Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԱՎԱՐՏՎԵՑ ԼԱՎԱԳՈՒՅՆ ՄԱՐԶԱԿԱՆ ԸՆՏԱՆԻՔ ՄՐՑՈՒՅԹԻ ՄԱՐԶԱՅԻՆ ՓՈՒԼԸ 01.07.2014
2014 թվականի հուլիսի 1-ին Եղեգնաձորի մարզադաշտում ավարտվեց ՀՀ Նախագահի մրցանակի համար Լավագույն մարզական ընտանիքի մրցույթի Վայոց ձորի մարզային փուլը, որին մասնակցում էր նաև ՀՀ Վայոց ձորի մարզպետ Էդգար Ղազարյանի ընտանիքը: Ղազարյանների ընտանիքը 2006-2008 թվականներին ծնված երեխաների տարիքային խմբում երրորդ տեղն էր զբաղեցրել Ջերմուկում կազմակերպված տարածաշրջանային փուլում և իրավունք էր ստացել մասնակցել մարզային փուլին: Մրցույթի ընթացքում ՀՀ սպորտի և երիտասարդության հարցերի նախարարության ներկայայցուցիչների կողմից պարգևատրվեցին մրցույթի տարածաշրջանային փուլի հաղթողները, որոնց էլ հանձնվեցին պատվոգրեր և դրամական պարգևներ: Մարզային փուլի մրցանակային տեղերը զբաղեցրած ընտանիքներն իրավունք ստացան մասնակցելու 2014 թվականի հուլիսին Ծաղկաձորում կազմակերպվելիք հանրապետական փուլին: Ղազարյանների ընտանիքը համապատասխան տարիքային խմբում զբաղեցրեց 4-րդ մրցանակային տեղը:
ՀՀ Վայոց ձորի մարզպետ Էդգար Ղազարյանի նախաձեռնությամբ ս/թ. հուլիսի 3-ին, ժամը՝ 15-ին, Հայաստանի պետական պատկերասրահի Վայոց ձորի մասնաճյուղում տեղի է ունենալու ՀՀ մշակույթի նախարարության ֆոնդերում գտնվող հայ նկարիչների լավագույն կտավների ցուցադրության հանդիսավոր բացման արարողությունը: Բացմանը մասնակցելու են մարզպետ Էդգար Ղազարյանը և մարզպետի տեղակալները, մարզպետարանի աշխատակազմի և համապատասխան ստորաբաժանումների ղեկավարները, Վայոց ձորի մշակութային հասարակայնության ներկայացուցիչներ: Բոլոր ցանկացողներին սիրով հրավիրում ենք մասնակցելու բացման հանդիսությանը: Հասցեն՝ ՀՀ Վայոց ձորի մարզ, ք. Եղեգնաձոր, Մոմիկի 1(մարզային մշակույթի տուն, 3-րդ հարկ): Նշենք, որ ցուցադրությունը կրում է > խորագիրը և կազմակերպվել է ՀՀ մշակույթի նախարարության > ՊՈԱԿ-ի և ՀԱՊ Եղեգնաձորի մասնաճյուղի կողմից:
ԸՆԴՈՒՆԵԼՈՒԹՅՈՒՆ ԲՈՒԺԱՇԽԱՏՈՂԻ ՕՐՎԱ ԿԱՊԱԿՑՈՒԹՅԱՄԲ 27.06.2014
2014 թվականի հունիսի 26-ին ՀՀ Վայոց ձորի մարզպետարանի դահլիճում ՀՀ Վայոց ձորի մարզպետ Էդգար Ղազարյանի, մարզպետի տեղակալ Մելսիկ Հարությունյանի և մարզպետարանի աշխատակազմի առողջապահության և սոցիալական ապահովության վարչության պետ Խաչիկ Գևորգյանի մասնակցությամբ տեղի ունեցավ ընդունելություն՝ բուժաշխատողի օրվա կապակցությամբ: Միջոցառմանը հրավիրված էին մարզի բոլոր առողջապահական հաստատությունների ղեկավարները, ինչպես նաև բազմաթիվ բժիշկներ և առողջապահության ոլորտի աշխատակիցներ: Իր ելույթում մարզպետն անդրադարձավ առողջապահության ոլորտի կարևորությանը, մարզի առողջապահական կազմակերպությունների առջև ծառացած խնդիրներին: Իրենց աշխատանքում հաջողությունների և բարեխիղճ աշխատանքի համար ՀՀ առողջապահության նախարարի և ՀՀ Վայոց ձորի մարզպետի կողմից մի շարք բուժաշխատողներ պարգևատրվեցին պատվոգրերով:
ՈՒՍՈՒՄՆԱՎԱՐԺՈՒԹՅՈՒՆ ԱՐՏԱԿԱՐԳ ԻՐԱՎԻՃԱԿՆԵՐԻ ԲՆԱԳԱՎԱՌՈՒՄ 27.06.2014
2014 թվականի հունիսի 26-ին ՀՀ Վայոց ձորի մարզի ողջ տարածքում անցկացվեց հրամանատարաշտաբային զանգվածային ուսումնավարժություն՝ խաղաղ պայմաններից պատերազմական պայմաններին անցնելու թեմայով: Հայտարարված տագնապով և ազդարարումով առավոտյան ՀՀ Վայոց ձորի մարզպետարանի դահլիճում ՀՀ Վայոց ձորի մարզպետ, քաղաքացիական պաշտպանության Վայոց ձորի մարզային շտաբի պետ Էդգար Ղազարյանի ղեկավարությամբ անցկացվեց հատուկ խորհրդակցություն, որին մասնակցում էին մարզպետարանի ղեկավար կազմը, քաղաքացիական պաշտպանության առանձին ծառայությունների ղեկավարները, համայնքների ղեկավարները, ՀՀ ԱԻՆ ներկայացուցիչներ: Մարզպետի կողմից հայտարարված պատրաստվածության “բարձր” ռեժիմի շրջանակներում տրվեցին կոնկրետ հանձնարարականներ, որոնց արդյունքների ամփոփումն իրականացվեց ՀՀ արտակարգ իրավիճակների նախարարության փրկարար ծառայության տնօրենի տեղակալ, գեներալ-մայոր Աստվածատուր Պետրոսյանի մասնակցությամբ, որից հետո մարզպետի կողմից հայտարարվեց պատրաստվածության առավաել բարձր ռեժիմ, տրվեցին հանձնարարականներ, որոնց արդյունքների մասին քաղաքացիական պաշտպանության ծառայությունների ղեկավարներն ավելի ուշ հանդես եկան առանձին զեկույցներով: ՀՀ Վայոց ձորի մարզպետ Էդգար Ղազարյանի կողմից ամփոփվեց կատարված աշխատանքը և հանձնարարվեց կարճ ժամկետում ներկայացնել ուսումնավարժանքի ընթացքում արձանագրված թերությունների վերացման կոնկրետ առաջարկություններ: Գեներալ-մայոր Աստվածատուր Պետրոսյանի ամփոփիչ խոսքում ուսումնավարժությունը գնահատվեց ավելի քան “լավ” և գոհունակություն հայտնվեց այն պատշաճ մակարդակով և պատասխանատու մասնակցությամբ կազմակերպելու համար:
ՋԵՐՄՈՒԿՈՒՄ ՄԵԿՆԱՐԿԵՑ ՇԱԽՄԱՏԻ ՍՏԵՓԱՆ ԱՎԱԳՅԱՆԻ ԱՆՎԱՆ ՄՐՑԱՇԱՐԸ 27.06.2014
2014 թվականի հունիսի 26-ին Ջերմուկի “ՋԵՐՄՈՒԿ ԱՇԽԱՐՀ” առողջարանի դահլիճում տեղի ունեցավ Հայաստանի շախմատի ակադեմիայի կողմից կազմակերպված շախմատի Վայոց ձորի մարզային ֆեդերացիայի երջանկահիշատակ նախագահ Ստեփան Ավագյանի անվան շախմատի միջազգային մանկապատանեկան հուշամրցաշարը: Ջերմուկում կազմակերպվող այդ հեղինակավոր միջազգային մրցաշարը կրում է ավանդական բնույթ, որին մասնակցում են 8-ից 18 տարեկան հարյուրավոր պատանիներ և աղջիկներ: Այս տարի Հայաստանի շախմատի ֆեդերացիան որոշել է այդ ավանդական մրցաշարն անվանակոչել Ստեփան Ավագյանի անունով: 2014 թվականի միջազգային հուշամրցաշարին մասնակցում են մոտ 320 երեխաներ Հայաստանից, Արցախից, Վրաստանից, Ռուսաստանից, Իրանից և Թուրքմենստանից: Մրցաշարի բացման արարողությանը մասնակցում էին ՀՀ Վայոց ձորի մարզպետ, շախմատի Վայոց ձորի մարզային ֆեդերացիայի նախագահ Էդգար Ղազարյանը, Հայաստանի շախմատի ֆեդերացիայի նախագահի առաջին տեղակալ Սմբատ Լպուտյանը, Հայաստանի շախմատի ֆեդերացիայի գործադիր տնօրեն Հրաչիկ Թավադյանը, Ստեփան Ավագյանի ընտանիքի անդամներ, ընկերներ, բազմաթիվ ջերմուկցիներ, հյուրեր, մրցաշարի մասնակիցները և նրանց ծնողները: Առաջնության գլխավոր հովանավորն է “ԳԵՈԹԻՄ” ընկերությունը:
ԱՇԽԱՏԱՆՔԱՅԻՆ ԱՅՑԵԼՈՒԹՅՈՒՆ ԱԶԱՏԵԿ ՀԱՄԱՅՆՔ 26.06.2014
2014 թվականի հունիսի 25-ին ՀՀ Վայոց ձորի մարզպետ Էդգար Ղազարյանը մարզպետի տեղակալ Սամվել Թարվերդյանի, Վայքի ջրօգտագործողների միության տնօրեն Արագած Սաղաթելյանի ուղեկցությամբ աշխատանքային այցելություն կատարեց Ազատեկ համայնք: Ազատեկի գյուղապետարանում մարզպետը հանդիպում ունեցավ համայնքի ղեկավար Սիրակ Հովսեփյանի, համայնքի ավագանու անդամների և բազմաթիվ բնակիչների հետ: Հանդիպման ընթացքում համայնքի բնակիչներին տեղեկություններ տրամադրվեցին վերջին օրերի ընթացքում մամուլում մեծ արձագանք ստացած և համայնքի բնակիչներին հուզող ոռոգման չօգտագործվող խողովակների ապամոնտաժման, այդ գործընթացի օրինականության, ինչպես նաև հետագա նպատակային օգտագործման վերաբերյալ: Առանձին անդրադարձ կատարվեց նաև համայնքի բնակիչներին հուզող ոռոգման համակարգին առնչվող խնդիրներին: Քննարկվեցի խնդիրների առաջացման պատճառները և լուծման հնարավորությունները, որոշ դեպքերի հետ կապված բնակիչներին տրվեցին առանձին պարզաբանումներ: Հանդիպումից հետո մարզպետը պատասխանատուների հետ այցելեց Կեչուտ-Ազատեկ ինքնահոս ջրատարի ջրբաժան կետ՝ տեղում իրավիճակին ծանոթանալու նպատակով: Պայմանավորվածություն ձեռք բերվեց կազմակերպել ՋՕԸ-ի ղեկավարության, համայնքի ղեկավարի և ՀՀ տարածքային կառավարման նախարարության ջրային տնտեսության պետական կոմիտեի մասնագետների հետ ևս մեկ անգամ մասնագիտորեն քննարկել խնդիրը, անհրաժեշտության դեպքում տեղում իրականանցնել լրացուցիչ ուսումնասիրություններ և ներկայացնել խնդրի լուծման կոնկրետ առաջարկություններ:
