Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հուլիսի 4-ին «Ջերմուկ Աշխարհ» առողջարանում տեղի ունեցավ Ստեփան Ավագյանի հիշատակին նվիրված «Ջերմուկ-2016» պատանեկան XI միջազգային բաց մրցաշարի փակման հանդիսավոր արարողությունը։ Մասնակիցներին շնորհավորեցին և մրցանակներ հանձնեցին ՀՀ Վայոց ձորի մարզպետ, Վայոց ձորի շախմատի ֆեդերացիայի նախագահ Հարություն Սարգսյանը, Ջերմուկի քաղաքապետ Վարդան Հովհաննիսյանը, մրցաշարի հովանավոր > ընկերության ներկայացուցիչները, մրցաշարի գլխավոր կազմակերպիչ, Հայաստանի շախմատային ֆեդերացիայի նախագահի առաջին տեղակալ, Հայաստանի շախմատի ակադեմիայի հիմնադիր-նախագահ Սմբատ Լպուտյանը։ Ջերմուկ աշխարհ առողջարանը՝ ի դեմս «Ջերմուկ Աշխարհ» առողջարանային համալիրի տնօրեն Կարեն Ավագյանի, նույնպես մրցանակներ հանձնեց մրցաշարի առաջատար մասնակիցներին։ Մրցանակներ ստացան նաև 3 մարզիչներ, որոնց սաները ցուցադրեցին լավագույն արդյունքներ։ Նրանց մրցանակներն ապահովեց Հայկական Բարեգործական Ընդհանուր Միությունը:
ՀՀ Վայոց ձորի մարզում իրականացվել է «Լույս հայի աչքերին» 2016 թվականի ծրագիրը 06.07.2016
ՀՀ Վայոց ձորի մարզում հունիսի 13-ից 25-ը իրականացվել է Հայկական ակնաբուժության նախագծի (ՀԱՆ) և Ucom ընկերության կողմից համատեղ իրականացվող «Լույս հայի աչքերին» 2016 թվականի ծրագիրը: Մինչ մարզային ծրագրի իրականացումը, մարզի բուժհաստատությունների ակնաբույժների կողմից 2016թ.-ին իրականացվել են շուրջ 1000 մեծահասակի և 810 երեխայի ակնային զննում: Ակնային զննում անցածներից 133-ը ծրագրի շրջանակում ենթարկվել են վիրահատության, իսկ 38-ը՝ լազերային միջամտության: ՀՀ Վայոց ձորի մարզպետ Հարություն Սարգսյանի միջամտությամբ ծրագրի շրջանակում վիրահատության են ենթարկվել նաև մարզի սոցիալապես անապահով ընտանիքների 15 բնակիչներ:
Տեղի ունեցավ մշտական գործող հանձնաժողովի հերթական նիստը 04.07.2016
Այսօր՝ հուլիսի 4-ին, տեղի ունեցավ ՀՀ Վայոց ձոր մարզի հողերի օգտագործման ժամանակավոր սխեմաների և դրանց անբաժանելի մասը կազմող հողաշինարարական գործի կազմման աշխատանքները համակարգող, մշտական գործող հանձնաժողովի 2016 թվականի հերթական նիստը, հանձնաժողովի նախագահ, ՀՀ Վայոց ձորի մարզպետ Հարություն Սարգսյանի նախագահությամբ: Օրակարգում ընդգրկված էր
Տոնական միջոցառում նվիրված Վարդավառի տոնին 04.07.2016
Այսօր` հուլիսի 3-ին, Քրիստոսի Պայծառակերպության կամ Վարդավառի տոնի կապակցությամբ ՀՀ Վայոց ձորի մարզպետարանի և Եղեգնաձորի մշակույթի կենտրոնի նախաձեռնությամբ Եղեգնաձորի քաղաքային ամֆիթատրոնում անցկացվեց տոնական համերգ, որի ընթացքում ելույթ ունեցան մարզի տարբեր համայնքների պարային համույթներ, անհատ կատարողներ: Համերգի ընթացում կազմակերպվեց ֆլեշմոբ, որի ժամանակ հանդիսատեսը, պարային խմբերը և համերգի բոլոր մասնակիցները միասնական և ուրախ պարի էին բռնվել: Տեղեկացնենք, որ միջոցառման շրջանակում, Եղեգնաձորի ամֆիթատրոնի հարակից այգում, կազմակերպվել էր ցուցահանդես: Ցուցահանդեսին ներկայացված էին Հայաստանի երիտասարդական հիմնադրամի Վայոց ձորի մարզային կենտրոնի կամավորների վիտրաժի (նկարչություն ապակու վրա), խեցեգործության, ինչպես նաև Վայոց ձորի թեմի երիտասարդաց միության անդամների բատիկայի (նկարչություն կտորի վրա) աշխատանքները: Ցուցահանդեսը առանձնանում էր նրանով, որ տոնական համերգի և ցուցահանդեսի մասնակիցներին հնարավորություն էր ընձեռնված հենց տեղում փորձել իրենց նկարչական և ձեռագործական ունակությունները: Հարկ է նշել, որ ներակները մեծ բավականությամբ և հետաքրքրությամբ էին մասնակցում այս նախձեռնությանը: Նշենք, որ համերգի և
Կայացավ գործակարգավարական հերթական խորհրդակցությունը 04.07.2016
Այսօր ՀՀ Վայոց ձորի մարզպետ Հարություն Սարգսյանի մոտ, մարզպետի տեղակալների, մարզպետարանի աշխատակազմի ղեկավարի և ստորաբաժանումների պետերի մասնակցությամբ, կայացավ գործակարգավարական հերթական խորհրդակցությունը: Նախորդ շաբաթվա ընթացքում կատարած և ընթացիկ շաբաթում իրականացվելիք աշխատանքների և ծրագրերի մասին հաշվետվությամբ հանդես եկան մարզպետարանի աշխատակազմի ստորաբաժանումների ղեկավարները: Ներկայացվեց մարզում իրականացվող շինվերանորոգման ու ճանապարհների վերանորոգման աշխատանքների, ինչպես նաև գյուղատնտեսական աշխատանքների ընթացքը: Քաղաքաշինության վարչության պետ Ազատ Հովսեփյանը ներկայացրեց, Ջերմուկի ճեմուղում իրականացվող վերանորոգման աշխատանքների ընթացքն, իսկ գյուղատնտեսության ու բնապահպանության վարչության պետ Մարատ Ներսիսյանը հաղորդեց, որ խաղողի այգիներում սկսվել են վազերի բուժման աշխատանքները: Կրթության, մշակույթի և սպորտի վարչության պետ Արփիար Ղազարյանն ասաց, որ իրականացվում են ՀՀ Նախագահի մրցանակի համար > մրցույթի հանրապետական փուլին մարզի
Սիրելի հայրենակիցներ: Շնորհավորում եմ Հայաստանի Հանրապետության Սահմանադրության օրվա կապակցությամբ: Սահմանադրությունը յուրաքանչյուր պետության իրավական հիմնաքարն ու պետականության ապահովման հիմնակառույցն է: 1995 թվականի հուլիսի 5-ին համաժողովրդական քվեարկությամբ ընդունվեց Հայաստանի Հանրապետության Սահմանադրությունը: Այնուհետև 2005 թվականի նոյեմբերի 27-ին և 2015 թվականի դեկտեմբերի 6-ին տեղի ունեցան սահմանադրական բարեփոխումները, որոնք ավելի կատարելագործեցին մեր երկրի Մայր օրենքը՝ այն առավել համահունչ դարձնելով ժողովրդավարական պետությունների գործունեության համար միջազգայնորեն սահմանված ժամանակակից չափանիշներին: Սահմանադրությունը պետության մայր օրենքն է, որը սահմանում է երկրի քաղաքական, իրավական, տնտեսական հիմունքները և հանդիսանում է քաղաքացիական համերաշխության, օրինականության ու կայունության հիմնական երաշխիքը: Այն ունի բարձրագույն իրավաբանական ուժ: 21 տարի առաջ հայ ժողովուրդն ընտրեց իր երկրի կայացման գլխավոր փաստաթուղթը, որով ամրագրվեց Հայաստանի Հանրապետության ինքնիշխան, ժողովրդավարական, իրավական և սոցիալական պետություն լինելու փաստը: Եվս մեկ անգամ շնորհավորում եմ Հայաստանի Հանրապետության Սահմանադրության օրվա կապակցությամբ, մաղթում եմ, որ բոլորս հարգենք ՀՀ Սահմանադրությունն ու օրենքները և անվերապահորեն ենթարկվենք օրենքների պահանջներին, ամրապնդելով Հայոց անկախ պետականության հիմքերը:
