Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ավարտվել է դպրոցականների առարկայական օլիմպիադայի մարզային փուլը 14.03.2014
ՀՀ Վայոց ձորի մարզպետարանի աշխատակազմի կրթության, մշակույթի և սպորտի վարչությունը տեղեկացնում է, որ ավարտվել է դպրոցականների առարկայական օլիմպիադայի մարզային փուլը: Մարզային փուլին մասնակցել են 38 դպրոցների 9-ից 12-րդ դասարանների 796 աշակերտներ, որոնք իրենց գիտելիքները չափել են հանրակրթական 16 առարկաներից: Նրանցից 58-ը մարզային փուլում գրավել են մրցանակային 1-ին տեղերը և օլիմպիադայի հանրապետական փուլին մասնակցելու իրավունք նվաճել: 103 աշակերտներ զբաղեցրել են մրցանակային 2-րդ և 3-րդ տեղերը: Մրցանակային տեղեր գրաված աշակերտները ՀՀ Վայոց ձորի մարզպետի կողմից կարժանանան դիպլոմների և հուշանվերների:
Տեղի կունենա ՀՀ Վայոց ձորի մարզխորհրդի 2014 թվականի թիվ 2 նիստը 14.03.2014
ՀՀ Վայոց ձորի մարզպետարանի նիստերի դահլիճում ս/թ մարտի 18-ին, ժամը` 11.00 -ին, ՀՀ գյուղատնտեսության նախարար Ս. Կարապետյանի մասնակցությամբ տեղի կունենա ՀՀ Վայոց ձորի մարզխորհրդի 2014 թվականի թիվ 2 նիստը, հետևյալ օրակարգով.
ՀՀ ոստիկանության պետ Վլադիմիր Գասպարյանի այցը ՀՀ Վայոց ձորի մարզ 13.03.2014
Մարտի 12-ին ՀՀ ոստիկանության պետ, գեներալ-լեյտենանտ Վլադիմիր Գասպարյանը մարզային այցերի ծրագրով Վայոց ձորի մարզում էր: Վլադիմիր Գասպարյանն այցի շրջանակում նախ աշխատանքային խորհրդակցություն անցկացրեց ոստիկանության մարզային վարչությունում, ապա Վայոց ձորի մարզպետարանի նիստերի դահլիճում հանդիպում ունեցավ մարզի ակտիվի հետ:
Ս/թ մարտի 12-ին Երևանի > հյուրանոցում տեղի ունեցավ > ՓԲԸ շնորհանդեսը, որի ընթացքում ներկայացվեց ընկերության 2013թ. տարեկան գործունեության արդյունքները: > կազմակերպության գլխավոր տնօրեն Պատրիկ Լորենը նշեց, որ ընկերությունը շարունակաբար ներկայացրել և ներկայացնելու է իր գործունեության հաշվետվությունները հանրությանը, պատրաստակամ լինելով ընդունել առաջարկներ և նկատառումներ իրենց շահառուներից և բոլոր շահագրգիռ կազմակերպություններից: Տնօրենը շնորհակալություն հայտնեց Հայաստանի իշխանության մարմիններին, մասնավորապես` մարզպետներին, համայնքների ղեկավարներին, ընկերության գործունեության ընդլայնման, ծառայությունների մատուցման և սպասարկման որակի բարելավման աշխատանքներում ցուցաբերած օգնության և աջակցության համար: Նա նշեց, որ առաջիկայում աշխատանքներ են տարվելու ոլորտում մատուցվող ծառայությունների առավել կատարելագործման ուղղությամբ: Հանդիսությանը ցուցադրվեց տեղեկատվական ֆիլմ ընկերության գործունեության մասին: Միջոցառմանը ներկա էր ՀՀ Վայոց ձորի մարզպետի խորհրդական Սերոբ Անտինյանը:
Ս/ թ մարտի 11-ին ՀՀ Վայոց ձորի մարզպետ Էդգար Ղազարյանի մոտ կայացավ խորհրդակցություն նվիրված Արտաբույնք, Շատին և Եղեգնաձոր համայնքների խմելու ջրի մատակարարման խնդիրներին: Խորհրդակցությանը մասնակցում էին մարզպետի տեղակալներ Սամվել Թարվերդյանը, Արամ Գրիգորյանը, մարզպետարանի աշխատակազմի քաղաքաշինության վարչության պետ Ազատ Հովսեփյանը, ՏԻ և ՀԳՄ վարչության պետ Նորիկ Սիմոնյանը, Արտաբույնք համայնքի ղեկավար Սամվել Սեդրակյանը, Շատին համայնքի ղեկավար Մամիկոն Սմբատյանը, > ՊՓԲԸ-ի հարավային մասնաճյուղի տնօրեն Ջիվան Մարգարյանը և մասնաճյուղի այլ աշխատակիցներ: Քննարկվեցին նշված համայնքների ջրամատակարարման կայունության և որակի հետ կապված խնդիրները: Պայմանավորվածություն ձեռք բերվեց Արտաբույնք, Շատին և Եղեգնաձոր համայնքների խմելու ջրի մատակարարման կայուն գրաֆիկ սահմանելու և մատակարարվող ջրի որակի բարելավման ուղղությամբ տարվող աշխատանքների վերաբերյալ:
Հանդիպում առողջապահական մարզային կազմակերպությունների ղեկավարների հետ 11.03.2014
Ս/ թ մարտի 11-ին ՀՀ Վայոց ձորի մարզպետ Էդգար Ղազարյանի մոտ կայացավ խորհրդակցություն, նվիրված մարզային ենթակայության առողջապահական կազմակերպությունների խնդիրներին: Խորհրդակցությանը մասնակցում էին մարզպետի տեղակալներ Սամվել Թարվերդյանը, Մելս Հարությունյանը, մարզպետարանի աշխատակազմի առողջապահության և սոցիալական ապահովության վարչության պետ Խաչիկ Գևորգյանը, նույն վարչության պետի տեղակալ Սամվել Շահբազյանը և մարզային ենթակայության առողջապահական կազմակերպությունների ղեկավարները: Քննարկվեցին մարզի բնակչությանն անվճար բուժ-սպասարկմանը, բժշկական որակյալ բուժ-ծառայությունների մատուցմանը, առողջապահական կազմակերպությունների աշխատանքային հարաբերություններին վերաբերող հարցեր: Պայմանավորվածություն ձեռք բերվեց մարզի առողջապահական խնդիրներին նվիրված ամենամսյա խորհրդակցությունների անցկացման վերաբերյալ:
