Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Իրազեկման հանդիպում Եղեգիս համայնքում 17.06.2024
ՀՀ Վայոց ձորի մարզպետ Կոլյա Միքաելյանը, մարզպետի տեղակալ Արսեն Խաչատրյանը և Եղեգիս համայնքի ղեկավարի տեղակալ Սամվել Մարտիրոսյանը Եղեգիս համայնքում հանդիպեցին Լեռնային Ղարաբաղից բռնի տեղահանված և համայնքում բնակություն հաստատած անձանց հետ։ Հանդիպման նպատակը վերջիններիս «ՀՀ կառավարության 2024 թվականի մայիսի 16-ի թիվ 710 - լ որոշման»՝ Լեռնային Ղարաբաղից բռնի տեղահանված ընտանիքների բնակարանային ապահովման պետական աջակցության ծրագրի և դրա իրականացման արդեն հաստատված կարգի մասին իրազեկելն էր, այլ ընթացիկ խնդիրների անդրադառնալը։
Նորոգվում է Վայոց ձորի մարզի Եղեգիսի Զորաց եկեղեցին․ ԿԳՄՍՆ 13.06.2024
Պետության-մասնավոր համագործակցության շրջանակում և «Խորան» հիմնադրամի միջոցներով մեկնարկել են Վայոց ձորի մարզի Զորաց վանքի Սուրբ Ստեփանոս եկեղեցու, գավթի, պարսպապատերի և կցակառույց կացարանների ամրակայման, նորոգման և տարածքի բարեկարգման աշխատանքները: Հիշեցնենք, որ նախագիծը քննարկվել էր 2023 թվականի մարտին կայացած գիտամեթոդական խորհրդի նիստում և արժանացել հավանության:
Մարզի մի շարք բուժհաստատություններում կազմակերպվեցին բաց դռների օրեր երեխաների համար 13.06.2024
> Միացյալ մանկական բարեգործական հիմնադրամի կողմից Յունիսեֆի և ՀՀ առողջապահության նախարարության հետ համագործակցությամբ երեխաների առողջապահական կարիքների գնահատման, քրոնիկ հիվանդությունների և զարգացման խնդիրների հայտնաբերման, հետագա բուժման կազմակերպման նպատակով իրականացվող ծրագրի շրջանակներում ՀՀ Վայոց ձորի մարզպետի աշխատակազմի առողջապահության և սոցիալական ոլորտի հարցերի վարչության աջակցությամբ /գլխավոր մասնագետ՝ Լիլիա Կարապետյանի համակարգմամբ/ հունիսի 7-ին Վայքի պոլիկլինիկայում 50-ից ավելի և հունիսի 8-ին Զառիթափի առողջության առաջնային պահպանման կենտրոնում 30-ից ավելի երեխաների համար իրականացվեցին մի շարք հետազոտություններ։
Տեղի կունենա Վայք համայնքի ավագանու հերթական նիստը 12.06.2024
Տեղեկացնում ենք, որ 2024 թվականի հունիսի 14-ին՝ ժամը 15։30-ին, Վայքի համայնքապետարանի նիստերի դահլիճում տեղի կունենա Վայք համայնքի ավագանու հերթական նիստը։ Նիստի օրակարգին կարող եք ծանոթանալ այս հղումով։
Տեղի կունենա Եղեգնաձոր համայնքի ավագանու հերթական նիստը 10.06.2024
Տեղեկացնում ենք, որ 2024 թվականի հունիսի 14-ին՝ ժամը 18։00-ին, Եղեգնաձորի համայնքապետարանում տեղի կունենա համայնքի ավագանու հերթական նիստը։ Նիստի օրակարգին կարող եք ծանոթանալ հետևյալ հղմամբ։
Օրերս Ջերմուկի կրթահամալիրում ՀՀ Վայոց ձորի մարզպետի տեղակալ Արսեն Խաչատրյանի ու Ջերմուկ համայնքի ղեկավարի տեղակալ Վարդան Սարգսյանի գլխավորությամբ տեղի ունեցավ հանդիպում ԼՂ-ից բռնի տեղահանված և Ջերմուկում բնակություն հաստատած անձանց հետ։ Հանդիպմանը մասնակցում էին նաև ՀՀ Վայոց ձորի մարզպետի աշխատակազմի առողջապահության և սոցիալական ոլորտի հարցերի գլխավոր մասնագետ Ցողիկ Բաբայանը և Ջերմուկի համայնքապետարանի սոցիալական աշխատող Մոմիկ Մարգարյանը։ Հանդիպման ընթացքում ներկայացվեցին ԼՂ-ից բռնի տեղահանված ընտանիքների բնակարանային ապահովման պետական աջակցության ծրագրի մանրամասները, շահառու դառնալու պայմանները, տրամադրվող աջակցության եղանակները, ընթացակարգի հետ կապված այլ հարցեր։
