Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

ՀՀ Վայոց ձորի մարզում կմեկնարկի տեխնոլոգիական ոլորտի մասնագիտական կրթական ծրագիր

01.02.2019

  Այսօր ՀՀ Վայոց ձորի մարզպետ Տրդատ Սարգսյանը հյուրընկալել էր Գյումրիի տեղեկատվական տեխնոլոգիաների կենտրոնի տնօրեն Ամալյա Եղոյանին: Հանդիպմանը մասնակցում էր նաև ՀՊՏՀ Եղեգնաձորի մասնաճյուղի տնօրեն Արփինե Հովակիմյանը: Հանդիպման ընթացքում ՀՀ Վայոց ձորի մարզպետարանը՝ ի դեմս Մարզպետ Տրդատ Սարգայանի, Գյումրիի տեղեկատվական տեխնոլոգիաների կենտրոնը՝ ի դեմս տնօրեն Ամալյա Եղոյանի և ՀՊՏՀ Եղեգնաձորի մասնաճյուղը՝ ի դեմս Արփինե Հովակիմյանի եռակողմ հուշագիր ստորագրեցին ՀՀ Վայոց ձորի մարզում տեխնոլոգիական ոլորտի մասնագիտական կրթական ծրագրի իրականացման մասին:
Ծրագրի նպատակն է՝ նպաստել Վայոց ձորի մարզում ՏՏ ոլորտի զարգացմանը և աջակցել ոլորտում աշխատող երիտասարդների գործունեության արդյունավետության բարձրացմանը:
Մարզպետ Տ. Սարգսյանը ողջունելով հյուրերին, իր խոսքում մասնավորապես նշեց՝ <Մարզերի զարգացումը չափազանց կարևոր ռազմավարակն խնդիր է, որը բխում է մեր պետության շահերից: Նման ծրագրերը հնարավորություն են տալիս մարզաբնակ երիտասարդությանն իրենց ապագան պատկերացնել հայրենի մարզում և հնարավորինս նպաստել դրա զարգացմանը: Տեխնոլոգիաները չեն ճանաչում աշխարհագրություն և դրանց տարածումը կարող է էապես նպաստել մարզերի համաչափ զարգացմանը՝ լուծելով նաև մարզերի բնակիչների զբաղվածության հարցը>:
<Եղեգնաձորը Գավառից հետո երկրորդ քաղաքն է, որտեղ մարտի 1-ից կմեկնարկեն տեխնոլոգիական ոլորտի մասնագիտական կրթական ծրագրեր: Մենք վստահ ենք, որ Վայոց ձորի երիտասարդության համար սա լիարժեք հնարավորություն է տեխնոլոգիական կրթություն ստանալու և մարզի արագ տեմպերով զարգանալուն նպաստելու առումով:>,- հավելեց Գյումրիի տեղեկատվական տեխնոլոգիաների կենտրոնի տնօրեն Ամալյա Եղոյանը:
Ծրագիրը, որը տևելու է 8 ամիս, համաֆինասավորվելու է Հայ Օգնության Ֆոնդի կողմից: Դիմելու վերջնաժամկետը փետրվարի 25-ն է (ներառյալ): Հարկավոր է գրանցվել հետեւյալ հղումով՝ http://gitc.am/regions/vayots-dzor: Մասնակիցների ընտրությունը կկատարվի հարցազրույցի միջոցով:
Բոլոր խմբերի համար մասնակցությունը անգլերեն լեզու, ալգորիթմների տեսություն եւ դիսկրետ մաթեմատիկա դասընթացներին պարտադիր է:
Դասընթացը հաջողությամբ ավարտած շրջանավարտները կստանան ավարտական վկայականներ, ինչպես նաև հնարավորություն կունենան համագործակցել ՏՏ և ճարտարագիտության ոլորտի լավագույն մասնագետների ու ընկերությունների հետ:

Դասընթացի ավարտից հետո մասնակիցները հնարավորություն կունենան երկամսյա պրակտիկա անցնել, ամրապնդել ստացած տեսական ու գործնական գիտելիքները և ծանոթանալ աշխատաշուկայի հետ:

 

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 16:08:58