Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարպետ Էդգար Ղազարյանը շնորհավորել է նորանշանակ ՀՀ վարչապետ Հովիկ Աբրահամյանին 15.04.2014
Մեծարգո պարոն Աբրահամյան Շնորհավորում եմ Ձեզ Հայաստանի Հանրապետության վարչապետի պաշտոնում նշանակվելու կապակցությամբ: Վստահ եմ, որ տարբեր պետական պաշտոններում աշխատանքի ընթացքում կուտակած Ձեր հարուստ փորձառությունը, քաղաքական համակարգում ունեցած հեղինակությունն ու հարգանքը կլինեն նոր կարգավիճակում Ձեր հետագա հաջողությունների հիմքը: Հավաստիացնում եմ Ձեզ, որ Վայոց ձորում հազարավոր մարդիկ ուրախ են Ձեր բոլոր հաջողություններով ու ձեռքբերումներով: Վստահ եմ, որ Ձեր ղեկավարությամբ Հայաստանի Հանրապետության կառավարությունը հաջողությամբ կլուծի իր առջև դրված բոլոր խնդիրները՝ ի շահ Հայաստանի Հանրապետության և ի բարօրություն Հայաստանի Հանրապետության ժողովրդի: Հարգանքներով՝ Էդգար Ղազարյան
Դասախոսություն ՀՀ Կոտայքի և Գեղարքունքի մարզային լրագրողների համար 14.04.2014
ՀՀ Գեղարքունիքի մարզի Մարտունի քաղաքի > կազմակերպությունում Կոնրադ Ադենաուեր հիմնադրամի Հայաստանյան մասնաճյուղը և տնտեսական լրագրողների ակումբը կազմակերպել էին > թեմայով սեմինար` ՀՀ Կոտայքի և Գեղարքունիքի մարզերի լրագրողների համար: Սեմինարի շրջանակներում > թեմայով դասախոսությամբ հանդես եկավ ՀՀ Վայոց ձորի մարզպետ, համայնքների ֆինանսիստների միավորում հասարակական կազմակերպության փորձագետ Էդգար Ղազարյանը:
ՀՀ Վայոց ձորի մարզպետ Էդգար Ղազարյանն ընտրվել է Շախմատի Վայոց ձորի մարզային ֆեդերացիայի նախագահ 14.04.2014
Եղեգնաձոր քաղաքում տեղի ունեցավ Շախմատի Վայոց ձորի մարզային ֆեդերացիայի նիստ, որին ներկա էին Հայաստանի շախմատի ֆեդերացիայի նախագահի առաջին տեղակալ, Հայաստանի շախմատի ակադեմիայի տնօրեն, միջազգային գրոսմայստեր Սմբատ Լպուտյանը, ՀՀ Վայոց ձորի մարզպետ Էդգար Ղազարյանը, մարզպետի տեղակալներ Մելսիկ Հարությունյանն ու Արամ Գրիգորյանը, Վայքի քաղաքապետ Հարություն Սարգսյանը, Մալիշկայի գյուղապետ Մհեր Մովսիսյանը, հանրակրթական դպրոցներում շախմատ դասավանդող ուսուցիչները, մարզադպրոցների շախմատի մարզիչները, շախմատասերներ: Նախքան նիստի մեկնարկը մասնակիցները մեկ րոպե լռությամբ հարգեցին շախմատի Վայոց ձորի մարզային ֆեդերացիայի վաղամեռիկ նախագահ Ստեփան Ավագյանի հիշատակը: Նիստում ելույթ ունեցան Հայաստանի շախմատի ակադեմիայի Վայոց ձորի մարզային ներկայացուցիչ Աշոտ Խուդավերդյանը, Վայքի մարզադպրոցի շախմատի մարզիչ Նաիրի Հունանյանը և Ջերմուկի > տնօրեն Երջանիկ Թադևոսյանը, ինչպես նաև Հայաստանի շախմատի ֆեդերացիայի նախագահի առաջին տեղակալ, Հայաստանի շախմատի ակադեմիայի տնօրեն Սմբատ Լպուտյանը: Այնուհետև նիստի մասնակիցները ՀՀ Վայոց ձորի մարզպետ Էդգար Ղազարյանին միաձայն ընտրեցին Շախմատի Վայոց ձորի մարզային ֆեդերացիայի նախագահ:
Կայացավ քաղաքացիների ապրիլ ամսվա ընդունելությունը 14.04.2014
ՀՀ Վայոց ձորի մարզպետ Էդգար Ղազարյանի մոտ ս/թ ապրիլի 11-ին կայացավ քաղաքացիների հերթական ընդունելությունը: Ընդունելության համար ցուցակագրվել էր 88 քաղաքացի, ընդունելության էին եկել բոլորը: Ընդունելության եկած 82 քաղաքացիներ դիմել էին ֆինանսական օժանդակության խնդրանքով, որոնց խնդրանքը բավարարվեց: Իսկ 6-ը դիմել էին այլ հարցերով, որոնց վերաբերյալ մարզպետը հանձնարարություն տվեց մարզպետարանի աշխատակազմի համապատասխան ստորաբաժանումների ղեկավարներին՝ ուսումնասիրել բարձրացված հարցերը և օրենքով նախատեսված ժամկետներում պատասխանել:
ՀՀ կառավարությունն իր այսօրվա նիստում արձանագրել է, որ 2014թ. մարտի 30-ից ապրիլի 1-ն ընկած ժամանակահատվածում ՀՀ մարզերում տեղի ունեցած ցրտահարության՝ բնական աղետի հետևանքով մարզերի մի շարք համայնքներին պատճառված վնասը հասել է աղետալի աստիճանի՝ ստեղծելով արտակարգ իրավիճակ: Այդ վնասը մեղմելու նպատակով հրատապ անհրաժեշտություն է առաջացել գյուղատնտեսական մշակաբույսերի սերմացուի վաճառքով զբաղվող տնտեսվարողներից ձեռք բերել տարբեր սերմացու և հատկացնել ՀՀ մարզպետարաններին՝ ցրտահարությունից առավել տուժած համայնքների հողօգտագործողներին տրամադրելու նպատակով: Սերմացու ձեռք բերելու համար ՀՀ գյուղատնտեսության նախարարին թույլատրվել է > ՊՈԱԿ-ի նպատակային հաշվեհամարից օգտագործել 85 մլն դրամ: Նույն ՊՈԱԿ-ի միջոցով սերմացուն տրամադրվելու է Արագածոտնի, Արարատի, Արմավիրի, Լոռու, Վայոց ձորի և Տավուշի մարզպետարաններին, որոնք 10-օրյա ժամկետում համայնքների ղեկավարների միջոցով սերմացուն ըստ բաշխացուցակի հասցնելու են հողօգտագործողին:
Տեղի կունենա քաղաքացիների ընդունելություն 09.04.2014
Սահմանված կարգի համաձայն` 2014 թվականի ապրիլի 11-ին, ժամը` 14-ին, ՀՀ Վայոց ձորի մարզպետ Էդգար Ղազարյանի մոտ տեղի կունենա քաղաքացիների ընդունելություն: Հասցեն` ՀՀ Վայոց ձորի մարզ, ք. Եղեգնաձոր, Շահումյան փողոց, շենք 5:
