Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հովիկ Աբրահամյանը խորհրդակցություն է անցկացրել մարզպետների հետ 17.04.2014
Ապրիլի 16-ին վարչապետ Հովիկ Աբրահամյանի մոտ տեղի է ունեցել մարզերի խնդիրներին նվիրված խորհրդակցություն: Կառավարության ղեկավարը նշել է, որ մեծ ակնկալիք ունի մարզպետներից՝ կառավարության տարբեր ծրագրեր հաջողությամբ իրականացնելու գործում: >,- դիմելով մարզպետներին՝ ասել է Հովիկ Աբրահամյանը: ՀՀ փոխվարչապետ, տարածքային կառավարման նախարարի պաշտոնակատար Արմեն Գևորգյանը վարչապետին է զեկուցել ՀՀ կառավարության կողմից մարզերում իրականացվող ծրագրերի մասին: Մասնավորապես, մանրամասն ներկայացվել են 2014 թվականի մարտին ցրտահարությունից տուժած գյուղացիական տնտեսություններին ցուցաբերվող աջակցության ծրագրերը: Շեշտվել է, որ կառավարության օժանդակության ծրագրերից օգտվող տնտեսությունների ցուցակներն առաջիկայում պետք է հրապարակվեն մարզպետարանների կայքէջերում: Հովիկ Աբրահամյանը հանձնարարել է մարզպետներին մանրամասն ուսումնասիրել տնտեսությունների կրած վնասը՝ անհատական կարգով օժանդակություն ցուցաբերելու համար: Վարչապետին տեղեկացվել է նաև, որ ընթացիկ տարում բոլոր մարզերում տեղադրվել են 80 հակակարկտային կայաններ, որոնք գործելու են Արտակարգ իրավիճակների նախարարության միասնական կառավարման համակարգի ներքո:
Մեկնարկել է տեղական ինքնակառավարման մարմինների վերապատրաստման գործընթացը 17.04.2014
ՀՀ Վայոց ձորի մարզում մեկնարկել է տեղական ինքնակառավարման մարմինների վերապատրաստման գործընթացը: Դասընթացի բացման խոսքով հանդես է եկել ՀՀ Վայոց ձորի մարզպետ Էդգար Ղազարյանը: Մարզպետը ողջունել է մասնակիցներին և կարևորել դասընթացը, նշելով որ տեղական ինքնակառավարման մարմիններում կարող են ընտրվել տարբեր կրթական ցենզ և մասնագիտություն ունեցող անձիք, ովքեր ՏԻՄ կառավարման և գործունեություն ծավալելուն վերաբերվող օրենքների դրույթներին կարող են ծանոթանալ նման վերապատրաստումների ընթացքում: Վերապատրաստումն անց են կացնում ՀՀ Վայոց ձորի մարզպետարանի աշխատակազմի ՏԻ և ՀԳՄ հարցերի վարչության պետի տեղակալ Աղվան Հարությունյանը ու ֆինանսական և սոցիալ-տնտեսական զարգացման վարչության պետ Ռազմիկ Հայրապետյանը: Վերապատրաստմանը մասնակցում են Արտավան, Գնդեվազ, Զեդեա, Թառաթումբ, Խաչիկ, Հերհեր, Հերմոն, Հորս, Սերս և Փոռ համայնքների ղեկավարները և ավագանու անդամներ:
ՀՀ Վայոց ձորի մարզպետի ուղերձը <<Ոստիկանության օր>> տոնի կապակցությամբ 16.04.2014
Ոստիկանության պարոնայք գեներալներ, սպաներ, ոստիկանության հարգելի ծառայողներ, Սրտանց շնորհավորում եմ բոլորիդ մասնագիտական տոնի առիթով: Մաղթում եմ խաղաղ ու անվտանգ ծառայություն: Այս տարի ՀՀ ոստիկանությունը նշում է համակարգի կազմավորման 96-րդ տարեդարձը: Ոստիկանությունը պետական կառավարման համակարգի կարևորագույն ինստիտուտներից մեկն է: Ոստիկանության շնորհիվ է, որ ՀՀ կառավարությունը կարողանում է ապահովել Սահմանադրությամբ իրեն վերապահված մի շարք կարևորագույն գործառույթներ՝ հասարակական կարգի պահպանությունը, ներքին անվտանգության ապահովումը, քաղաքացիների և տնտեսվարող սուբյեկտների իրավունքների, շահերի, գույքի, ունեցվածքի պահպանումը: Հասարակական կյանքը դժվար է պատկերացնել առանց ոստիկանության ծառայության, քանզի հանրային մեծ թե փոքր յուրաքանչյուր միջոցառման ժամանակ մենք տեսնում ենք լուռ, հանգիստ, սակայն զգոն ու պատասխանատու իրենց ծառայությունն իրականացնող ոստիկաններին: Հարգելիներս, մասնագիտական տոնի կապակցությամբ կրկին շնորհավորում եմ Ձեզ: Մաղթում եմ Ձեր ընտանիքներին անձնական և ընտանեկան երջանկություն, իսկ ծառայության մեջ պետական պարգևի արժանի հաջողություններ՝ ի շահ Հայաստանի Հանրապետության և ի բարօրություն Հայաստանի Հանրապետության ժողովրդի:
<<Դպրոցական սնունդ>> ծրագրի միջգերատեսչական հանձնաժողովի նիստ Վայոց ձորում: 16.04.2014
ՄԱԿ-ի Պարենի համաշխարհային ծրագրի և ՌԴ ճյուղային սննդի ինստիտուտի հետ համատեղ ս/թ ապրիլի 15-ին ՀՀ Վայոց ձորի մարզպետարանում անցկացվեց > ծրագրի միջգերատեսչական հանձնաժողովի նիստը, որի մասնակիցներին ողջունեց ՀՀ Վայոց ձորի մարզպետ Էդգար Ղազարյանը: Մարզպետը խոսեց ծրագրի կարևորության մասին և նծեց իր պատրաստակամությունը հնարավոր բոլոր միջոցներով ծրագրի աշխատանքներին աջակցելու վերաբերյալ: Հանձնաժողովի նիստին մասնակցում էին մարզպետի տեղակալ Մելս Հարությունյանը, մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը, > ծրագրում մարզից ընդգրկված կրթական հսատատությունների ղեկավարները: Իսկ ապրիլի 16-ին անցկացվեց > ծրագրի ռազմավարության կոնտեքստում>> սեմինար տարածքային կառավարման մարմինների և տեղական համայնքների դպրոցական սննդի պատասխանատու աշխատակիցների համար:
Հայաստանի Հանրապետությունում Ռուսաստանի Դաշնության արտակարգ և լիազոր դեսպան Իվան Վոլինկինի և նրա տիկնոջ հրավերով ՀՀ Վայոց ձորի մարզպետ Էդգար Ղազարյանը տիկնոջ հետ ս/թ ապրիլի 14-ին մասնակցել է ՀՀ-ում ՌԴ դեսպանատանը կազմակերպված > միջազգային 6-րդ փառատոնին նվիրված միջոցառմանը: Միջոցոռմանը ներկա են եղել Առաջին Տիկին Ռիտա Սարգսյանը, ՀՀ Շիրակի մարզպետ Ֆելիքս Ցոլակյանը և այլ պաշտոնատար անձիք: Նշենք, որ այս տարի մրցույթ-փառատոնը նվիրված է հայ երգահան Արմեն Տիգրանյանի 135, ռուս կոմպոզիտոր Սերգեյ Ռախմանինովի 140 և Արցախյան գոյամարտի 20-ամյակներին:
Հանդիսավոր նիստ ՀՀ ոստիկանության 96-րդ տարեդարձի կապակցությամբ 15.04.2014
ՀՀ ոստիկանության 96-րդ տարեդարձի կապակցությամբ Վայոց ձորի մարզում՝ Եղեգնաձորի մշակույթի կենտրոնի համերգային դահլիճում, տեղի ունեցավ հանդիսավոր նիստ: Օրհնության խոսքով հանես եկավ Վայոց Ձորի թեմի փոխառաջնորդ Տեր Զարեհ վարդապետ Կաբաղյանը, իսկ ողջույնի խոսքով հանդես եկան ՀՀ ոստիկանության Վայոց ձորի մարզային վարչության պետի տեղակալ, ոստիկանության գնդապետ Արտաշ Արտաշյանը, ՀՀ Վայոց ձորի մարզպետ Էդգար Ղազարյանը, ՀՀ պաշտպանության նախարարության 4-րդ բանակային կորպուսի հրամանատար, գեներալ-մայոր Անդրանիկ Մակարյանը: ՀՀ Վայոց ձորի մարզպետ Էդգար Ղազարյանը մասնագիտական տոնի առթիվ հուշանվեր հանձնեց ՀՀ ոստիկանության Վայոց ձորի մարզային վարչության պետ, ոստիկանության գնդապետ Լևոն Յազիչյանին, իսկ պատվոգրերով և հուշանվերներով պարգևատրեց մարզի ոստիկանության համակարգի մի շարք աշխատակիցների: Պարգևատրումներ եղան գեներալ-մայոր Անդրանիկ Մակարյանի, ՀՀ ոստիկանության Վայոց ձորի մարզային վարչության պետ, ոստիկանության գնդապետ Լևոն Յազիչյանի կողմից: Մարզի Ջերմուկ, Վայք և Եղեգնաձոր քաղաքների ոստիկանության բաժինների մի շարք աշխատակիցների պարգևատրեցին Վայքի քաղաքապետ Հարություն Սարգսյանը, Ջերմուկի քաղաքապետ Վարդան Հովհաննիսյանը, Եղեգնաձորի փոխքաղաքապետ Վարդան Ավագյանը:
