը մասնակցեց Հայաստանում Եվրոպական միության դիտորդական առաքելության գործունեության 2-ամյակին նվիրված հանդիսավոր միջացառմանը: Արարողությանը ներկա էին ՀՀ օրենսդիր և գործադիր մարմինների, դիվանագիտական կորպուսի, մարզային իշխանությունների ներկայացուցիչներ, հյուրեր: Հնչեցին ելույթներ, որտեղ կարևորվեցին դիտորդական առաքելության գործունեության արդյունքները, կայունության և սահմանային միջադեպերի նվազմանը գործում ունեցած ակնհայտ դերակատարությունը, սահմանամերձ բնակավայրերի բնակիչների շրջանակնում անվտանգության զգացողության ձևավորումը և այլ ձեռքբերումներ, որոնք նպաստեցին գործունեության մանդատի երկարացմանը:
Տեղի կունենա Արենի համայնքի ավագանու հերթական նիստը 28.02.2025
Տեղեկացնում ենք , որ սույն թվականի մարտի 3-ին՝ ժամը 16։00-ին, Արենիի համայնքապետարանում տեղի կունենա ՀՀ Վայոց ձորի մարզի Արենի համայնքի ավագանու հերթականնիստը։ Նիստի օրակարգի նախագծին կարող եք ծանոթանալ այս հղմամբ։
Ինչպես ստանալ սոցիալական ծախսի փոխհատուցումը 27.02.2025
Պետական եկամուտների կոմիտեն իրազեկում է սոցիալական ծախսի փոխհատուցման քայլերի հաջորդականության մասին։ Այսպես, եթե արդեն ներկայացրել եք եկամուտների տարեկան հայտարարագիր և հաշվետու տարվա ընթացքում Ձեր կամ Ձեր ընտանիքի անդամների համար առողջապահության ու կրթության գծով կատարել եք սոցիալական ծախսեր, ապա կարող եք օգտվել սոցիալական ծախսի փոխհատուցման հնարավորությունից։ Փոխհատուցումից օգտվելու համար՝ նախևառաջ որպես սոցիալական ծախս կատարող՝ պետք է ունենաք այդ վճարման դիմաց Ձեր հանրային ծառայությունների համարանիշով դուրս գրված հաշվարկային փաստաթուղթ (ինվոյս), ապա հետևյալ քայլերի միջոցով կարող եք դիմել և հետ ստանալ սոցիալական ծախսի համար վճարված գումարները․
