Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի կունենա Վայք համայնքի ավագանու նիստը 11.09.2025
Տեղեկացնում եմ, որ սույն թվականի սեպտեմբերի 12-ին՝ ժամը 16։00-ին, Վայքի համայնքապետարանում տեղի կունենա Վայք համայնքի ավագանու նիստը։
Առողջ ապրելակերպի հանրային իրազեկման արշավը Վայոց ձորում 10.09.2025
Սեպտեմբերի 9-ին Վայոց ձորի մարզի Արենի համայնքի Ռինդ բնակավայրում տեղի ունեցավ Առողջապահության նախարարության կողմից ՔՈԱՖ-ի և Պարենի համաշխարհային ծրագրի աջակցությամբ իրականացվող «Հանրային առողջության պահպանման» ծրագրի «Առողջ ապրելակերպի և ծխելու դեմ պայքարի միջոցառումների» շրջանակում հանրային իրազեկման արշավ։ Հայաստանի Հանրապետության 10 մարզերում և մայրաքաղաքում իրականացվող արշավների նպատակն է հանրության շրջանում բարձրացնել իրազեկվածությունն առողջ ապրելակերպի վերաբերյալ, խրախուսել առողջ սննդի պատրաստումը, ֆիզիկական ակտիվությունը և առողջ վարքագծի ձևավորումը։
ՀՀ ՆԳՆ Փրկարար ծառայության հարգելի՛ աշխատակիցներ, համակարգի վետերաններ, շնորհավորում եմ ձեզ մասնագիտական տոնի՝ Փրկարարի օրվա առթիվ։ Ձեր ընտրած մասնագիտության և աշխատանքի մեջ մեկտեղվում են մասնագիտական գիտելիքները և հմտությունները, մարդկային բարձր արժեքները և լավագույն մղումները։ Այն կոչում է և առաքելություն, երբ հավասարաչափ կարևորվում են նաև քաջությունը և խիզախությունը, կարեկցանքն ու անասելի պատասխանատվությունը, արագ կողմնորոշվելու և օպերատիվ գործելու կարողությունները։
ԻՐԱԶԵԿՈՒՄ 04.09.2025
Վարչապետի աշխատակազմի քաղաքացիական ծառայության գրասենյակը 2025 թվականի սեպտեմբերի 2-ին https://cso.gov.am/ կայքում հրապարակել է հայտարարություն՝ քաղաքացիական ծառայության մասնագիտական պաշտոնների 6-րդ, 7-րդ և 8-րդ ենթախմբերի պաշտոնները զբաղեցնելու համար վարկանիշային ցուցակ կազմելու համար անցկացվող թեստավորման մասին: Թեստավորմանը մասնակցելու համար դիմումներն ընդունվում են 2025 թվականի սեպտեմբերի 2-ից մինչև 2025 թվականի սեպտեմբերի 16-ը ներառյալ:
Վայոց ձորի մարզպետ Կոլյա Միքաելյանը հյուրընկալել է ՀՀ -ում Ֆրանսիայի դեսպանության ներկայացուցչին 02.09.2025
Սեպտեմբերի 1-ին Վայոց ձորի մարզպետ Կոլյա Միքաելյանը մարզպետի աշխատակազմում հյուրընկալել է ՀՀ Ֆրանսիայի դեսպանության Մշակույթի և համագործակցության հարցերով խորհրդականի տեղակալ և կրթական համագործակցության հարցերով կցորդ Դոմինիկ Վեսին և քաղաքացիական կամավորների։
ՀՀ Վայոց ձորի մարզպետ Կոլյա Միքաելյանի շնորհավորական ուղերձը Գիտելիքի և դպրության օրվա առթիվ 01.09.2025
Սիրելի՛ մանկավարժներ, կրթության բնագավառի ներկայացուցիչներ, ծնողներ, աշակերտներ,ուսանողներ, ջերմորեն շնորհավորում եմ բոլորիդ Գիտելիքի և դպրության օրվա առթիվ։ Այս տոնը միշտ էլ նշել ենք հպարտությամբ և խորին ակնածանքով, քանի որ հայ ժողովրդի սերն ու հարգանքը կրթության և գիտության հանդեպ բացառիկ են եղել բոլոր ժամանակների հոլովույթում ազգային դիմագծի և արժեհամակարգի պահպանման, ինչպես նաև աշխարհի հետ համընթաց քայլելու ճանապարհին։
