Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սեմինար-քննարկում ՀՀ Վայոց ձորի մարզպետի աշխատակազմում 06.12.2024
Դեկտեմբերի 4-ին Վայոց ձորի մարզպետի աշխատակազմում ՀՀ ՆԳՆ ՓԾ Վայոց ձորի մարզային փրկարարական վարչության պետ Հակոբ Սարգսյանը և Զորահավաքային նախապատրաստության բաժնի պետ Վանիկ Խուդավերդյանը համատեղ անցկացրել են սեմինար-քննարկում մարզպետի աշխատակազմի, տեղական ինքնակառավարման մարմինների, բնակավայրերի վարչական ղեկավարների և մարզային ծառայությունների պետերի հետ:
Քննարկվել են Եղեգիս համայնքին առնչվող մի շարք հարցեր 05.12.2024
Դեկտեմբերի 4-ին ՀՀ Վայոց ձորի մարզպետ Կոլյա Միքաելյանի նախաձեռնությամբ տեղի ունեցավ հանդիպում-քննարկում Եղեգիսի համայնքապետարանի աշխատակազմի, համայնքի վարչական ղեկավարների, դպրոցների տնօրենների հետ։ Հանդիպմանը մասնակցում էին նաև մարզպետի տեղակալ Բ. Սողոմոնյանը, գլխավոր քարտուղար Ա. Հարությունյանը, մարզպետի աշխատակազմի ստորաբաժանումների ղեկավարները։
Հանդիպում Ջերմուկում գործող առողջարանների, հյուրանոցների և հյուրատների ներկայացուցիչների հետ 04.12.2024
Դեկտեմբերի 3-ին Վայոց ձորի մարզպետ Կոլյա Միքաելյանը և Ջերմուկ համայնքի ղեկավար Վահագն Արսենյանը համայնքապետարանում հանդիպեցին Ջերմուկում գործող առողջարանների, հյուրանոցների և հյուրատների ներկայացուցիչների հետ։ Քննարկվել են 2025 թվականին Ջերմուկում նախատեսվող Համահայկական ձմեռային խաղերին, ինչպես նաև ոլորտի զարգացման և ընդլայնման հեռանկարներին, քաղաքի՝ որպես առողջարանային և զբոսաշրջային կենտրոնի ներուժի լիարժեք օգտագործմանն առնչվող մի շարք հարցեր։
Հարգելի՛ հայրենակիցներ, դեկտեմբերի 3-ը Հաշմանդամություն ունեցող անձանց միջազգային օրն է։ Այն ուղերձ է հանրությանը, պետությանը և անհատին․ հաշմանդամություն ունեցող յուրաքանչյուր անձ իրավունք ունի համընդհանուր ներառման, ինչպես նաև լիարժեք կերպով և հավասար սկզբունքներով ընդգրկվելու կյանքի բոլոր ոլորտներում։ Հաշմանդամություն ունեցող անձանց աջակցելն ու սատարելը, նրանց համար արժանապատիվ կենսապայմաններ ապահովելը, իրավունքները պաշտպանելը պետք է լինեն պատկան կառույցների աշխատանքի անբաժանելի մասը, նրանց նկատմամբ հոգածություն ցուցաբերելը՝ յուրաքանչյուրիս բարոյական պարտականությունը։
<<Կոմիտասից Ազնավուր>> խորագրով համերգ Եղեգնաձորի մշակույթի կենտրոնում 03.12.2024
ՀՀ Վայոց ձորի մարզպետ Կոլյա Միքաելյանը օրերս ներկա գտնվեց Եղեգնաձորի մշակույթի կենտրոնում > երաժշտական ստուդիայի՝ > խորագրով համերգին (գեղարվեստական ղեկավար, Եղեգնաձորի մշակույթի կենտրոնի տնօրեն՝ Մարո Սիմոնյան)։ Հայ և համաշխարհային երաժշտության և երգարվեստի երկու հզոր անհատականությունների 155-ամյա և 100-ամյա հոբելյաննների շրջանակում կազմակերպված համերգի ժամանակ ստուդիայի սաները գեղարվեստական հրաշալի կատարումներով հանդիսատեսին պարգևեցին հիացմունք և բավականություն։
ՀՀ Վայոց ձորի մարզի ծննդօգնություն իրականացնող բուժհաստատությունում՝ >-ում, նոյեմբեր ամսին գրանցվել է 11 ծնունդ, որից՝ 7 տղա, 4 աղջիկ։ Կատարվել է 2 կեսարյան հատում։
