Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Խորհրդակցություն ներմարզային տրանսպորտային սպասարկման հարցերով
08.11.2016
Նոյեմբերի 8-ին ՀՀ տրանսպորտային տեսչության ներկայացուցիչների ուղեկցությամբ աշխատանքային այցով Վայոց ձորի մարզում էր ՀՀ տրանսպորտի, կապի և տեղեկատվական տեխնոլոգիաների նախարարի տեղակալ Արամ Արսենյանը:
Փոխնախարարի այցի նպատակը ՀՀ վարչապետի հանձնարարականից բխող՝ գյուղական համայնքների տրանսսպասարկման վերագործարկմանն առնչվող խնդիրների ուսումնասիրությունն ու բացահայտումն էր և քննարկման արդյունքում վեր հանված խնդիրների լուծումները գտնելու ուղիների վերաբերաբերյալ շահագրգիռ անձանց և կազմակերպությունների առաջարկություններն իմի բերելը:
Փոխնախարար Արամ Արսենյանը վերը նշված հարցերի քննարկման նպատակով խորհրդակցություն անցկացրեց Վայոց ձորի մարզպետարանում, որին մասնակցում էին ՀՀ Վայոց ձորի մարզպետի տեղակալ Սամվել Թարվերդյանը, Վայոց ձորի մարզպետարանի աշխատակազմի քաղաքաշինության վարչության տրանսպորտի և ճանապարհաշինության բաժնի պետ Խաչիկ Ասլանյանը, Սյունիքի մարզպետարանի աշխատակազմի քաղաքաշինության վարչության տրանսպորտի և ճանապարհաշինության բաժնի պետ Սարիկ Աղաբեկյանը, Վայոց ձորի և Սյունիքի ներմարզային երթուղիներն սպասարկող կազմակերպությունների ներկայացուցիչները:
Խորհրդակցության ընթացքում անդրադարձ եղավ մարզի համայնքներում տրանսպորտային սպասարկման խնդիրներին, քննարկվեց մասնավորապես չսպասարկվող համայնքներում երթուղիների հնարավոր վերագործարկման հարցերը:
Խորհրդակցության ընթացքում քննարկված հարցերի վերաբերյալ արված իրատեսական բոլոր առաջարկությունները փոխնախարար Արամ Արսենյանի կողմից կներկայացվեն ՀՀ կառավարության քննարկմանը:
