Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի կունենա Վայոց ձորի մարզի Ջերմուկ համայնքի ավագանու նիստը 16.02.2026
Տեղեկացնում ենք, որ ՀՀ Վայոց ձորի մարզի Ջերմուկ համայնքի ավագանու նիստը տեղի կունենա սույն թվականի փետրվարի 18-ին՝ ժամը 12։00-ին, Ջերմուկի համայնքապետարանում։ Նիստի օրակարգի նախագիծը՝ հղմամբ։
Փետրվարի 13-ին ՀՀ Վայոց ձորի մարզպետ Վահագն Արսենյանն ընդունել է ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիին։ Հանդիպման ընթացքում քննարկվեցին երկկողմ հետաքրքրություն ներկայացնող մի շարք հարցեր, մասնավորապես՝ Եվրոպական Միության դիտորդական առաքելության (EUMA) գործունեության ընթացքը, Ղարաբաղից տեղահանված անձանց ցուցաբերվող աջակցության ծրագրերը, Ֆրանկոֆոնիայի շրջանակում համագործակցության խորացման հնարավորությունները, Խաղողագործության ոլորտում փորձի փոխանակման և զարգացման հեռանկարները,Վայոց ձորի մարզի և Օ-դը-Ֆրանս շրջանի, ինչպես նաև 1997 թվականից քույր քաղաքներ համարվող Ջերմուկի և ֆրանսիական Սեն Ռաֆայելի միջև համագործակցության ամրապնդման հեռանկարները։
Այսօր ՀՀ Վայոց ձորի մարզպետ Վահագն Արսենյանն ընդունել է ՀՀ-ում ԵՄ դիտորդական առաքելության ղեկավար Մարկուս Ռիտերին, ով ավարտում է իր պաշտոնավարումը Հայաստանում։ Մարզպետը շնորհակալություն է հայտնել Մարկուս Ռիտերին տարածաշրջանում խաղաղության գործընթացի, կայունության պահպանման և անվտանգության ապահովման գործում նրա ղեկավարությամբ առաքելության անդամների կարևոր դերակատարման և հետևողական ջանքերի ներդրման համար։ ԵՄ դիտորդական առաքելության ղեկավարը ևս շնորհակալություն է հայտնել մարզպետին՝ բարձր գնահատելով մարզային իշխանությունների պատրաստակամությունը տարբեր աշխատանքներում ցուցաբերած աջակցության համար։
Աշխատանքային քննարկում վարչատարածքային բաժանման նոր առաջարկների շուրջ 13.02.2026
Փետրվարի 13-ին Վայոց ձորի մարզպետի աշխատակազմում տեղի ունեցավ աշխատանքային քննարկում վարչատարածքային բաժանման նոր առաջարկների շուրջ։ Քննարկմանը մասնակցել էին Վայոց ձորի մարզպետ Վահագն Արսենյանը, ՀՀ տարածքային կառավարման և ենթակառուցվածքների նախարարության տեղական ինքնակառավարման քաղաքականության վարչության պետ Աշոտ Գիլոյանը, մարզպետի աշխատակազմի ներկայացուցիչները, Արենի, Եղեգնաձոր, Եղեգիս համայնքների ղեկավարները և առաջին տեղակալները։
Տեղի կունենա Վայոց ձորի մարզի Վայք համայնքի ավագանու նիստը 06.02.2026
Տեղեկացնում ենք, որ ՀՀ Վայոց ձորի մարզի Վայք համայնքի ավագանու նիստը տեղի կունենա սույն թվականի փետրվարի 11-ին՝ ժամը 18։30-ին, Վայքի համայնքապետարանում։ Նիստի օրակարգի նախագիծը՝ հղմամբ։
Իրազեկում 05.02.2026
Վարչապետի աշխատակազմի քաղաքացիական ծառայության գրասենյակը 2026 թվականի փետրվարի 2-ին https://cso.gov.am/ կայքում հրապարակել է հայտարարություն՝ քաղաքացիական ծառայության մասնագիտական պաշտոնների 6-րդ, 7-րդ և 8-րդ ենթախմբերի պաշտոնները զբաղեցնելու համար վարկանիշային ցուցակ կազմելու համար անցկացվող թեստավորման մասին: Թեստավորմանը մասնակցելու համար դիմումներն ընդունվում են 2026 թվականի փետրվարի 2-ից մինչև 2026 թվականի փետրվարի 16-ը ներառյալ:
