Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր ՀՀ Վայոց ձորի մարզպետ Էդգար Ղազարյանի ուղեկցությամբ, ՀՀ-ում Իրանի Իսլամական Հանրապետության արտակարգ և լիազոր դեսպան Մոհամմադ Ռեիսին և ԻԻՀ Արևմտյան Ատրպատականի Խոյի կուսակալ Օլան Օսեյն Ամարին այցելեցին Եղեգնաձորի համալսարան և ներկա գտնվեցին միջոցառման բացման արարողությանը:
Խորհրդակցություն` նվիրված որսագողության դեմ պայքարի աշխատանքներին 13.11.2012
Երեկ ՀՀ Վայոց ձորի մարզպետ Էդգար Ղազարյանի մոտ կայացավ որսագողության դեմ պայքարի աշխատանքներին նվիրված խորհրդակցություն, որին մասնակցում էին ՀՀ ոստիկանության Վայոց ձորի մարզային վարչության պետի տեղակալ Արթուր Եղիազարյանը, ՀՀ բնապահպանության նախարարության աշխատակազմի բնապահպանական պետական տեսչության Վայոց ձորի տարածքային բաժնի պետ Վահիկ Գրիգորյանը, Վայոց ձորի անտառտնտեսության տնօրեն Մուրադ Հարությունյանը, Եղեգնաձորի բնապահպանական տեղեկատվության հասարակական կենտրոնի ղեկավար Նարեկ Բեգլարյանը:
Սիրելի հայրենակիցներ, 2012 թվականի նոյեմբերի 10-ին լրացավ Հայաստանի Հանրապետությունում տեղական ինքնակառավարման համակարգի կազմավորման 16-րդ տարեդարձը: Այդ կապակցությամբ սրտանց շնորհավորում եմ բոլոր համայնքների ղեկավարներին, համայնքների ավագանիների անդամներին, համայնքային ծառայողներին, համայնքային ենթակայության կազմակերպությունների աշխատակիցներին և մեր ողջ ժողովրդին: Համայնքը ոչ միայն վարչատարածքային միավոր է, այլև, նախևառաջ, բնակչության հանրույթ, որոնք տեղական իշխանությունների միջոցով իրավասու են լուծել իրենց կյանքին և կենսագործունեությանն առնչվող բազմաթիվ խնդիրներ: Այդ խնդիրների արդյունավետ լուծումով մեծապես պայմանավորված է հասարակակական հարաբերությունների զարգացումը, ինչով էլ պայմանավորված է տեղական ինքնակառավարման համակարգի մեծ դերը հանրային կառավարման համակարգում:
Կայացել է <Տարվա լավագույն համայնք> մրցանակաբաշխությունը 12.11.2012
Հայաստանում տեղական ինքնակառավարման համակարգի ձեւավորման 16-ամյակի կապակցությամբ հոկտեմբերի 10-ին անցկացվել է "Տարվա լավագույն համայնք-2012" մրցանակաբաշխությունը, որին ներկա են եղել ՀՀ փոխվարչապետ, տարածքային կառվարման նախարար Արմեն Գեւորգյանը, մարզպետներ, համայնքապետեր, ավագանու անդամներ, ՏԻ ոլորտի հասարակական կազմակերպությունների ներկայացուցիչներ: Միջոցառմանը ՀՀ Վայոց ձոր մարզպետ Էդգար Ղազարյանի գլխավորությամբ մասնակցել են մարզային պատվիրակության անդամները` մարզպետարանի աշխատակազմի ՏԻ ևՀԳՄ վարչության պետ Արամ Գրիգորյանը և քաղաքային ու գյուղական շուրջ 10 համայնքների ղեկավարներ:
Կայացավ քաղաքացիների նոյեմբեր ամսվա ընդունելությունը 09.11.2012
ՀՀ Վայոց ձորի մարզպետ Էդգար Ղազարյանը քաղաքացիների հերթական ընդունելություն կատարեց Վայքի քաղաքապետարանում` նոյեմբերի 8-ին, Վայոց ձորի մարզպետարանում` նոյեմբերի 9-ին: Վայքում ընդունելության էին եկել 35 քաղաքացիներ, որոնցից 21-ը` դրամական օգնության խնդրանքով, 3-ը` աշխատանքի տեղավորման, 11-ը` վառելիքի ձեռք բերման հարցերով: Եղեգնաձորում` 64 քաղաքացիներ, որոնցից 35-ը` դրամական օգնության խնդրանքով, 4-ը` շենք-շինության և հողի , 22-ը` վառելիքի ձեռք բերման, 3-ը` աշխատանքի տեղավորման հարցերով:
ՀՀ Վայոց ձորի մարզպետը Հայաստանում ԱՄՆ դեսպանատնից հետևել է ԱՄՆ նախագահի ընտրությունների ընթացքին 08.11.2012
ՀՀ Վայոց ձորի մարզպետ Էդգար Ղազարյանը, որպես Հայաստանում ԱՄՆ շրջանավարտների ասոցացիայի անդամ, նոյեմբերի 7-ին մասնակցել է ԱՄՆ դեսպան Հեֆերնի ու դեսպանատան աշխատակիցների հետ ԱՄՆ ընտրությունների առիթով դեսպանատանը կազմակերպված նախաճաշին, որին մասնակցել են ուսանողներ, քաղաքացիական հասարակության ներկայացուցիչներ, դասախոսներ, պետական պաշտոնյաներ և ԶԼՄ-ների ներկայացուցիչներ:
