Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Խոզանների և չորացած տերևների այրումը կարող է անդառնալի հետևանքներ ունենալ 01.12.2025
Մեր հանրության շրջանում թյուր կարծիք կա, որ գյուղատնտեսական աշխատանքներին ընդառաջ կամ հետո խոզանների ու բուսական մնացորդների այրումը նպաստում է հողի որակական հատկանիշների բարելավմանը։ Հարգելի քաղաքացինե՛ր, այրելով խոզանները դուք պարզապես նպաստում եք շրջակա միջավայրի կարևորագույն բաղադրիչների ոչնչացմանը, և մասնավորապես՝ հողի որակական հատկությունների կորստին: Բացի շրջակա միջավայրին հասցվող այլ վնասները և վտանգների առաջացումը, կրակը վատթարացնում է հողի օրգանական կազմը, նվազեցնում...
Տեղի ունեցան <<Դպրոցականների վոլեյբոլի լիգա>> մարզական խաղերի մարզային փուլի մրցույթները 01.12.2025
Նոյեմբերի 27-ին և 28-ին Վայքի մարզադպրոցում Վայոց ձորի մարզպետի աշխատակազմի կրթության, մշակույթի և սպորտի վարչության համակարգմամբ տեղի ունեցան ՀՀ վարչապետի հովանու ներքո անցկացվող > մարզական խաղերի մարզային փուլի մրցույթները։ 6-7-րդ դասարանների տարիքային խմբում լավագույնը Վայքի հիմնական դպրոցի թիմն էր։ 2-րդ հորիզոնականը զբաղեցրեց Գետափի միջնակարգ դպրոցի թիմը, իսկ 3-րդ հորիզոնականը՝ Ջերմուկի թիվ 3 միջնակարգ դպրոցի թիմը։
Իրազեկում 28.11.2025
Հարգելի՛ քաղաքացիներ, այս հղմամբ կարող եք ծանոթանալ ՀՀ կառավարության ենթակա մարմինների կողմից հրապարակված հասարակական խորհուրդների ձևավորման հայտարարությունների ցանկերին։ Միաժամանակ հավելում ենք, որ հասարակական խորհուրդներում կարող են ներգրավել համայնքային հասարակական կազմակերպությունները և փորձագետները՝ համաձայն ՀՀ վարչապետի սեպտեմբերի 22-ի N 835-Լ որոշման՝ https://www.arlis.am/hy/acts/212663
Տեղի կունենա Եղեգնաձորի ավագանու հերթական նիստը 27.11.2025
Տեղեկացնում ենք , որ սույն թվականի նոյեմբերի 28-ին՝ ժամը 18։00-ին, Եղեգնաձորի համայնքապետարանում տեղի կունենա Եղեգնաձոր համայնքի ավագանու նիստը։ Նիստի օրակարգի նախագիծը՝ հղմամբ։
Հրդեհի կանխման ուղղությամբ իրականացվում են անհրաժեշտ գործողություններ 26.11.2025
Վայոց ձորի մարզի Եղեգնաձոր քաղաքի և Ջերմուկ քաղաքի «Զիրակ» կոչվող աղբավայրերում այս պահին տեղի ունեցող հրդեհների հետևանքով առաջացած ծուխը որոշ անհարմարություններ է պատճառում բնակիչներին։ Խնդիրը գտնվում է վերահսկողության տակ։ Հրդեհի կանխման ուղղությամբ իրականացվում են անհրաժեշտ գործողություններ։
Մարզպետի աշխատակազմում իրականացվել է քաղաքացիների ընդունելություն 26.11.2025
Այսօր Վայոց ձորի մարզպետի տեղակալ Վասիլ Ասլանյանը մարզպետի աշխատակազմում իրականացրել է քաղաքացիների ընդունելություն։ Ընդունելությանը մասնակցել են նաև մարզպետի խորհրդական Հայկ Ավագյանը, մարզպետի աշխատակազմի առողջապահության և սոցիալական ոլորտի հարցերի վարչության գլխավոր մասնագետ Ցողիկ Բաբայանը։ Քաղաքացիները մարզպետի տեղակալին դիմել են տարաբնույթ հարցերով։ Բարձրացված հարցերն արձանագրվել են, տրվել անհրաժեշտ պարզաբանումներ, իսկ որոշ հարցերի լուծման ուղղությամբ՝ համապատասխան հանձնարարականներ։
