Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Տեղի ունեցավ գործակարգավարական հերթական խորհրդակցությունը

Տեղի ունեցավ գործակարգավարական հերթական խորհրդակցությունը 18.04.2016

Ապրիլի 18-ին ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը: Խորհրդակցությանը մասնակցում էին մարզպետի տեղակալները, մարզպետարանի աշխատակազմի ղեկավարը և ստորաբաժանումների պետերը: Մինչ խորհրդակցությունը մարզպետը ՏԻ և ՀԳՄ վարչության պետ Ն. Սիմոնյանին շնորհակալություն հայտնեց Վայոց ձորի մարզի Գետափ համայնքի ղեկավարի ապրիլի 17-ին կայացած ընտրություններն առանց խախտումների և կազմակերպված ձևով իրականացնելու համար: Խորհրդակցության ընթացքում աշխատակազմի ստորաբաժանումների ղեկավարները հանդես եկան նախորդ խորհրդակցության ժամանակ արձանագրված հանձնարարականների կատարման վերաբերյալ հաշվետվությամբ, ներկայացվեցին ստորաբաժանումների կողմից անցած շաբաթվա ընթացքում կատարած և ընթացիկ շաբաթվա ընթացքում կատարվելիք աշխատանքները: Մարզպետն աշխատակազմի գյուղատնտեսության և բնապահպանության վարչության պետին հանձնարարեց հետևել սերմացուի, պարարտանյութերի և դիզվառելիքի վճարունակ պահանջարկի հավաքագրման և բաշխման աշխատանքներին, ինչպես նաև զբաղվել ,,Եղեգնաձոր ՋՕ,, ընկերությունում իրականացվող աշխատանքներով, շահառուներին հնարավորինս սեղմ ժամկետներում ապահովել ոռոգման ջրով: Մարզպետ Հ. Սարգսյանը կրթության, մշակույթի և սպորտի վարչության պետին հանձնարարեց հետևողական աշխատանք տանել դպրոցների առարկայական օլիմպիադաների անցկացման գործում, զբաղվել ,,Լավագույն տնօրեն,, , ,,Լավագույն ուսուցիչ,, և ,,Լավագույն դաստիարակ,, մրցույթների պատշաճ անցկացմանը: Քաղաքաշինության վարչության պետին հանձնարարվեց հետևել դպրոցական շենքերի սեյսմիկ անվտանգության միջոցառումների ընթացքին: Խորհրդակցության ավարտին մարզպետ Հ. Սարգսյանը հանձնարարություններ տվեց մարզպետարանի աշխատակազմի ստորաբաժանումների ղեկավարներն, իրենց ղեկավարած ոլորտներում աշխատանքների իրականացման և խնդիրների լուծման ուղղությամբ:

Գրական գեղարվեստական ցերեկույթ  նվիրված  Մեսրոպ Մաշտոցին

Գրական գեղարվեստական ցերեկույթ նվիրված Մեսրոպ Մաշտոցին 15.04.2016

Այսօր Վայոց ձորի մարզային գրադարանում ,,Ազգային գրադարանային շաբաթ,, հանրապետական ծրագրի շրջանակում տեղի ունեցավ > խորագրով գրական գեղարվեստական ցերեկույթ, նվիրված հայոց գրերի ստեղծող Մեսրոպ Մաշտոցին: Միջոցառման սկզբում ներկաները մեկ րոպե լռությամբ հարգեցին Արցախի Հանրապետության դեմ Ադրբեջանի կողմից սանձազերծած ապրիլյան քառօրյա կռիվների ընթացքում զոհված հայ զինվորների և կամավորների պայծառ հիշատակը: Միջոցառման բացման խոսք ասաց Վայոց ձորի մարզային գրադարանի տնօրեն Ռոզա Լևոնյանը: Հայրական օրհնությամբ և Տերունական աղոթքով հանդես եկավ Վայոց ձորի թեմի Եղեգնաձորի տարածաշրջանի հոգևոր հովիվ Տեր Վազգեն քահանա Հովհաննիսյանը: Միջոցառումը, որի կարգախոսն էր.

ՀՀ Վայոց ձորի մարզային գրադարանում մեկնարկել է Ազգային գրադարանային շաբաթ ծրագիրը

ՀՀ Վայոց ձորի մարզային գրադարանում մեկնարկել է Ազգային գրադարանային շաբաթ ծրագիրը 13.04.2016

ՀՀ Վայոց ձորի մարզային գրադարանում մեկնարկել է Ազգային գրադարանային շաբաթ ծրագիրը: Ներկայացնում ենք ծրագրի օրակարգը:

 Հերթական գործակարգավարական խորհրդակցությունը Վայոց ձորի մարզպետի մոտ

Հերթական գործակարգավարական խորհրդակցությունը Վայոց ձորի մարզպետի մոտ 11.04.2016

Այսօր, ապրիլի 11-ին, ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը, մարզպետի տեղակալների, մարզպետի խորհրդականի, մարզպետարանի աշխատակազմի ղեկավարի և ստորաբաժանումների պետերի մասնակցությամբ: Մինչ խորհրդակցությունը մարզպետը տեղեկություն հաղորդեց շաբաթ և կիրակի օրերին Արցախի Հանրապետություն կատարած այցի վերաբերյալ: Այնուհետև աշխատակազմի ստորաբաժանումների ղեկավարները հանդես եկան նախորդ խորհրդակցության ժամանակ արձանագրված հանձնարարականների կատարման վերաբերյալ հաշվետվությամբ: Ներկայացվեց նաև ստորաբաժանումների կողմից անցած շաբաթվա ընթացքում կատարած և ընթացիկ շաբաթվա ընթացքում կատարվելիք աշխատանքները: Մարզպետը հանձնարարեց աշխատակազմի քաղաքաշինության վարչության պետին՝ տեղեկություն ներկայացնել մարզի տարածքում իրականացվող շին-վերանորոգման աշխատանքների ընթացքի և կատարված աշխատանքների որակի մասին, իսկ գյուղատնտեսության և բնապահպանության վարչության պետին հանձնարարեց տեղեկանք կազմել, հողօգտագործողներին պետական աջակցության ջրջանակներում, մարզ ներկրած գարնանացան սերմացուի և պարարտանյութի տեսականու ու քանակի մասին, ինչպես նաև ներկայացնել բաշխման ցուցակներն ու գրաֆիկը:

Կայացավ քաղաքացիների 2016 թվականի ապրիլ ամսվա ընդունելությունը

Կայացավ քաղաքացիների 2016 թվականի ապրիլ ամսվա ընդունելությունը 11.04.2016

2016 թվականի ապրիլի 8-ին ՀՀ Վայոց ձորի մարզպետ Հարություն Սարգսյանի մոտ տեղի ունեցավ քաղաքացիների հերթական ընդունելությունը: Ընդունելության համար ցուցակագրվել էր 102 քաղաքացի, ընդունելության էին եկել 97-ը: Ընդունելության եկած 96 քաղաքացիներ դիմել էին դրամական աջակցության խնդրանքով, որոնց խնդրանքը բավարարվեց: Մեկ քաղաքացի դիմել էր աշխատանքի տեղավորման հարցով: Նշված քաղաքացու հարցին լուծում տալու նպատակով մարզպետը հանձնարարություն տրվեց մարզպետարանի աշխատակազմի համապատասխան ստորաբաժանման ղեկավարին՝ ուսումնասիրել և օրենքով սահմանված կարգով պատասխանել քաղաքացուն:

ՀՀ Վայոց ձորի մարզպետը մարզի մի խումբ համայնքապետերի հետ ապրիլի 9-ին մեկնել էր Արցախ

ՀՀ Վայոց ձորի մարզպետը մարզի մի խումբ համայնքապետերի հետ ապրիլի 9-ին մեկնել էր Արցախ 11.04.2016

Երկար ժամանակ է, ինչ ՀՀ Վայոց ձորի մարզը և Լեռնային Ղարաբաղի Հանրապետության Քաշաթաղի շրջանը համագործակցում են կրթության, մշակույթի, սպորտի, տուրիզմի և գյուղատնտեսության ոլորտներում: Հաշվի առնելով Արցախում տեղի ունեցող իրադարձությունները, ՀՀ Վայոց ձորի մարզպետ Հարություն Սարգսյանը մարզի մի խումբ համայնքապետերի հետ միասին ապրիլի 9-ին մեկնել են Արցախ: Պատվիրակությունը Քաշաթաղի սահմանները պաշտպանող ազատամարտիկների համար իր հետ տարել էր առաջին անհրաժեշտության պարագաներ և սնունդ : Քաշաթաղի շրջանի վարչկազմի ղեկավար Սուրկ Խաչատրյանը շնորհակալություն է հայտնել այցի և տրամադրած օգնության համար: ՀՀ Վայոց ձորի մարզպետը շարունակելով իր այցը Արցախում, այցելե է վայոցձորցի երկրապահ կամավորականներին՝ նրանց նույնպես տրամադրելով օգնություն սննդի և առաջին անհրաժեշության պարագների տեսքով: Վայոց ձորի մարզից մեկնած 150-ից ավելի կամավորականներ այս պահին աջակցում և սատար են կանգնում Արցախի սահմաններն անառիկ պահող դիրքապահներին: Հ. Սարգսյանը հանիպում է ունեցել Լեռնային Ղարաբաղի Հանրապետության վարչապետ Արայիկ Հարությունյանի հետ՝ հայտելով Արցախի ժողովրդին ամեն կերպ աջակցելու իր պատրաստկամությունը:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 16:08:58