Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մեկնարկել է <<Ես մենակ չեմ>> խորագրով ամառային ճամբար 17.08.2016
Այսօր Վայոց ձորի թեմի առաջնորդարանում յուրահատուկ մթնոլորտ և տրամադրություն էր տիրում, որի գլխավոր ,,մեղավորները,, երեխաներն էին. տեղի ունեցավ ,,Ես մենակ չեմ,, երկշաբաթյա ամառային ճամբարի բացման հանդիսավոր արարողությունը: Ճամբարի իրականացման գաղափարը պատկանում է Վայոց ձորի թեմի առաջնորդարանի աշխատակից, <<Սոցիալ հոգեբանական և վիճակագրական հետազոտությունների կենտրոն,, ՀԿ-ի անդամ Խնկանուշ Մարկոսյանին: Ճամբարի բացման արարողությանը ներկա էին ՀՀ Վայոց ձորի մարզպետի տեղակալ Մելս Հարությունյանը, Վայոց ձորի թեմի փոխառաջնորդ Տեր Զարեհ վարդապետ Կաբաղյանը, ներկայացուցիչներ Եղեգնաձորի քաղաքապետարանից, ծնողներ, բազմաթիվ երիտասարդներ: Բացման հանդիսավոր արարողությունը մեկնարկեց Տերունական աղոթքով: Այս հրաշալի մտահաղացումն իրականաթյուն դարձնելու գործում իրենց ներդրումն ու աջակցությունն են ցուցաբերել ՀՀ Վայոց ձորի մարզպետարանը...
Անցկացվեց քաղաքացիների օգոստոս ամսվա ընդունելությունը 16.08.2016
2016 թվականի օգոստոսի 12-ին ՀՀ Վայոց ձորի մարզպետի տեղակալ Սամվել Թարվերդյանի մոտ տեղի ունեցավ քաղաքացիների հերթական ընդունելությունը: Ընդունելության համար ցուցակագրվել էր 160 քաղաքացի, ընդունելության էին եկել 141-ը: Ընդունելության եկած 139 քաղաքացիներ դիմել էին դրամական աջակցության խնդրանքով, որոնց խնդրանքը բավարարվեց: Մեկ քաղաքացի դիմել էր աշխատանքի տեղավորման, 1 քաղաքացի՝ այլ հարցերով: Հանձնարարություն տրվեց մարզպետարանի աշխատակազմի համապատասխան ստորաբաժանման ղեկավարներին՝ ուսումնասիրել և օրենքով սահմանված կարգով պատասխանել քաղաքացիներին:
Անցկացվեց գործակարգավարական հերթական խորհրդակցությունը 15.08.2016
2016 թվականի օգոստոսի 15-ին տեղի ունեցավ ՀՀ Վայոց ձորի մարզպետարանի գործակարգավարական հերթական խորհրդակցությունը, որը վարում էր մարզպետի տեղակալ Սամվել Թարվերդյանը: Խորհրդակցությանը մասնակցում էին մարզպետի տեղակալ Մելս Հարությունյանը, մարզպետի խորհրդական Վասիլ Ասլանյանը, մարզպետարանի աշխատակազմի ղեկավար Կամո Սահակյանը և ստորաբաժանումների պետերը: Խորհրդակցության սկզբում ստորաբաժանումների ղեկավարները ներկայացրեցին նախորդ խորհրդակցության ժամանակ արձանագրված հանձնարարականների կատարման ընթացքը և իրականացվելիք ծրագրերը: Վերջում Ս. Թարվերդյանի կողմից կողմից ստորաբաժանումների ղեկավարներին տրվեցին հանձնարարականներ՝ ուղղված համապատասխան ոլորտներում աշխատանքների իրականացմանը և խնդիրների լուծմանը:
Տոնակատարություն Նորավանքում՝ նվիրված Սբ. Աստվածածնի Վերափոխման տոնին 14.08.2016
Սուրբ Աստվածածնի Վերափոխման տոնը եկեղեցու հինգ տաղավար տոներից չորրորդն է, որն այս տարի Հայ Առաքելական Սուրբ Եկեղեցին տոնեց օգոստոսի 14-ին:Սբ. Աստվածածնի Վերափոխման տոնն այս տարի նույնպես առանձնահատուկ կերպով նշվեց Նորավանքում: Նորավանքի Սբ. Կարապետ եկեղեցում Սբ. Աստվածածնի Վերափոխմանտոնին նվիրված Սուրբ և Անմահ Պատարագ մատուցվեց: Օրվա պատարագիչն էր Նորավանքի հոգևոր հովիվ Տ. Սեպուհ քահանա Հարությունյանը, ով Սբ. Պատարագի ընթացքում մեկնաբանեց տոնի խորհուրդը: Սբ. Պատարագից հետո, հանդիսապետությամբ Վայոց ձորի թեմի փոխառաջնորդ Տեր Զարեհ վարդապետ Կաբաղյանի, Սբ. Աստվածածնին նվիրված շարականների երգեցողությամբ, դպրաց դասի և մասնակիցների ուղեկցությամբ, թափորը շարժվեց վանական համալիրի գլխավոր եկեղեցի` Սբ. Ասվածածին եկեղեցի, որտեղ էլ կատարվեց Խաղողօրհնեքի արարողությունը, որի ավարտին Հայր Սուրբը մեկնաբանեց տոնի խորհուրդը՝ կարևորելով հայ կնոջ առաքելապաշտ և հայեցի կերպարը, հայ կնոջ հասարակության մեջ ունեցած դերն ու նշանակություն: Հայր Սուրբը կոչ արեց ներկաներին միասնաբար աղոթելու հայոց ազգի միասնականության,զորության, բարգավաճման և հայոց սահմանների ու հերոս զինվորների անսասանության համար: Արարողության ավարտին օրհնված խաղողը բաժանվեց հավատացյալներին: Տոնակատարությունը շարունակվեց ՀՀ Վայոց ձորի մարզպետարանի կողմից կազմակերպված մշակութային հանդիսությամբ, որի ընթացքում ելույթ ունեցան Վայոց ձորի շնորհալաի երիտասարդները և պատանիները: Միջոցառմանը մասնակցում էին բազմաթիվ վայոցձորցիներ, զբոսաշրջիկներ և ուխտավորներ Հայաստանի տարբեր մարզերից և արտերկրից: Տոնի օրը Նորավանքի Մոմիկի անվան թանգարանում ,,Սյունիք-Զարգացում,, ՀԿ-ի բատիկի խմբակի սաները ցուցահանդես էին կազմակերպել: Նորավանքում տիրում էր հոգևոր-մշակութային մթնոլորտ: Թող Սուրբ Աստվածածնի բարեխոսությամբ Աստուծո օրհնությունն ու զորությունը մշտապես հովանի լինի Նորավանքի ուխտավորներին և մեր ազգին:
Գործակարգավարական խորհրդակցություն՝ ՀՀ Վայոց ձորի մարզպետի գլխավորությամբ 08.08.2016
Այսօր ՀՀ Վայոց ձորի մարզպետ Հարություն Սարգսյանն անցկացրեց հերթական գործակարգավարական խորհրդակցությունը, որին մասնակցում էին մարզպետի տեղակալները, մարզպետի խորհրդականը, մարզպետարանի աշխատակազմի ղեկավարը և մարզպետարանի աշխատակազմի ստորաբաժանումների ղեկավարները: Մարզպետարանի աշխատակազմի ստորաբաժանումների ղեկավարները ներկայացրեցին նախորդ խորհրդակցության ժամանակ արձանագրված հանձնարարականների կատարման ընթացքը, շաբաթվա ընթացքում կատարած աշխատանքները և ընթացիկ շաբաթում իրականացվելիք ծրագրերը: Մարզի ղեկավարը Գյուղատնտեսության և բնապահպանության վարչության պետ Մ. Ներսիսյանին հանձնարարեց հետևել Երևանում հուլիսի 23-ից մեկնարկած գյուղատնտեսական մթերքների տոնավաճառին մարզի ֆիզիկական և իրավաբանական անձանց մասնակցությանը և մասնակիցների ցանկի ճշգրտմանը, հետևել մարզի համայնքներում ընթացող բերքահավաքի և կերերի կուտակման աշխատանքներին: Խորհրդակցության ընթացքում քննարկվեցին ՀՀ Նախագահի մրցանակի համար ,,Հաշմանդամություն ունեցող լավագույն մարզական ընտանիք,, մրցույթի անցկացման աշխատանքները: Կրթության, մշակույթի և սպորտի վարչության պետ Ա. Ղազարյանին հանձնարարվեց պատշաճ մակարդակով իրականացնել մրցույթի կազմակերպչական աշխատանքները: Ա. Ղազարյանին հանձնարարվեց նաև՝ նոր ուսումնական տարվան ընդառաջ զբաղվել օգոստոսյան խորհրդակցության նախապատրաստական աշխատանքներով: Վերջում Հ. Սարգսյանի կողմից ստորաբաժանումների ղեկավարներին տրվեցին հանձնարարականներ, որոնք վերաբերում էին համապատասխան ոլորտներում աշխատանքների իրականացմանը և խնդիրների լուծմանը:
Տեղի կունենա քաղաքացիների ընդունելություն 03.08.2016
Սահմանված կարգի համաձայն` 2016 թվականի օգոստոսի 12-ին` ժամը 14:00-ին, ՀՀ Վայոց ձորի մարզպետ Հարություն Սարգսյանի մոտ տեղի կունենա քաղաքացիների ընդունելություն: Հասցեն` ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5:
