Վայոց ձորի մարզպետի աշխատակազմ

Այսօր տեղի ունեցավ ՀՀ Վայոց ձորի մարզպետարանի ներքին աուդիտի կոմիտեի նիստը, որը գլխավորում էր կոմիտեի նախագահ Հարություն Սարգսյանը: Նիստին մասնակցում էին ներքին աուդիտի կոմիտեի անդամներ՝ մարզպետի տեղակալներ՝ Սամվել Թարվերդյանը, Մելս Հարությունյանը և մարզպետարանի աշխատակազմի իրավաբանական բաժնի պետ Նարինե Մաղաքյանը: Նիստը քարտուղարում էր ՀՀ Վայոց ձորի մարզպետարանի աշխատակազմի ներքին աուդիտի բաժնի պետ Վասակ Կարապետյանը:
Նիստին մասնակցում էին նաև մարզպետարանի աշխատակազմի ղեկավար Կամո Սահակյանը, աշխատակազմի համապատասխան ստորաբաժանումների ղեկավարները և մարզային ենթակայության այն հաստատությունների ղեկավարները, որտեղ իրականացվել է ֆինասական աուդիտ:
Նիստի օրակարգում ներառված էին հետևյալ հարցերը՝

1. 2017թ.-ի ներքին աուդիտի հաստատված ծրագրով <<Եղեգնաձորի քաղաքային վարժարան>>, <<Եղեգնաձորի թիվ 2 հիմնական դպրոց>>,<<Գլաձորի միջնակարգ դպրոց>> ՊՈԱԿ-ներում իրականացված ֆինանսական աուդիտի հաշվետվությունները:
2. 2016թ.-ի ներքին աուդիտի հատատված ծրագրով իրականացված աուդիտի տարեկան ամփոփ հաշվետվությունը:

Զեկուցումով հանդես եկավ մարզպետարանի աշխատակազմի ներքին աուդիտի բաժնի պետ Վասակ Կարապետյանը:
Քննարկվող հարցերի շուրջ արտահայտվեցին Ներքին աուդիտի կոմիտեի նախագահ, ՀՀ Վայոց ձորի մարզպետ Հարություն Սարգսյանը, անդամներ Սամվել Թարվերդյանը, Մելս Հարությունյանը, Նարինե Մաղաքյանը:
Նիստը ո ր ո շ ե ց`

Առաջարկել՝
1. Ներքին աուդիտի բաժնին՝ աուդիտի հաշվետվություններում արձանագրված թերությունների և խախտումների վերացման ուղղությամբ իրականացնել խորհրդատվություն:
Հանձնարարել՝
2.ՊՈԱԿ-ների տնօրեններին՝ աուդիտի հաշվետվություններով արձանագրված թերությունները և խախտումները սեղմ ժամկետում վերացնել և մեկամսյա պարբերականությամբ ներկայացնել թերությունների և խախտումների վերացման մասին տեղեկատվություն:
3. Մարզպետարանի աշխատակազմի կրթության, մշակույթի և սպորտի վարչությանը՝ կրթության ոլորտի ՊՈԱԿ-ներում ողջամիտ ժամկետում ապահովել գնումների համակարգողների առկայություն:
4. 2016թ.-ի ներքին աուդիտի տարեկան հաշվետվությանը տալ հավանություն: