Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վախճանվել է ՀՀ Վայոց ձորի նախկին մարզպետ Վաղինակ Գետեոնի Մաթևոսյանը 03.03.2014
72 տարեկան հասակում կյանքից հեռացավ ՀՀ Վայոց ձորի նախկին մարզպետ Վաղինակ Գետեոնի Մաթևոսյանը: Վաղինակ Գետեոնի Մաթևոսյանը որպես Վայոց ձորի մարզպետ պաշտոնավարել է 2001թվականի նոյեմբեր ամսից մինչև 2003 թվականի հունիս ամիս: Հայկական գյուղատնտեսական ինստիտուտն ավարտելուց հետո Վաղինակ Մաթևոսյանը նշանակվում է Աղավնաձորի պետական տնտեսությունում որպես ինժեներ, ապա՝ տնօրեն: Նա մեծ ներդրում է ունեցել Աղավնաձորի սոցիալ-տնտեսական զարգացման գործում: Նրա ղեկավարած տնտեսությունը ՀՍՍՀ առաջավոր տնտեսություններից է եղել: Այդ տարիներին Աղավնաձորում կառուցվել են մշակութային և մարզական հաստատություններ: Նրա նախաձեռնությամբ նախորդ դարի 80-ական թվականներին Աղավնաձորում բացվել են Եղեգնաձորի երաժշտական և նկարչական դպրոցների մասնաճյուղերը, գյուղում գործել է նաև լողավազան և մարզադաշտ: Վաղինակ Գետեոնի Մաթևոսյանն արժանացել է կառավարական պարգևների՝1981 թ. > շքանշանի, 1986թ. >-ի շքանշանի: ՀՀ Վայոց ձորի մարզպետ Էդգար Ղազարյանը ցավակցում է Վաղինակ Մաթևոսյանի ընտանիքին, ընկերներին, բարեկամներին և մարզի հանրությանը` բոլորիս համար ցավալի կորստի կապակցությամբ:
Ջերմուկի դեսպանների ակումբի հանդիպումը 03.03.2014
Ջերմուկում մարտի 2-ին՝ Հայաստանի Հանրապետության դիվանագետի օրը, ԱԳ նախարար Էդվարդ Նալբանդյանի ներկայությամբ տեղի ունեցավ Ջերմուկի դեսպանների ակումբի հանդիպումը։ Դեսպանների ակումբը հիմնադրվել է անցյալ տարի Հայաստանի արտաքին քաղաքական գերատեսչության ղեկավարի նախաձեռնությամբ։ Ակումբի նախագահն է ի պաշտոնե Հայաստանում հավատարմագրված դիվանագիտական կորպուսի դուայեն (ավագ) Ղազախստանի դեսպան Այիմդոս Բոզժիգիտովը։ Ավանդույթի համաձայն` ակումբի ամենամյա հանդիպումները հյուրընկալվում են Վայոց ձորի մարզպետ Էդգար Ղազարյանի և Ջերմուկի քաղաքապետ Վարդան Հովհաննիսյանի կողմից։ Հանդիպմանը մասնակցում էին ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը, ՀՀ արտգործնախարարի տեղակալները, Հայաստանում հավատարմագրված դեսպանները։
Հանդիպում Ռուսաստանի դեսպանի հետ 01.03.2014
ՀՀ Վայոց ձորի մարզպետ Էդգար Ղազարյանը 2014 թվականի փետրվարի 28-ին Ջերմուկ քաղաքում աշխատանքային հանդիպում ունեցավ Հայսատանի Հանրապետությունում Ռուսաստանի Դաշնության արտակարգ և լիազոր դեսպան Նորին Գերազանցություն Իվան Վոլինկինի հետ: Հանդիպման ընթացքում քննարկվեցին ՀՀ Վայց ձորի մարզի և ՌԴ Արխանգելսկի և Նիժեգորոդի մարզերի միջև միջտարածաշրջանային համագործակցության, ՌԴ կառավարության աջակցությամբ Պարենի համաշխարհային կազմակերպության միջոցով ՀՀ Վայոց ձորի մարզի հանրակրթական դպրոցներում իրականացվող > ծրագրի ընթացիքն, ՀՀ Վայոց ձորի մարզում ռուսական կապիտալի մասնակցությամբ իրականացվող ներդրումային ծրագրերին վերաբերող հարցերի լայն շրջանակ: Քննարկվեցին նաև հիշյալ ուղղություններով, ինչպես նաև զբոսաշրջության, գյուղատնտեսության բնագավառում համագործակցության հնարավորություններն ու հեռանկարները: ՀՀ Վայոց ձորի մարզպետի կողմից ՌԴ դեսպանին ներկայացվեցին ՀՀ Վայոց ձորի մարզի սոցիալ-տնտեսական իրավիճակի ընդհանուր բնութագիրը և զարգացման ծրագրերը:Առանձին անդրադարձ եղավ Ջերմուկ քաղաքի, որպես զբոսաշրջության կենտրոնի, զարգացման խնդիրներին ու ներդրումային ծրագրերին:
Գոմք համայնքի ղեկավարը հանդես եկավ 2013 թվականի գործունեության հաշվետվությամբ 28.02.2014
Ս/թ փետրվարի 28-ին, ժամը` 12:00-ին, ՀՀ Վայոց ձորի մարզպետի տեղակալ Մելս Հարությունյանի մասնակցությամբ Գոմքի համայնքապետարանում համայքի ղեկավար Մխիթար Հովհաննիսյանը հանդես եկավ 2013 թվականի գործունեության վերաբերյալ հաշվետվությամբ: Համայնքի ղեկավարը ներկայացրեց 2013 թվականին համայնքում իրականացրած ծրագրերն ու կատարած աշխատանքները: Նիստին մասնակցում էին մարզպետարանի աշխատակազմի ՏԻ և ՀԳՄ վարչության պետ Նորիկ Սիմոնյանը, համայնքի ղեկավարի աշխատակազմը, համայնքի ավագանու անդամներ, հասարակական կազմակերպությունների անդամներ, համայնքի ակտիվ բնակիչներ:
Գետափ համայնքի ղեկավարը հանդես եկավ 2013 թվականի գործունեության հաշվետվությամբ 28.02.2014
Ս/թ փետրվարի 28-ին, ժամը` 16:00-ին, ՀՀ Վայոց ձորի մարզպետի տեղակալ Սամվել Թարվերդյանի մասնակցությամբ Գետափի համայնքապետարանում համայքի ղեկավար Գագիկ Ալոյանը հանդես եկավ 2013 թվականի գործունեության վերաբերյալ հաշվետվությամբ: Մարզպետի տեղակալի ողջույնից հետո Գագիկ Ալոյանը ներկայացրեց համայնքային բյուջեին 2013 թվականին ամրագրված սեփական եկամուտների հավաքագրման արդյունքները և 2013 թվականին համայնքում իրականացրած ծրագրերն ու կատարած աշխատանքները: Նշենք, որ հաշվետվությանը ներկա էին ԱՄՆ ՄԶԳ Քաունթերփարթ ինթերնեշնլի հայաստանյան ներկայացուցչության աշխատակիցներ: Քաունթերփարթ ինթերնեշնլի հայաստանյան ներկայացուցչության օժանդակությամբ Գետափ համայնքում իրականացվել է 10 մլն դրամի աշխատանքներ՝ վերանորոգվել է համայնքային կենտրոնը և գյուղի 19-րդ փողոցի 500 մետր երկարությամբ հատվածում կառուցվել է գիշերային լուսավորության ապահովման էլեկտրագիծ: Կազմակերպությունը հաշվետու տարում համայնքային գրադարանին է նվիրել նաև համակարգիչ, գրադարակներ և գրքեր:
Ընդունելություն Քուվեյթի Ազգային օրվա առիթով 27.02.2014
Քուվեյթի Պետության Ազգային օրվա 53-րդ և Ազատության օրվա 23-րդ տարեդարձերի առիթով Հայաստանի Հանրապետությունում Քուվեյթի Պետության արտակարգ և լիազոր դեսպան Նորին Գերազանցություն Բասսամ Մ.Ալքաբանդի հրավերով 2014 թվականի փետրվարի 26-ին ՀՀ Վայոց ձորի մարզպետ Էդգար Ղազարյանը Երևանի Armenia Marriott հյուրանոցում մասնակցել է ընդունելության:
