Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Գործակարգավարական հերթական խորհրդակցություն ՀՀ Վայոց ձորի մարզպետի մոտ 10.05.2016
Ս/թ մայիսի 10-ին ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը: Խորհրդակցությանը մասնակցում էին մարզպետի տեղակալները, մարզպետի խորհրդականը, մարզպետարանի աշխատակազմի ղեկավարը և ստորաբաժանումների պետերը: Նախորդ շաբաթվա ընթացքում կատարած և ընթացիկ շաբաթվա ընթացքում կատարվելիք աշխատանքները ներկայացրին մարզպետարանի աշխատակազմի ստորաբաժանումների ղեկավարները ստորաբաժանումները: Քաղաքաշինության վարչության պետ Ազատ Հովսեփյանը տեղեկացրեց, որ դպրոցական շենքների սեյսմիկ անվտանգության ապահովման միջոցառումների շրջանակում շուրջ 45 դպրոցական շենքների սեյսմիկ իրավիճակի մասին տվյալներն արդեն ամբողջացվել և փոխանցվել են համապատասխան կառույցներին: Կրթության, մշակույթի և սպորտի վարչության պետ Արփիար Ղազարյանը նշեց, որ աշխատանքներ են տարվում ՀՀ Նախագահի մրցանակի համար նախադպրոցական հաստատությունների մրցույթի մարզային փուլի կազմակերպման և մարզում միասնական քննության անցկացման ուղղությամբ: Մարզպետը հանձնարարեց զարգացման ծրագրերի և վերլուծության բաժնի պետ Արամ Կոստանյանին՝ ներկայացնել մարզի ՓՄՁ ոլորտում 2015 թվականին իրականացված և 2016 թվականին իրականացվող և սպասվելիք ծրագրերը: Իսկ Կրթության, մշակույթի և սպորտի վարչության պետին՝ զբաղվել ապրիլյան քառօրյա պատերազմի հետևանքով Մարտակերտից Մարտիրոսի միջնակարգ դպրոց տեղափոխված աշակերտի կրթության կազմակերպման հետ կապված փաստաթղթային որոշ խնդիրների լուծմամբ: Գյուղատնտեսության և բնապահպանության վարչության պետ Մարատ Ներսիսյանն ու Հողաշինության և հողoգտագործման բաժին-մարզային հողային պետական տեսչության պետ Մեսրոպ Մեսրոպյանը հանձնարարություն ստացան ՝ աշխատանքներ տանել Արարատյան դաշտավայրից մարզի համայնքների արոտավայրեր տեղափոխված ոչխարի հոտերի տերերի հետ, ճշտել կենդանիների առողջական վիճակի մասին տեղեկատվության առկայությունն ու դրանց ճշմարտացիությունը, ինչպես նաև զբաղվել մարզի համայնքների ղեկավարների հետ, վարձավճարի պայմանագրեր կնքելու խնդիրներով: Խորհրդակցության ավարտին մարզպետ Հ. Սարգսյանը հանձնարարություններ տվեց մարզպետարանի աշխատակազմի ստորաբաժանումների ղեկավարներին, իրենց ղեկավարած ոլորտներում աշխատանքների իրականացման և խնդիրների լուծման ուղղությամբ:
Տեղի կունենա քաղաքացիների ընդունելություն 10.05.2016
Սահմանված կարգի համաձայն` 2016 թվականի մայիսի 13-ին` ժամը 14:00-ին, ՀՀ Վայոց ձորի մարզպետ Հարություն Սարգսյանի մոտ տեղի կունենա քաղաքացիների ընդունելություն: Հասցեն` ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5:
ՌԴ Նիժնի Նովգորոդ մարզի պատվիրակությունը ՀՀ Վայոց ձորի մարզում 09.05.2016
Նիժնի Նովգորոդ մարզի Դերժինսկ քաղաքի թիվ 68, 17 և 22 դպրոցների 8-րդ դասարանի 12 աշակետրներ մայիսի 5-ից երկօրյա այցով Վայոց ձորի մարզում էին: Այցը կազմակերպվել էր ՀՀ Վայոց ձորի և ՌԴ Նիժնի Նովգորոդ մարզերի միջև 2011 թվականին ստորագրված առևտրատնտեսական, գիտատեխնիկական և մշակութային բնագավառներում համագործակցության համաձայնագրի շրջանակներում: Այցի ընթացքում երեխաներին ուղեկցում էին Նիժնի Նովգորոդի մարզպետարանի կրթության վարչության պետը, երեք դպրոցնների տնօրենները և Նժնի Նովգորոդի հայկական համայնքի ղեկավարի տեղակալ Անի Մխիթարյանը: Հարկ է նշել, որ ռուսական պատվիրակության ուղևորությունը Հայաստանի Հանրապետություն իրականացվել է Նիժնի Նովգորոդի հայկական համայնքի ֆինանսական աջակցության շնորհիվ: Վայոց ձորի մարզ կատարած այցի ընթացքում երեխաներին ուղեկցում էին ՀՀ Վայոց ձորի մարզպետի խորհրդական Վասիլ Ասլանյանը, մարզպետարանի կրթության, մշակույթի և սպորտի վարչության պետ Արփիար Ղազարյանը և մարզպետի օգնական Սյուզան Մարգարյանը: Երեխաներն իրենց հանգիստն անցկացրին Ջերմուկ քաղաքում, այցելեցին Ջերմուկի հրաժագեղ տեսարժան վայրեր, եղան ,,Ջրահարսի վարսեր,, ջրվեժում, Ջերմուկի հայտի ընպելասրահում և ճոպանուղում: Երեխաների համար ընդունելություն կազմակերպվեց Ջերմուկի քաղաքապետարանում, որի ընթացքում քաղաքպետ Վարդան Հովհաննիսյանը ներկայացրեց Ջերմուկ քաղաքի ստեղծման, զարգացման ընթացքը, խոսեց հետագա ծրագրերի մասին: Երեխաներն իրենց հետաքրքրող բազմաբովանդակ հարցեր ուղեցին Վ. Հովհաննիսյանին: Հանդիպման ավարտին երկու կողմերը նվերներ փոխանակեցին:
Հարգանքի տուրք Հայրենական մեծ պատերազմում և Արցախյան ազատամարտում զոհված վայոցձորիցիների հիշատակին 09.05.2016
Այսօր Հաղթանակի և խաղաղության օրվա առիթով ՀՀ Վայոց ձորի մարզպետ Հարություն Սարգսյանի գլխավորությամբ և ՀՀ պաշտպանության նախարարության 4-րդ բանակային կորպուսի սպայական և զինվորական ներկայացուցիչների, մարզպետարանի պաշտոնատար անձանց, ՏԻ և ՀԳ տարածքային մարմինների ղեկավարների, կրթական, մշակութային և արդյունաբերական կազմակերպությունների ներկայացուցիչների և Եղեգնաձորի բնակիչների մասնակցությամբ տեղի ունեցավ պսակադրություն, Հայրենական մեծ պատերազմում զոհված եղեգնաձորցիների հիշատակը հավերժացնող հուշարձանին: Այնուհետև երթի մասնակիցներն ուղևորվեցին դեպի Արցախյան ազատարամարտում զոհվածների հիշատակը հավերժացնող հուշարձան՝ ծաղիկներ խոնարհելու Արցախում նահատակված և երկրի սահմաններում զոհված եղեգնաձորցի քաջորդիների հիշատակին: Երթն ավարտվեց Հայրենական մեծ պատերազմի հերոս Վահիկ Լևոնյանի հուշարձանին պսակադրությամբ: Հիշատակի երթը մեր ժողովրդի խաղաղ կեցությունն ապահովելու համար տրվող երդման յուրահատուկ մի դրսևորում էր, ուղղված խաղաղության համար զոհված մեր հայրերին և եղբայրներին:
Սիրելի՛ վայոցձորցիներ, Հայրենական մեծ պատերազմի և Արցախյան ազատամարտի վայոցձորցի թանկագի՛ն վետերաններ, Հայոց բանակի հարգարժա՛ն գեներալներ, սպաներ, զինվորներ: Սրտանց շնորհավորում եմ ձեզ Շուշիի ազատագրման օրվա և Մեծ հայրենականում տարած հաղթանակի առթիվ: 1992 թվականի մայիսի 8-ին ազատագրվեց Շուշին և այնուհետև մայիսի 9-ը մեր ժողովրդի համար ձեռք բերեց կրկնակի հաղթանակի խորհուրդ: Երկրորդ աշխարհամարտի տարիներին հայ ժողովուրդը, ԽՄ մյուս ժողովուրդների հետ համատեղելով ուժերը, ընդհանուր պայքարի արդյունքում հաղթեց ֆաշիզմի դեմ մղվող պատերազմը, տոնելով զրկանքների ու համառ պայքարի գնով ձեռք բերած Մեծ Հաղթանակը: Իսկ Արցախի ազատագրական պայքարում, անօրինականորեն Ադրբեջանին բռնակցված Արցախի ազատագրումը կայացավ Հայաստան-Արցախ- Սփյուռք եռամիասնության, երկրի սահմանները պահող մեր հայրերի ու եղբայրների, մեր քույրերի, անգամ ծերունազարդ պապիկների կյանքի գնով: Արցախի ազատամարտը իրավամբ դարձավ նոր սերնդի հերոսապտումի մերօրյա վկան: Սիրելի վայոցձորցիներ, որպես սահմանամերձ մարզի բնակիչներ, այսօր մենք առավել քան բարձր ենք գնահատում խաղաղության գինը, որը մեզանից խլեց հարյուրավոր մեր քաջ զավակներին, ովքեր իրենց կյանքը չխնայեցին թեկուզև փխրուն խաղաղության հաստատման համար: Համոզված եմ, որ նրանց նվաճած խաղաղությունը պահպանելու համար բոլորս ենք պատրաստ կանգնելու մեր հերոսացած բանակի կողքին՝ համալրելով Հայոց բանակի շարքերը, կրկնելու մեր նահատակված զավակների սխրանքը: Սակայն այսօր բոլորիս մաղթում եմ խաղաղ գործունեություն, ի շահ մեր հայրենիքի, ի բարօրություն մեր ժողովրդի: Սիրելիներս, թույլ տվեք բոլորիդ անունից բարի հիշողություն մաղթել Արցախի ազատագրական պայքարում և ապրիլյան քառօրյա կռվում զոհված մեր սիրելի զավակներին: Թող լույս իջնի նրանց սուրբ շիրիմներին: Թանկագին բարեկամներ, կրկին շնորհավորում եմ Շուշիի ազատագրման օրվա և Մեծ հայրենականում տարած հաղթանակի առթիվ, Հայոց բանակին մաղթելով քաջություն և հաղթանակներ կռելու կամք ու պատրաստակամություն: Շնորհավոր տոնդ, հա՛յ զինվոր, փառք ու պատիվ քեզ, Հայո՛ց հաղթանակած բանակ:
ՀՀ Վայոց ձորի մարզպետն այցելել է Աղնջաձոր և Սալլի համայնքներ 06.05.2016
Մայիսի 6-ին ՀՀ Վայոց ձորի մարզպետ Հարություն Սարգսյանը ՀՀ Վայոց ձորի մարզպետի տեղակալ Սամվել Թարվերդյանի, մարզպետարանի աշխատակազմի ՏԻ և ՀԳՄ հարցերով վարչության պետ Նորայր Սիմոնյանի ուղեկցությամբ այցելել է Աղնջաձոր և Սալլի համայնքներ: Համայնքապետարաններում մարզպետ Հարություն Սարգսյանին ընդունել են Աղնջաձոր համայնքի ղեկավար Ահարոն Գաբրիելյանը և Սալլի համայնքի ղեկավար Սամվել Ղազարյանը, որոնք իրենց ղեկավարած համայնքներում կազմակերպել են մարզպետի հանդիպումը համայնքապետարանի աշխատակիցների, ավագանու անդամների և բնակիչների հետ: Հանդիպումներում մարզպետ Հ. Սարգսյանը ներկայացրել է 2016 թվականին մարզում կատարված աշխատանքները և ընթացիկ տարում իրականացվելիք ծրագրերը: Հանդիպումների ընթացքում համայնքների բնակիչները բարձրացրել են իրենց հուզող մի շարք հարցեր: Աղնջաձորում կայացած հանդիպման ընթացքում ներկայացվել է հանդամիջյան ճանապարհների բարեկարգման, դպրոցի սպորտ դահլիճի վերանորոգնման և 15 հա տարածքով աղնջաձորցիների խնձորի այգիների ամառային ոռոգման հարցերը, իսկ Սալիում՝ խմելու ջրի ներքին և արտաքին ցանցերի վերանորոգման, ոռոգման ջրի արտաքին ցանցի խողովակաշարի հողածածկման և գյուղ տանող ճանապարհի բարեկարգման հարցերը: Համայնքներում, որպես առաջնահերթություն, մարզպետը ծանոթացել է գարնան գյուղատնտեսական աշխատանքների ընթացքին:
