Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կայացավ գործակարգավարական հերթական խորհրդակցությունը 08.02.2016
Փետրվարի 8-ին ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը, մասնակցությամբ՝ մարզպետի տեղակալների, մարզպետի խորհրդականի, մարզպետարանի աշխատակազմի ղեկավարի և ստորաբաժանումների պետերի: Ստորաբաժանումների ղեկավարները ներկայացրին նախորդ խորհրդակցության ժամանակ արձանագրված և շաբաթվա ընթացքում ստացած հանձնարարականների կատարման ընթացքը և ընթացիկ շաբաթում կատարվելիք աշխատանքները: Մարզպետ Հ. Սարգսյանը հանձնարարեց մարզպետարանի աշխատակազմի կրթության, մշակույթի և սպորտի վարչության պետին մշակել և ներկայացնել ՀՀ անկախության 25 ամյակին նվիրված միջոցառումների ծրագիրը: Հ Սարգսյանը հանձնարարեց նաև շարունակել ամենօրյա ուշադրության կենտրոնում պահել դպրոցներում ու նախադպրոցական ուսումնական հաստատություններում ջերմաչափման գործը և բուժքույրերի գործունեությունը: Իսկ առողջապահության և սոցիալական ապահովության վարչության պետին հանձնարարեց քննարկել մարզի ՍԾԱԿ-ներում ՀՀ աշխատանքի և սոցիալական հարցերի նախարարության և ՀՀ Վայոց ձորի մարզպետարանի աշխատակազմերի ներքին աուդիտի բաժնների կողմից կատարած ուսումնասիրությունների ընթացքում հայտնաբերված թերությունների վերացմանն ուղղված աշխատանքների ընթացքը:
Տեղի կունենա քաղաքացիների ընդունելություն 08.02.2016
Սահմանված կարգի համաձայն` 2016 թվականի փետրվարի 12-ին` ժամը 11:00-ին, ՀՀ Վայոց ձորի մարզպետ Հարություն Սարգսյանի մոտ տեղի կունենա քաղաքացիների ընդունելություն: Հասցեն` ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5:
Նորակառույց ամբուլատորիայի բացում Շատին համայնքում 08.02.2016
Օրերս Վայոց ձորի մարզի Շատին համայնքում տեղի ունեցավ > ՊՈԱԿ-ի բացման արարողությունը: Նորակառույց ամբուլատորիայի բացման հանդիսավոր արարողությանը ներկա էին ՀՀ առողջապահության նախարար Արմեն Մուրադյանը և ՀՀ Վայոց ձորի մարզպետ Հարություն Սարգսյանը: Բացման արարողությանը ներկա էին նաև ՀՀ Վայոց ձորի մարզպետի տեղակալներ Սամվել Թարվերդյանը, Մելս Հարությունյանը և ՀՀ առողջապահության նախարարության > պետական հիմնարկի (ՀՀ ԱՆ ԱԾԻԳ) տնօրեն Նելսոն Զուլոյանը: Նախարարը և մարզպետը շրջեցին նորակառույց ամբուլատորիայում, ծանոթացան աշխատանքային պայմաններին և զրուցեցին բուժանձնակազմի հետ: Մարզպետ Հարություն Սարգսյանը նշեց, որ կառուցված ամբուլատորիան էականորեն կնպաստի բժշկական օգնության և սպասարկման գործընթացի բարելավմանը՝ նշելով, որ մարզի առողջապահական համակարգի զարգացման հարցը գնտվում է ՀՀ Նախագահի ուշադրության կենտրոնում:
Խորհրդակցություն նվիրված 2016 թվականին վարելահողերի նպատակային օգտագործման ավելացման հարցերին 04.02.2016
Փետրվարի 4-ին ՀՀ Վայոց ձորի մարզպետ Հարություն Սարգսյանի մոտ կայացավ խորհրդակցություն, նվիրված մարզի համայնքներում 2016 թվականին վարելահողերի նպատակային օգտագործման ավելացման հարցերին: Խորհրդակցությանը մասնակցում էին մարզպետի տեղակալ Սամվել Թարվերդյանը, մարզպետարանի աշխատակազմի գյուղատնտեսության և բնապահպանության վարչություն պետ Մարատ Ներսիսյանը և Եղեգնաձորի տարածաշրջանի մի շարք համայնքների ղեկավարներ: Յուրաքանչյուր համայնքի ղեկավարի հետ քննարկվեց համայնքում առկա վարելահողերի օգտագործման ավելացման առավելագույն հնարավորությունները և հանձնարարվեց գործուն քայլեր կատարել այդ ուղղությամբ: Քննարկվեց նաև մարզի հողօգտագործողներին պետական աջակցության ծրագրի շրջանակում հատկացվող սերմերի, դիզելային վառելանյութի և պարարտանյութերի տրամադրման, բաշխման հետ կապված հարցեր:
Տեղեկատվություն 03.02.2016
2016 թվականի հունվար ամսվա ընթացքում Վայոց ձոր մարզի ծննդօգնություն իրականացնող բուժհաստատություններում ընդունած ծնունդների մասին՝ ըստ տարածաշրջանների:
Հանդիպում ՀՀ Վայոց ձորի մարզպետի մոտ 02.02.2016
Այսօր պաշտոնական այցով ՀՀ Վայոց ձորի մարզում էր Հայաստանի Հանրապետությունում Բելառուսի Հանրապետության արտակարգ եւ լիազոր դեսպան` Ն.Գ. Իգոր Նազարուկը: ՀՀ Վայոց ձորի մարզպետարանում տեղի ունեցավ ՀՀ Վայոց ձորի մարզպետ Հարություն Սարգսյանի հանդիպումը Իգոր Նազարուկի հետ: Հ. Սարգսյանը շնորհակալություն հայտնեց այցի և Վայոց ձորի մարզի նկատմամբ ցուցաբերած ուշադրության համար: Հանդիպմանը ներկա էին Հայաստանի Հանրապետությունում Բելառուսի Հանրապետության արտակարգ եւ լիազոր դեսպանի գլխավոր խորհրդական Դմիտրի Սեմյոնովիչը և ՀՀ Վայոց ձորի մարզպետի խորհրդական Վասիլ Ասլանյանը: Հանդիպման ընթացքում քննարկվեցին երկկողմ համագործակցության ընդլայնման և զարգացման հետ կապված մի շարք հարցեր, մասնավորապետ գյուղատնտեսության, զբոսաշրջության, մշակույթի և արդյունաբերության ոլորտներին վերաբերող հարցեր:
