Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Է.Ղազարյանը պարգևատրվել է <<ԼԵՌՆԱՀԱՅԱՍՏԱՆԻ ԱՐԾԻՎ>> հուշամեդալով 10.01.2014
ՀՀ Վայոց ձորի մարզպետ Էդգար Ղազարյանը <<ՍՅՈՒՆՅԱՑ ԱՐԾԻՎՆԵՐ>> երիտասարդական հասարակական կազմակերպության կողմից պարգևատրվել է <<ԼԵՌՆԱՀԱՅԱՍՏԱՆԻ ԱՐԾԻՎ>> ոսկյա հուշամեդալով` Հայոց պետականության կայացման, տարածքային կառավարման զարգացման, երիտասարդների հայրենասիրական դաստիարակության գործում մեծ ներդրում ունենալու համար: Հուշամեդալը Է.Ղազարյանին հանձնել է կազմակերպության նախագահ Խաչիկ Ասրյանը:
ՀՀ պաշտպանության նախարարի ուղերձի քննարկում ՀՀ Վայոց ձորի մարզպետարանում 10.01.2014
2014 թվականի հունվարի 9-ին ՀՀ Վայոց ձորի մարզպետարանի նիստերի դահլիճում ՀՀ Վայոց ձորի մարզպետ Էդգար Ղազարյանի նախագահությամբ տեղի ունեցավ խորհրդակցություն հանրակրթական դպրոցների տնօրենների և զինղեկների մասնակցությամբ: Խորհրդակցության թեման ՀՀ պաշտպանության նախարար Սեյրան Օհանյանի 2014 թվականի տարեմուտի ուղերձն էր, ՀՀ պաշտպանության նախարարությունում վերջերս կայացած հանրապետական զորակոչային հանձնաժողովի նիստում ՀՀ պաշտպանության նախարարի ելույթում հնչեցված մտահոգությունները, ինչպես նաև բանակ-դպրոց փոխհարաբերություններին առնչվող հարցեր:
<<ՀԱՅՈՑ ԱՐԾԻՎՆԵՐ>>-ի նվերը Վայոց ձորի դպրոցներին 10.01.2014
2014 թվականի հունվարի 9-ին > հասարակական կազմակերպությունը ՀՀ Վայոց ձորի մարզի բոլոր հանրակրթական դպրոցներին նվիրեց գերմանական արտադրության օդաճնշիչ հրացաններ: Մի քանի ամիս առաջ կազմակերպության կողմից նմանատիպ հրացաններ էին նվիրաբերվել մարզի 22 հանրակրթական դպրոցների: Ծրագիրը նպատակ ունի բարձրացնել երիտասարդների սերը և հետաքրքրությունը զինվորական գործի դասավանդման նկատմամբ, ապագա զինվորների շրջանում բարձրացնել նշանառության և դիպուկ կրակելու հմտությունները:
2013թ. ՀՀ Վայոց ձորի մարզպետին են դիմել 1245 քաղաքացիներ 09.01.2014
2013թ. ՀՀ Վայոց ձորի մարզպետին են դիմել 1245 քաղաքացիներ, որից՝ դրամական օգնության խնդրանքով՝ 850, նպաստի հարցերով՝ 28, հողային վեճերի լուծման և սահմանների ճշտման հարցերով՝ 39, խմելու և ոռոգման ջրի բարելավման հարցերով՝ 59, տան և շինությունների վթարայնության վերականգնման հարցերով՝ 63, աշխատանքի տեղավորման հարցով՝ 67, ՏԻ մարմիններից բողոքներ և գյուղի հիմնահարցերով՝ 15, առողջարանային ուղեգրեր տրամադրելու խնդրանքով՝ 46, պետ.պատվերով բուժօգնություն խնդրանքով՝ 73, որդեգրման հարցով՝ 1, երեխաներին ներառական կրթության մեջ ընդգրկելու խնդրանքով՝ 19, խնամնակալություն և հոգեբարձություն սահմանելու խնդրանքով՝ 1 քաղաքացի:
2013թ. դեկտեմբերի 26-ին ՀՀ Վայոց ձորի մարզպետ Էդգար Ղազարյանի և ՀՀ ոստիկանության Վայոց ձորի մարզային վարչության պետ, ոստիկանության գնդապետ Լևոն Յազիչյանի մասնակցությամբ ՀՀ ոստիկանության Վայոց ձորի մարզային վարչությունում, ոստիկանության Եղեգնաձորի, Վայքի և Ջերմուկի բաժիններում կատարվեց տնօրհնեքի արարողություն: Արարողությունն իրականացվում էր ՀՀ ոստիկանության Հոգևոր Առաջնորդի օգնական Տեր Վրթանես քահանա Բաղումյանի կողմից: Արարողությանը մասնակցում էին մարզի ոստիկանության անձնակազմը և ոստիկանության վետերանները:
Ս/թ դեկտեմբերի 27-ին ՀՀ Վայոց ձորի մարզպետ Էդգար Ղազարյանը հյուրընկալել էր հանրապետական օլիմպիադաներում և տարբեր մրցույթներում 2012-2013 ուսումնական տարում լավագույն արդյունքներ գրանցած մարզի դպրոցականներին: Հանդիպումը տեղի ունեցավ մարզպետարանի առաջին հարկի ճեմասրահում դրված տոնածառի շուրջ, ուր մարզպետին, նրա տեղակալներին, մարզպետարանի աշխատակազմի ղեկավարին, ծնողներին իրենց գեղեցիկ կատարումներով ողջունեցին Եղեգնաձորի երաժշտական դպրոցի մանկական երգչախումբը և տարբեր մրցույթներում մրցանակային տեղեր զբաղեցրած շնորհալի սաները: Հնչեցին քանոնի, շվիի գեղեցիկ կատարումներ և երգեր: Մարզպետը ողջունեց դպրոցականներին մարզպետարան կատարած այցի և բարեմաղթեց Ամանորի կապակցությամբ: Ասաց, որ իր բարեմաղթանքները հաղորդեն նաև իրենց ընկերներին և ընտանիքի անդամներին: Նա նշեց, որ առաջին անգամ է մարզպետարանում Նոր տարվա կապակցությամբ այդպիսի միջոցառում կազմակերպվում, սակայն համոզված է, որ այն կդառնա ավանդական:
