Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Էդգար Ղազարյանի ուղերձը Հանրապետության տոնի կապակցությամբ 28.05.2013
Սիրելի հայրենակիցներ Շնորհավորում եմ բոլորիս Մայիսի 28-ի` Հայաստանի առաջին Հանրապետության տոնի կապակցությամբ: Մայիսը հայ ժողովրդի համար եղել է հաղթանակների ու նվաճումների ամիս: Այդ նվաճումներից մեկն էլ 1918 թվականին Հայաստանի առաջին Հանրապետության կազմավորումն էր, հայոց պետականության հաստատումը` պետականության յոթդարյա կորստից հետո: Ճիշտ է Հայաստանի առաջին Հանրապետությունը գոյատևեց ընդամենը երկուսուկես տարի, սակայն այդ ընթացքում ստեղծված պատական կառույցը հիմք հանդիսացավ Հայաստանի Խորհրդային Սոցիալիստական Հանրապետության, որը հռչակվեց 1920թ-ին, իսկ այնուհետ` 1991 թվականի սեպտեմբերի 21-ին անցկացված անկախության հանրաքվեի արդյունքում, երկու օր անց՝ սեպտեմբերի 23-ին, Հայաստանի ԽՍՀ Գերագույն խորհուրդն ընդունեց Հայաստանի Հանրապետության Անկախության հռչակագիրը։
ՀՀ Վայոց ձորի մարզպետ Էդգար Ղազարյանի ուղերձը Վերջին դասի կապակցությամբ 24.05.2013
Սիրելի շրջանավարտներ: Սիրով շնորհավորում եմ ձեզ` դպրոցն ավարտելու կապակցությամբ: Սիրելիներս, Այսօր տոնականորեն հնչող վերջին զանգն ուղեկցելու է ձեզ ողջ կյանքի ընթացքում՝ հաճելի ու բարի հիշողություններ արթնացնելով դպրոցական մտերմիկ ու ջերմ միջավայրի, դասընկերների, սիրելի ուսուցիչների մասին: Իսկ այս տոնը Ձեզ համար է, քանզի Դուք ավարտում եք դպրոցը և քայլ կատարում դեպի կյանքի նոր փուլ: Դուք կյանք եք մտնում, անցյալում թողնելով Ձեր վարդագույն մանկության, գունագեղ պատանության տարիների...
Հրամանատարաշտաբային ուսումնավարժություն Վայոց ձորի մարզում 21.05.2013
Մայիսի 21-ին Վայոց ձորի մարզպետարանի նիստերի դահլիճում ՀՀ Վայոց ձորի մարզպետ Էդգար Ղազարյանի ղեկավարությամբ անցկացվեց հրամանատարաշտաբային ուսումնավարժություն` > թեմայով: Օրակարգը ներկայացնելու համար մարզպետը ամբիոնի մոտ հրավիրեց ՀՀ ԱԻՆ ՓԾ Վայոց ձորի մարզային փրկարարական վարչության պետ, փ/ծ գնդապետ Հակոբ Հակոբյանին: Միջոցառման ծրագիրը ներկայացրեց Վայոց ձորի մարզային փրկարարական վարչության ԲՊ բաժնի պետ-պետի տեղակալ փ/ծ փոխգնդապետ Սահակ Ոսկանյանը:
Արցախի Հանրապետության Նախագահ Բակո Սահակյանը մայիսի 18-ին մասնակցել է Բերձոր քաղաքի ազատագրման 21-րդ տարեդարձին նվիրված տոնական միջոցառումներին: Երկրի ղեկավարը ծաղկեպսակ է դրել Արցախյան ազատամարտում զոհվածների հիշատակը հավերժացնող հուշահամալիրում եւ պետական պարգեւներ ու արժեքավոր նվերներ հանձնել մի խումբ անձանց: Իր խոսքում Նախագահ Սահակյանը Բերձորի ազատագրումը բնութագրել է որպես կարեւոր ռազմական, քաղաքական եւ հոգեբանական հաղթանակ, որը ճեղքեց մոտ 70 տարի տեւած Արցախի շրջափակումը՝ հավելելով, որ առանց դրա անհնարին կլիներ պաշտպանել մեր հայրենիքի անկախությունն ու ազատությունը եւ կայուն հիմքեր ստեղծել նրա հուսալի զարգացման ու զորացման համար: Միջոցառումներին մասնակցում էին Հայ Առաքելական եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, վարչապետ Արա Հարությունյանը, պաշտոնատար այլ անձինք, ՀՀ ԱԺ մի խումբ պատգամավորներ, ՀՀ Սյունիքի եւ Վայոց ձորի մարզերի ղեկավարները, հյուրեր Հայաստանից եւ Սփյուռքից:
ՀՀ Վայոց ձորի մարզպետ Էդգար Ղազարյանի ուղերձը Բերձորի ազատագրման օրվա կապակցությամբ 18.05.2013
Սիրելի հայրենակիցներ: Ի սրտե շնորհավորում եմ մեզ բոլորիս Բերձորի ազատագրման 21-րդ տարեդարձի կապակցությամբ: 21 տարի առաջ այս օրը Արցախի ինքնապաշտպանության ուժերը ազատագրեցին Քաշաթաղի շրջանն ու Բերձոր քաղաքը՝ տրամաբանական ավարտին հասցնելով Շուշիի ազատագրման բեկումնային և կարևոր հաղթանակը: Հիրավի, Բերձորի ազատագրումն ունեցավ ռազմական, քաղաքական, ինչպես նաև հոգեբանական կարևոր նշանակություն: Դա բոլորիս համար սպասված հաղթնակ էր, քանզի դրանով ճեղքվեց շրջափակման օղակը և բացվեց Արցախը Հայաստանին կապող միակ ճանապարհը, որն իրավամբ կոչվեց Կյանքի ճանապարհ: Մեր խոնարհումը Արցախյան Ազատամարտի զոհերի հիշատակին, որոնց թափված արյան գնով Արցախում հաստատվեց խաղաղություն: Հավերժ փառք բոլոր ընկածներին: Մեր հոգածությունն ու սերը բոլոր նրանց, ովքեր առողջություն կորցրին ազատամարտի տարիներին: Հազար փառք մեր ազատամարտիկներին և Արցախի հերոսական ժողովրդին:
ՀՀ Վայոց ձորի մարզպետն ընդունեց 9-11-րդ դասարանների մի խումբ աշակերտների 17.05.2013
Մայիսի 17-ին ՀՀ Վայոց ձորի մարզպետ Էդգար Ղազարյանն ընդունեց Մալիշկայի թիվ 1 միջնակարգ դպրոցի 9-11-րդ դասարանների մի խումբ աշակերտների, դպրոցի տնօրեն Արմեն Մարգարյանի գլխավորությամբ: Հանդիպմանը ներկա էր նաև մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը: Էդգար Ղազարյանը դպրոցականներին ծանոթացրեց իր աշխատասենյակին, մանրամասն ներկայացրեց մարզպետի գործառույթները: Այնուհետև խորհրդակցությունների սենյակում պատասխանեց դպրոցականներին հուզող հարցերին, որոնք վերաբերում էին մասնագիտություններին: Մարզպետն իր խոսքում կարևորեց նախասիրած մասնագիտության ընտրությունը, շեշտելով, որ խորը և կայուն գիտելիքներով զինված մասնագետը միշտ էլ իր տեղը գտնում է կյանքում:
