Վայոց ձորի մարզպետի աշխատակազմ

  Այսօր ՀՀ Վայոց ձորի մարզպետ Հարություն Սարգսյանի մոտ կայացավ հերթական գործակարգավարական խորհրդակցությունը, մասնակցությամբ՝ մարզպետի տեղակալների, մարզպետի խորհրդականի և մարզպետարանի աշխատակազմի ղեկավարի և աշխատակազմի ստորաբաժանումների պետերի:
Մարզպետարանի ստորաբաժանումների ղեկավարները հանդես եկան նախորդ խորհրդակցության ընթացքում արձանագրված հանձնարարականների կատարման ընթացքի, անցած շաբաթվա ընթացքում կատարած աշխատանքների և ընթացիկ շաբաթում իրականացվելիք ծրագրերի մասին հաղորդումով:

Խորհրդակցությանը քննարկվեցին Ջերմուկում Արփայի առափնյա ճեմուղու շինարարության ավարտի, աշնանացանի, մարզում արտադրված խաղողի մթերումների, գնումների գործընթացի, առողջապահական խնդիրների, սահմանամերձ համայնքներում կինո-աշուն փառատոնի կազմակերպման, մարզային զարգացման ծրագրի կազման, Հայ-ռուսական համատեղ ֆորումի մասնակցության, մարզային ենթակայությամբ կազմակերպություններում աուդիտի անցկացման, ճանապարների ընթացիկ վերանորոգումների, ներառական կրթության, ՏԻՄ ընտրություններից հետո համայնքներում ընդունում-հանձնում կազմակերպելու հետ կապված հարցեր: Վերջին հարցի կապակցությամբ մարզպետ Հ. Սարգսյանը հանձնարարեց ՏԻ և ՀԳՄ հարցերով վարչության պետին, կազմել՝ խոշորացված համայնքներում կայանալիք ավագանու առաջին նիստերի ժամանակացույցը:

Վերջում մարզի ղեկավարը մարզպետարանի աշխատակազմի ստորաբաժանումների ղեկավարներին տվեց համապատասխան հանձնարարականներ՝ ուղղված նրանց կողմից ղեկավարվող ոլորտներում խնդիրների լուծմանը: