Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետի տեղակալ Ռազմիկ Տոնոյանն այցելել է Գլաձոր համայնքի Գետափ բնակավայր 22.08.2018
Օգոստոսի 22-ին Վայոց ձորի մարզպետի տեղակալ Ռազմիկ Տոնոյանը աշխատանքային այցով Գետափ բնակավայրում էր: Այցի ընթացքում Ռ. Տոնոյանին ուղուկցեում էին ՀՀ Վայոց ձորի մարզպետարանի աշխատակազմի ՏԻ և ՀԳՄ հարցերով վարչության պետ Աղվան Հարությունյանը և Գլաձոր համայնքի ղեկավար Արմեն Մովսիսյանը: Այցի նպատակն էր Գլաձոր համայնքի Գետափ բնակավայրի բնակիչ Գրիգոր Արամյանի դիմումում բարձրացված խնդրահարույց հարցերի քննարկումը և քննարկման արդյունքում խնդրի լուծման հնարավոր ուղիների բացահայտումը: Քնարկմանը մասնակցում էին Գետափ բնակավայրի վարչական ղեկավար Արամ Մովսիսյանը, Գլաձոր համայնքի ավագանու անդամները, Գլաձորի համայնքապետարանի աշխատակազմի աշխատակիցները, Գետափ բնակավայրի բնակիչները: Քաղաքացի Գրիգոր Արամյանի կողմից բարձրացված հարցի էությունը մասնավորապես կայանում էր նրանում, որ իրեն սեփականության իրավունքով պատկանող հողատարածքում անասնագոմ կառուցելու թույլտվություն ստանալու հարցը չէր լուծվում` մի շարք օբյեկտիվ և սուբյեկտիվ պատճառներով պայմանավորված: Քննարկման արդյունքում բազմակողմանիորեն վեր հանվեցին համայնքի տեղական ինքնակառավարման մարմիններին, դիմումատուին և Գետափ բնակավայրի բնակիչներին հուզող մի շարք խնդիրներ. տրվեցին խնդիրների կարգավորման ուղղությամբ ձեռնարկվելիք միջոցների իրավական կարգավորումներ:
ՀՀ մշակույթի նախարարը ծանոթացավ Վայոց ձորի մարզի մշակութային օջախների աշխատանքներին 20.08.2018
Օգոստոսի 18-ին ՀՀ Վայոց ձորի մարզպետ Արագած Սաղաթելյանը հյուրընկալեց ՀՀ մշակույթի նախարար Լիլիթ Մակունցին: Նախարարին ուղեկցում էին նախարարի տեղակալներ Նազենի Ղարիբյանը, Տիգրան Գալստյանը, Վահե Բուդումյանը և նախարարի խորհրդական Ռաֆիկ Մովսիսյանը: Մարզպետի մոտ կայացած խորհրդակցությանը ներկա էին ՀՀ Վայոց ձորի մարզպետի տեղակալ Նանե Ասատրյանը, մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը և վարչության գլխավոր մասնագետ Աղասի Հովհաննիսյանը: Մարզի ղեկավարը ողջունեց նախարարին և աշխատանքային խմբին՝ շնորհակալություն հայտնելով այցի համար: Նախարար Լ. Մակունցը նկատեց, որ այցի նպատակը մարզի մշակութային օջախներին ծանոթանալն է, եղած խնդիրների վեր հանումը և հնարավոր լուծումներ գտնելը: Աշխատանքային խմբի առաջին կանգառը Եղեգնաձորի թիվ 1 հիմնական դպրոցում էր, որտեղ նախկին սպորտհրապարակում դպրոցի նոր շենքի կառուցման շինհրապարակին կից հայտնաբերվել է գինու հնձան: Այստեղ շինարարությունը ժամանակավորապես դադարեցվել է: Լիլիթ Մակունցը նշեց, որ շինարարական աշխատանքները շարունակելու ընթացքում հարկ է այնպիսի լուծում գտնել, որպեսզի հնագույն գտածոներին վնաս չհասցվի, քանի որ բոլորիս պարտքն է ուշադրության և հոգածության կենտրոնում պահել մեր մշակութային ժառանգությունը:
<<Սերսի խենթը>> 20.08.2018
Օգոստոսի 18-ին ՀՀ Վայոց ձորի մարզ կատարած աշխատանքային այցի շրջանակներում ՀՀ մշակույթի նախարար Լիլիթ Մակունցը ՀՀ Վայոց ձորի մարզպետ Արագած Սաղաթելյանի, մարզպետի տեղակալ Նանե Ասատրյանի և Զառիթափ խոշորոցված համայնքի ղեկավար Սիմոն Բաբայանի ուկեցությամբ այցելեց Զառիթափ համայնքի Սերս բնակավայր: Առիթը առավել քան հուզիչ ու կարևոր էր: Աշխատանքային խումբն այցելեց >-ին: Վահրամ Միքայելյան կամ > տաղանդավոր նկարիչը, ծնվել է Սերս գյուղում, սովորել է Փ. Թերլեմեզյանի անվան գեղարվեստի ուսումնարանում: Ուսումնառության տարիներին, այնուհետև Վայք քաղաքում գտնվող իր արվեստանոցում, մինչև 1992 թվականը, նրա վրձնի հարվածներից ծնվել են բազմաթիվ գլուխգործոցներ: 1992թ.-ին, Արցախյան հերոսամարտի տարիներին, Վայքի կամավորական ջոկատի հետ Վահրամը մեկնում է Լաչին և ինքնապաշտպանական մարտերի ընթացքում ծանր վիրավորվում: Վնասվում է Վահրամի աջ ձեռքը և նա այլևս չի կարողանում վրձին վերցնել և ստեղծագործել: Սա է պատճառը, որ զրկվելով ստեղծագործելու ունակությունից, Վահրամ Միքայելյան տաղանդավոր մարդը մեկուսացել է հասարակությունից և գրեթե չի խոսում, խոսելիս էլ՝ միայն հարազատների հետ: ՀՀ մշակույթի նախարար Լ. Մակունցը, արժևորելով և կարևորելով Վահրամի աշխատանքները, ասաց, որ առաջիկայում կկազմակերպվի >-ի նկարների ցուցահանդես Երևանում: Իսկ մինչ այդ, մոտ օրերս, կկազմակերպվի ցուցահանդես Եղեգնաձորի պատկերասրահում: Նշենք, որ դեռևս 2016 թվականին Երևանում կազմակերպվել է Վահրամ Միքայելյանի նկարների ցուցահանդես:
Կայացավ քաղաքացիների օգոստոս ամսվա ընդունելությունը 20.08.2018
2018 թվականի օգոստոսի 10-ին ՀՀ Վայոց ձորի մարզպետարանում տեղի ունեցավ քաղաքացիների հերթական ընդունելությունը: Ընդունելության էին եկել 138 քաղաքցիներ: Ընդունելության եկած քաղաքացիներից 135-ը դիմել էին դրամական աջակցության խնդրանքով, որոնց խնդրանքը բավարարվել է: Մեկ քաղաքացի դիմել էին այլ հարցերով, մեկը աշխատանքի տեղավորման խնդրանքով, մեկը՝ վթարային բնակարանի խնդրով: Նշված քաղաքացիների խնդրանքը բավարարելու նպատակով ՀՀ Վայոց ձորի մարզպետ Արագած Սաղաթելյանը հանձնարարություն է տվել համապատասխան ստորաբաժանումների ղեկավարին: Հարցերը գտնվում են լուծման փուլում:
Օգոստոսի 16-ին ՀՀ տարաքային կառավարման և զարգացման նախարարի տեղակալ Դավիթ Գևորգյանը աշխատանքային այցով Վայոց ձորի մարզում էր: Դավիթ Գևորգյանի մասնակցությամբ ՀՀ Վայոց ձորի մարզպետ Արագած Սաղաթելյանի մոտ տեղի ունեցած խորհրդակցության ընթացքում քննարկվեց Եղեգնաձորի թիվ 1 հիմնական դպրոցի նախկին սպորտհրապարակում դպրոցի նոր շենքի կառուցման շինհրապարակին կից հայտնաբերված վաղ շրջանի գինու հնձանի և հնածո իրերի պատճառով ժամանակավորապես դադարեցված շինարարական աշխատանքների վերսկսման հնարավոր տարբերակները: Հանդիպմանը մասնակցում էին ՀՀ Վայոց ձորի մարզպետի տեղակալ Նանե Ասատրյանը, Հայաստանի տարածքային զարգացման հիմնադրամի տնօրեն Աշոտ Կիրակոսյանը, Եղեգնաձորի Երկրագիտական թանգարանի տնօրեն Կարեն Ազատյանը և շահագրգիռ այլ անձինք: Աշխատանքային խումբն անցելեց շինարարական հրապարակ՝ տեղում ծանոթանալու տիրող իրավիճակին և հետագա աշխատանքները պատշաճ կերպով կարգավորելու և խնդրին հիմնավոր լուծում տալու համար: Նշենք, որ այդ հիմնախնդրի լուծման հետ կապված աշխատանքների և դրանց հետագա ընթացքի մասին կտեղեկացնենք ավելի ուշ:
Մարզի ղեկավարն այցելեց Արենի համայնքի 92 ամյա բնակիչ Աղավնիկ Վարդանյանին 17.08.2018
Այսօր ՀՀ Վայոց ձորի մարզպետ Արագած Սղաղթելյանն այցելեց Արենի համայնքի Ռինդ բնակավայրի բնակիչ 92 ամյա Աղավիկ Վարդանյանին: Բանն այն է, որ Աղավնիկ Վարդանյանը դիմել էր մարզի ղեկավարին և ընդունելություն խնդրել պարոն Սաղաթելյանից: Հաշվի առնելով Աղավնիկ տատիկի տարիքը և առողջական վիճակը, որոշում կայացվեց այցելել Ռինդ և ծանոթանալ Աղավնիկ տատիկին հուզող հարցերին և սոցիալական վիճակին: Մարզպետին այցի ժամանակ ուղեկցում էին Արենի համայնքի ղեկավար Հուսիկ Սահակյանը և ՀՀ Վայոց ձորի մարզպետարանի աշխատակազմի ընտանիքի, կանանց և երեխաների իրավունքների պաշտպանության բաժնի պետ Արամ Գրիգորյանը: Հարկ է նշել, որ հանդիպումն անցավ սրտառուչ, անկաշկանդ և հուզիչ մթնոլորտում: Աղավնիկ տատիկը պատմեց 1941 թվականին սկսված պատերազմի ժամանակ կրած իր զրկանքների, սովի, մտերիմների մահվան և տառապանքների մասին: Բայց միևնույն ժամանակ իր հուզմունք ու ուրախությունը չէր կարողանում թաքցնել ու անդադար շեշտում էր. >: Մարզպետ Ա. Սղաթելյանը հետաքրքրվերց. >: Աղավնիկ տատից իմացանք, որ 16 թոռ ու 37 ծոռ ունի: >,- հարցրեց մարզի ղեկավարը: Աղավնիկ տատն ասաց, որ լսողությունից է դժգոհում: Ա. Սղաթելյանը խոստացավ աջակցել լսողական սարք տրամադրելու հարցում:
