Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Պարզաբանում <<Եղեգնաձորի քաղաքային հիվանդանոցը ողբալի վիճակում է>> հոդվածի վերաբերյալ 17.06.2014
Խիստ ուշադրությամբ ուսումնասիրելով ֆեյսբուքում Ա. Գևորգյանի կողմից կատարված գրառման մեջ արծածված հարցերը, հայտնում եմ Ձեզ, որ 15.06.2014թ. ժամը 18:20-ին Եղեգնաձորի Բժշկական Կենտրոնի շտապ օգնության ծառայությունում կանչ է ստացվել ք. Երևան տանող ավտոճանապարհին, Ելփին գյուղի մոտ, բենզալցակայանի հարևանությամբ ավտովթարի հետևանքով տուժածների առկայության մասին: Եղեգնաձորի ԲԿ-ի շտապ օգնության բրիգադը անմիջապես մեկնել է դեպքի վայր, տուժածներին տեղում ցուցաբերել անհրաժեշտ բուժօգնություն, ապա Երևան քաղաքի բնակիչներ Գ. Կարապետյանին, Ն. և Մ. Գևորգյաններին տեղափոխել Եղենաձորի Բժշկական Կենտրոն: Բժշկական Կենտրոնի վիրաբուժական բաժանմունքում նրանց ցույց է տրվել մասնագիտացված բժշկական օգնություն բժիշկ վիրաբույժի կողմից, մասնավորապես` Ն. Գևորգյանի մոտ անրակի առանց տեղաշարժի փակ կոտրվածքի կապակցությամբ դրվել է ութաձև կապ ու առաջարկվել հետագա բուժումը և հսկողությունը շարունակել այլ բուժ հիմանրկում` ըստ բնակության վայրի: Ա. Գևորգյանի գրառման մեջ նշված տվյալները չեն համապատասխանում իրականությանը, նրա դժգոհությունը Եղեգնաձորի Բժշկական Կենտրոնից անհիմն է, քանի որ տուժածներից որևէ մեկին ռենտգենյան հետազոտություն կատարելու կամ փայտացման կանխարգելման համար համապատասխան ներարկումների անհրաժեշտություն չի եղել: Հայտնում եմ նաև, որ Եղեգնաձորի Բժշկական Կենտրոնը ունի անհրաժեշտ քանակությամբ հակափայտացման անատոքսին, իսկ ռենտգենանկարահանող սարքավորումը չնայած հնամաշ է ու հաճախակի վերանորոգման կարիք է ունենում, ներկա դրությամբ անխափան գործում է : Ընդ որում, նշված վերջին 6 ամսվա ընթացում բուժ կենտրոնում կատարվել է թվով 987 ռենտգենոգրաֆիկ և ֆլյուրոգրաֆիկ հետազոտություն; Իրոք առողջապահական համակարգում դեռևս կան թերություններ՝ հատկապես մարզային բուժհաստատություններում, որտեղ հնարավոր չէ լիարժեք բավարարել քաղաքացու պահանջը: Ուստի յուրաքանչյուր չվիրավորող քննադատություն ընդունելի է, որը ևս մեկ անգամ կզգոնացնի թե սոցիալական , թե առողջապահական բնագավառի անձնակազմին: Եղեգնաձորի Բժշկական կենտրոն
2014թ. ամառային զորակոչի առաջին նորակոչիկները մեկնեցին զինվորական ծառայության 16.06.2014
2014 թվականի հունիսի 15-ին տոնական տրամադրություն էր տիրում Եղեգնաձորի և Վայքի զինվորական կոմիսարիատներում.տոնական մթնոլորտում և հանդիսավորությամբ զինվորական ծառայության էին մեկնում 2014 թվականի ամառային զորակոչի առաջին նորակոչիկները: Տոնական միջոցառումներին մասնակցում էին նաև ՀՀ Վայոց ձորի մարզպետ, Վայոց ձորի մարզային զորակոչային հանձնաժողովի նախագահ Էդգար Ղազարյանը, մարզպետի տեղակալներ Սամվել Թարվերդյանն ու Մելսիկ Հարությունյանը, համայնքների ղեկավարներ, զինվորականներ, ծնողներ, տասնյակ քաղաքացիներ: Նորակոչիկներին ուղղված իր ելույթում Էդգար Ղազարյանը մաղթեց նրանց խաղաղ ծառայություն և բարի վերադարձ՝ հորդորելով լինել կարգապահ, քաջ և խիզախ զինվորներ՝ դառնալով արժանի հետնորդը Հայրենական մեծ պատերազմում և Արցախյան գոյամարտում սխրանքներ գործած մեր քաջորդիների: Նորակոչիկներին իրենց շնորհավորանքի և բարի ծառայության մաղթանքի խոսքերն էին հղում նաև հոգևորականները, համայնքների ղեկավարները, ծնողները, վետերանները, զինվորական կոմիսարները:
Ջերմուկում մեկնարկեց Կարեն Ասրյանի անվան շախմատի միջազգային հուշամրցաշարը 16.06.2014
Ջերմուկի “ՋԵՐՄՈՒԿ ԱՇԽԱՐՀ” առողջարանում մեկնարկեց Կարեն Ասրյանի անվան շախմատի միջազգային հուշամրցաշարը: Ավանդական հուշամրցաշարը կազմակերպվել է Հայաստանի շախմատի ֆեդերացիայի կողմից: Մրցաշարի բացման հանդիսավոր արարողությանը մասնակցում էին Հայաստանի շախմատի ֆեդերացիայի գործադիր տնօրեն Հրաչիկ Թավադյանը, ՀՀ Վայոց ձորի մարզպետ, Վայոց ձորի շախմատի ֆեդերացիայի նախագահ Էդգար Ղազարյանը, Վայքի քաղաքապետ, Վայոց ձորի շախմատի ֆեդերացիայի փոխնախագահ Հարություն Սարգսյանը, “ՋԵՐՄՈՒԿ ԱՇԽԱՐՀ” առողջարանի տնօրեն, Վայոց ձորի շախմատի ֆեդերացիայի փոխնախագահ Կարեն Ավագյանը: Նախքան մրցաշարի մեկնարկը մասնակիցները մեկ րոպե լռությամբ հարգեցին Վայոց ձորի շախմատի ֆեդերացիայի վաղամեռիկ նախագահ Ստեփան Ավագյանի հիշատակը, ինչպես նաեւ դիտեցին գրոստմայստեր Կարեն Ասրյանին նվիրված տեսաֆիլմ: Ջերմուկում ընթացքող միջազգային այդ հեղինակավոր մրցաշարին մասնակցում են 67 ներկայացուցիչներ Հայաստանից, Ռուսաստանից, Վրաստանից, Բելառուսից, Իրանից եւ Ուզբեկստանից: Մրցաշարը կշարունակվի մինչեւ 2014 թվականի հունիսի 24-ը:
ՀԱՆԴԻՊՈՒՄ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՀԵՏ 16.06.2014
2014 թվականի հունիսի 16-ին Մայր Աթոռ Սուրբ Էջմիածնում աշխատանքային հանդիպում է տեղ ունեցել Ամենայն Հայոց Կաթողիկոս Ն.Ս.Օ.Տ.Տ. Գարեգին երկրորդի և ՀՀ Վայոց ձորի մարզպետ Էդգար Ղազարյանի միջև՝ վերջինիս խնդրանքով: Հանդիպման ընթացքում քննարկվել են ՀՀ Վայոց ձորի մարզի տարածքում գտնվող եկեղեցիների, վանքերի, եկեղեցապատկան այլ շինությունների վերանորգման և շահագործման, որոշ տարածնքներում նախատեսվող ծրագրերի, հոգևոր կյանքի կազմակերպմանն առնչվող հարցեր:
ՀԱՅԱՍՏԱՆՅԱՆ ՊԱՏՎԻՐԱԿՈՒԹՅՈՒՆԸ ՄԱՍՆԱԿՑԵՑ ՄԻՆԻ-ՖՈՒՏԲՈԼԻ ՄՐՑԱՇԱՐԻՆ 14.06.2014
Ս.թ. հունիսի 11-ին ՀՀ Վայոց ձորի մարզպետի գլխավորած պատվիրակությունը Արխանգելսկ կատարած պաշտոնական այցի շրջանակներում մինի-ֆուտբոլի ընկերական հանդիպում ունեցավ Արխանգելսկի կառավարության թիմի հետ: Հայաստանյան թիմը ներկայացնում էին մարզպետ Է.Ղազարյանը, մարզպետի խորհրդական Ս.Անտինյանը, ինչպես նաև տեղի հայ համայնքի ներկայացուցիչներ, ֆուտբոլի երկրպագուներ: ՀՀ Վայոց ձորի մարզպետ, թիմի ավագ Է.Ղազարյանը ողջունելով ներկաներին` նշեց, որ այս ընկերական հանդիպումը շատ կարևոր և հետաքրքիր իրադարձություն է, և կարևորը այն չէ, թե` ով կհաղթի: Սա շատ լավ քայլ է Հայաստանի և Ռուսաստանի բարեկամության համար, նշեց մարզպետը: Հանդիպման առաջին իսկ րոպեներից մարզադաշտում տիրում էր սպորտային առողջ պայքար և մրցակցություն: Ընկերական հանդիպումը ավարտվեց 1:2 հաշվով, հօգուտ հայաստանյան թիմի: Հաղթական գոլը մեր հավաքականին պարգևեց մարզպետ Է.Ղազարյանը: Վերջում մրցակից թիմերը ընդունված արարողության համաձայն խորհրդանշական նվերներ փոխանակեցին: Ֆուտբոլային ընկերական հանդիպմամբ մեկնարկեց Արխանգելսկի «Տրուդ» («Աշխատանք») մարզադաշտում անցկացվելիք «Համաձայնություն» ազգամիջյան ֆուտբոլային մրցաշարը: Մրցաշարին մասնակցեց ութ թիմ` Ռուսաստանի, Հայաստանի, Տաջիկստանի, Վրաստանի, Ուզբեկստանի, Ադրբեջանի, Հնդկաստանի և Նիգերիայի ազգային հավաքականները: Մրցանակային երեք տեղերը նվաճեցին Ռուսաստանի, Հայաստանի և Նիգերիայի հավաքականները: Հաղթողներին շնորհավորեց Արխանգելսկի սպորտի և երիտասարդության հարցերի նախարարը:
ՀԱՆԴԻՊՈՒՄ ՌԴ ՀՅՈՒՍԻՍԱՅԻՆ ԴԱՇՆԱՅԻՆ ՀԱՄԱԼՍԱՐԱՆՈՒՄ 14.06.2014
Ս.թ. հունիսի 11-ին ՀՀ Վայոց ձորի մարզպետի գլխավորած պատվիրակությունը Արխանգելսկ կատարած պաշտոնական այցի շրջանակներում հանդիպում ունեցավ Հյուսիսային (Արկտիկական) դաշնային համալսարանի արտաքին հարաբերությունների հարցերով ղեկավարության հետ, բուհի միջազգային համագործակցության հարցերով պրոռեկտոր Մարինա Կալինինայի գլխավորությամբ: Հայաստանյան կողմից ներկա էին մարզպետ Է.Ղազարյանը և մարզպետի խորհրդական Ս.Անտինյանը: Վավերագրական տեսանյութի, ապա` պրեզենտացիոն նյութերի ցուցադրմամբ ներկայացվեց Ռուսաստանի խոշորագույն դաշնային բուհերից մեկի կառուցվածքը, գիտակրթական ծրագրերը, հետազոտական ուղղությունները, նրա կազմում եղած ինստիտուտները և այլն: Պրոռեկտոր Կալինինան նշեց, որ բուհը պատրաստ է լայն գործընկերային հարաբերություններ հաստատել Վայոց ձորի մարզի հետ: Որպես համագործակցության հետագա զարգացման ուղղություններ, առաջարկվեց ՀԱԴՀ-ի բազայի վրա Վայոց ձորի կարիքների համար բարձրորակ կադրերի պատրաստման, դիմորդների համար մասնագիտական կողմնորոշման միջոցառումների անցկացման, համատեղ գիտակրթական ծրագրերի իրագործման, ինչպես նաև ռուսաց լեզվի աջակցմանն ու տարածմանն ուղղված համատեղ գործունեության իրականացումը: Մարզպետ Է.Ղազարյանը բարձր գնահատեց բուհի ներուժն ու հնարավորությունները: Շնորհակալություն հայտնելով գիտակրթական հաստատության մասին համալիր ու ամբողջական տեղեկատվության տրամադրման համար, մարզպետը շնորհավորեց համալսարանի քառամյա տարեդարձը, նշելով, որ կրթությունը մեր երկու մարզերի միջև համագործակցության կարևագույն բաղադրիչներից է, որն ամրագրված է երկուստեք ստորագրված և գործող Համագործակցության համաձայնագրում: Քննարկման ընթացքում հատուկ հետաքրքրություն ներկայացրեցին զանազան թեմատիկայով համատեղ ամառային դպրոցների անցկացման, միջազգային գիտաժողովներին Հայաստանի և ՀԱԴՀ պրոֆեսորադասախոսական անձնակազմի մասնակցության, համատեղ ծրագրերի իրագործման բնագավառներում համագործակցության հնարավորությունը: Հանդիպման արդյունքներով մարզպետը հրավիրեց ՀԱԴՀ ղեկավարությանը պատասխան այցով այցելել Վայոց ձոր: Պաշտոնական հանդիպմանը հաջորդեց էքսկուրսիան «Հյուսիսի կենսառեսուրսների վերամշակման ժամանակակից տեխնոլոգիաների» նորարարական կենտրոն: Հայաստանյան պատվիրակության անդամները ծանոթացան թղթի պատրաստման և վերամշակման ժամանակակից լաբորատորիաների աշխատանքներին:
