Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՏԿԶ նախարար Դավիթ Լոքյանի մոտ մարզպետների մասնակցությամբ կայացել է աշխատանքային քննարկում 30.01.2018
Տարածքային կառավարման և զարգացման նախարար Դավիթ Լոքյանի մոտ այսօր տեղի է ունեցել աշխատանքային քննարկում ՀՀ մարզպետների մասնակցությամբ։ Հանդիպման ընթացքում քննարկվել են 2017թ․ դեկտեմբերի 7-ին Դիլիջանում կազմակերպված համայնքների խորհրդաժողովի ժամանակ Հանրապետության Նախագահի կողմից հնչեցված հանձնարարականների կատարման ընթացքը։ Մասնավորապես, քննարկվել են տեղական բյուջեների հավաքագրման խնդիրները և դրանց լուծման հնարավորությունները, համայնքներին սուբվենցիաների տրամադրման կարգը, դրա կատարման ընթացքը, հնարավոր խնդիրները և դրանց լուծման ուղղությունները։ Անդրադարձ է կատարվել նաև համայնքների տնտեսության վրա էական ազդեցություն ունեցող գործարար ծրագրերի վարկային տոկոսների սուբսիդավորման կարգին, մարզերում դրա կիրառման հնարավորություններին և այդ հարցում մարզպետարանների դերի բարձրացմանը։ Քննարկվել են նաև մարզպետարանների 2018թ․ տարեկան աշխատանքային պլանները, դրանցում սահմանված ցուցանիշները, ինչպես նաև այդ ցուցանիշների բարելավմանն ուղղված գործողությունների անհրաժեշտությունը։
Վայոց ձորում շարունակվում են Բանակի օրվան նվիրված միջոցառումները 30.01.2018
Հայոց բանակի կազմավորման 26-րդ տարեդարձի կապակցությամբ տոնական միջոցառում էր կազմակերպվել Եղեգնաձորի երաժշտական դպրոցում:
Հայոց բանակի օրվան նվիրված տոնական միջոցառում Եղեգնաձորի ավագ դպրոցում 30.01.2018
Վայոց ձորում շարունակվում են Հայոց բանակի կազմավորման 26-րդ տարեդարձին նվիրված միջոցառումները: Բանակի օրվա կապակցությամբ տոնական միջոցառում էր կազմակերպվել Եղեգնաձորի ավագ դպրոցում:
Մեկնարկել է մաթեմատիկա առարկայի օլիմպիադայի դպրոցական փուլը 30.01.2018
Այսօր՝ հունվարի 30-ին, Վայոց ձորի մարզի բոլոր հանրակրթական դպրոցներում մեկնարկել է 2017-2018 ուստարվա դպրոցականների մաթեմատիկայի առարկայական օլիմպիադայի դպրոցական փուլը: ՀՀ Վայոց ձորի մարզից մաթեմատիկա առարկայից մասնակցության հայտ է ներկայացրել թվով 834 աշակերտ: Նշենք, որ մաթեմատիկա, աստղագիտություն, ֆիզիկա, քիմիա, աշխարհագրություն, կենսաբանություն և ինֆորմատիկա առարկաներից անցկացվող օլիմպիադաներին մասնակցելու համար հայտագրվել է մարզի հանրակրթական դպրոցների 1812 աշակերտ: Նշված առարկաների օլիմպիադաները անց են կացվում ՀՀ ԿԳ նախարարության սահմանած կարգով և ժամանակացույցով: Յուրաքանչյուր առարկայի օլիմպիադայի ավարտից հետո լրացված ձևաթղթերը ներկայացվելու են մարզպետարան, որտեղից էլ սահմանված կարգով կուղարկվեն ՀՀ կրթության և գիտության նախարարություն: Ձևաթղթերը ստուգելուց հետո արդյունքները տեղադրվելու են olymp.am կայքում:
Հերթական գործակարգավարական խորհրդակցությունը մարզպետ Հարություն Սարգսյանի մոտ 30.01.2018
Այսօր` հունվարի 30-ին, ՀՀ Վայոց ձորի մարզպետ Հարություն Սարգսյանի մոտ տեղի ունեցավ գործակարգավարական հերթական խորհրդակցությունը, որին մասնակցում էին մարզպետի տեղակալները, խորհրդականը, մարզպետարանի աշխատակազմի և ստորաբաժանումների ղեկավարները: Խորհրդակցության սկզբում Հ. Սարգսյանը ներկայացրեց, որ նախորդ օրը ՀՀ մարզպետների մասնակցությամբ ՀՀ ՏԿԶ նախարար Դավիթ Լոքյանի մոտ քննարկվել են 2017թ․ դեկտեմբերի 7-ին Դիլիջանում կազմակերպված համայնքների խորհրդաժողովի ժամանակ Հանրապետության Նախագահի կողմից հնչեցված հանձնարարականների կատարման ընթացքը։ Մարզպետը նշեց, որ քննարկվել են տեղական բյուջեների հավաքագրման խնդիրները և դրանց լուծման հնարավորությունները, ինչպես նաև համայնքներին սուբվենցիաների տրամադրման կարգը և մի շարք այլ հարցեր: Մարզպետ Հ. Սարգսյանը տեղեկացրեց, որ քննարկվել են նաև մարզպետարանների 2018թ․ տարեկան աշխատանքային պլանները և նշվել ՏԱՊ-ի յուրաքանչյուր բաժնի համար սահմանված ցուցանիշերի բարելավման նպատակով ձեռնարկելիք անհրաժեշտ գործողությունները, տարվա ընթացքում: Հ.Սարգսյանը հանձնարարեց
Աշխատանքային խորհրդակցություններ ՀՀ Վայոց ձորի մարզպետ Հարություն Սարգսյանի գլխավորությամբ 30.01.2018
Այսօր ՀՀ Վայոց ձորի մարզպետ Հարություն Սարգսյանի մոտ տեղի ունեցան խորհրդակցություններ Արենի և Գլաձոր խոշորացված համայնքների ղեկավարների և ֆինանսական բաժնի պատասխանատուների հետ, որոնց ներկա էին ՀՀ Վայոց ձորի մարզպետի տեղակալ Սամվել Թարվերդյանը, մարզպետարանի աշխատակազմի ֆինանսական և սոցիալ-տնտեսական զարգացման վարչության, գյուղատնտեսության և բնապահպանության վարչության, տեղական ինքնակառավարման և հանրապետական գործադիր մարմինների հարցերով վարչության և հողաշինության և հողօգտագործման բաժին-մարզային հողային պետական տեսչության պետերը: Խորհրդակցությունների ընթացքում քննարկվեցին համայնքների 2018 թվականի բյուջետային գործընթացի կազմակերպման հետ կապված հարցեր: Մարզի ղեկավարը նշեց, որ համայնքների բյուջեների կազմման ընթացքում հարկավոր է մեծացնել եկամտային մասը, իսկ ծախսերը հնարավորինս կրճատել: Ստացված եկամուտները հարկավոր է ուղղել ֆոնդային բյուջե, որը հնարավորություն կտա համայնքներում առավել մեծ թվով սոցիալական ծրագրեր իրականացնել: Գյուղատնտեսական հիմնախնդիրների քննարկման ժամանակ կարևորվեց նորագույն տեխնոլոգիաների կիրառման, ինտենսիվ այգիների ընդլայնման, կաթիլային ոռոգման և հակակարկտային համակարգերի ներդրման հարցը: Քննարկում ծավալվեց նաև համայնքներում հողերի օտարման և վարձակալության հետ կապված հարցերի շուրջ: Խորհրդակցությունների ժամանակ անդրադարձ կատարվեց համայնքապետարանների հաստիքացուցակների ձևավորման և համապատասխան ոլորտների մասնագետներ ունենալու խնդրին: Կարևորվեց համայնքապետարաններում սոցիալական աշխատողի ինստիտուտի կայացման խնդիրը: Նշենք, որ 2018 թվականի սկզբին մարզի Եղեգնաձոր, Արենի, Գլաձոր, Ջերմուկ և Եղեգիս համայքներում արդեն իսկ կան սոցիալական աշխատողներ: Հանդիպումների ընթացքում արծարծվեցին համայնքների զարգացման ծրագրերի մշակման, ինչպես նաև աղբահանության և սանիտարական մաքրման աշխատանքների ինքնածախսածածկման եղանակով իրականացնելու հարցերը: Խոսվեց նաև համայնքների թվայնացման հետ կապված հիմանխնդրի մասին, մասնավորապես համայնքներում ավագանու նիստերի և մասսայական միջոցառումների օնլայն հեռարձակման անհրաժեշտության մասին:
