Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կայացել է Խաչիկ համայնքի ղեկավարի 2015 թվականի գործունեության տարեկան հաշվետվությունը 15.03.2016
Խաչիկ համայնքի ղեկավար Վարդան Ներսիսյանը ս/թ մարտի 15-ին հանդես է եկել 2015 թվականի գործունեության վերաբերյալ տարեկան հանրային հաշվետվությամբ: Միջոցառմանը ներկա են եղել ՀՀ Վայոց ձորի մարզպետարանի աշխատակազմի քարտուղարության պետ Հայկ Կարապետյանը, գյուղապետարանի աշխատակազմի աշխատակիցները, ավագանու անդամները, ՀՕԱԿ-ների ղեկավարները և համայնքի բնակիչներ: Ներկայացվել է 2015 թվականի ֆինանսական հաշվետվությունը և 2015 թվականի կատարված աշխատանքները, ինչպես նաև 2016 թվականին իրականացվելիք ծրագրերը: Համայնքապետի տարեկան գործունեությունը գնահատվել է բավարար:
Ավարտվել է դպրոցական առարկայական օլիմպիադայի Վայոց ձորի մարզային փուլը: Արդյունքներն ամփոփվել են մարտի 14-ին: Դպրոցականների առարկայական օլիմպիադայի մարզային փուլին մասնակցել են մարզի հանրակրթական հաստատությունների 519 աշակերտներ, որոնցից 62-ն իրավունք են ստացել մասնակցելու օլիմպիադայի հանրապետական փուլին:
Տեղի ունեցավ գործակարգավարական հերթական խորհրդակցությունը 14.03.2016
Մարտի 14-ին ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը, մասնակցությամբ՝ մարզպետի տեղակալների, խորհրդականի և ստորաբաժանումների պետերի: Նախորդ խորհրդակցության ժամանակ արձանագրված և նույն շաբաթվա ընթացքում ստացած հանձնարարականների կատարման վերաբերյալ հաշվետվությամբ հանդես եկան աշխատակազմի ստորաբաժանումների ղեկավարները: Ներկայացվեց նաև ընթացիկ շաբաթվա ընթացքում ստորաբաժանումների կողմից կատարվելիք աշխատանքները: Մարզպետին զեկուցվեց, որ շարունակվում է մարզի հողօգտագործողներին պետական ծրագրերով օժանդակության շրջանակում ներմուցված պարարտանյութերի և սերմացուների ստացման և բաշխման գործընթացը, տեղեկացվեց թե մարզի տարածքի որ գոտիներում է ընթանում գարնան գյուղատնտեսական աշխատանքներ՝ գարնանացան և այգիների էտում: Աշխատակազմի
Այսօր ՀՀ տարածքային կառավարման և զարգացման նախարարությունում կայացել է նախարար Դավիթ Լոքյանի առաջին խորհրդակցությունը մարզպետների հետ: Նախքան օրակարգային հարցերին անդրադառնալը՝ նախարարը շնորհավորել է նորանշանակ մարզպետներին՝ ցանկանալով նրանց դառնալ համերաշխ թիմի անդամներ, իսկ մարզպետներին հորդորել՝ նրանց հետ աշխատել նույնքան արդյունավետ, ինչպես նախկինում: Այնուհետև ՏԿԶ նախարարը խորհրդակցության մասնակիցներին ներկայացրել է մարզերում տարածքների տնտեսական զարգացման մոտեցումները, մասնավորապես՝ նախարարության գաղափարախոսությունը, որն ուղղված է լինելու մարզերում ոչ միայն ենթակառուցվածքների, այլև տարածքների տնտեսական զարգացմանը. հիմնական թիրախը լինելու է մարզերում տնտեսական ակտիվության ապահովումը: Շեշտադրումը դրվելու է մարզերում գործարարության զարգացման վրա, ինչը կնպաստի աշխատատեղերի, ինչպես նաև ֆինանսապես կայուն, մրցունակ համայնքների ստեղծմանը:
Վարչապետի գլխավորությամբ կառավարությունում տեղի է ունեցել խորհրդակցություն 12.03.2016
Կառավարությունում վարչապետ Հովիկ Աբրահամյանի գլխավորությամբ տեղի է ունեցել խորհրդակցություն, որին մասնակցել են ՀՀ տարածքային կառավարման և զարգացման նախարար Դավիթ Լոքյանը, Գյուղատնտեսության նախարար Սերգո Կարապետյանը, Աշխատանքի և սոցիալական հարցերի նախարար Արտեմ Ասատրյանը, Կրթության և գիտության նախարար Լևոն Մկրտչյանը, Քաղաքաշինության նախարար Նարեկ Սարգսյանը, հանրապետության մարզպետները և տարբեր գերատեսչությունների ներկայացուցիչներ: Խորհրդակցության ընթացքում քննարկվել են մարզերում նախատեսվող ենթակառուցվածքային զարգացման ծրագրերին, գարնան գյուղատնտեսական աշխատանքների նախապատրաստական աշխատանքներին, հակահեղեղային միջոցառումների իրականացմանը, սոցիալական ծառայությունների բարելավմանը և մի շարք այլ հարցեր:
Տեղի է ունեցել Զառիթափ համայնքի ղեկավարի 2015 թվականի գործունեության տարեկան հաշվետվությունը 12.03.2016
Տեղի է ունեցել Զառիթափ համայնքի ղեկավար Խաժակ Դավթյանի 2015 թվականի գործունեության վերաբերյալ տարեկան հանրային հաշվետվությունը: Միջոցառմանը ներկա են եղել ՀՀ Վայոց ձորի մարզպետարանի աշխատակազմի ՏԻ և ՀԳՄ հարցերով վարչության պետ Նորայր Սիմոնյանը, գյուղապետարանի աշխատակիցներ, համայնքի ավագանու անդամները, համայնքի բնակիչներ: Ներկայացվել է 2015 թվականի ֆինանսական հասվետվությունը և կատարված աշխատանքները, ինչպես նաև խոսվել է 2016 թվականին իրականացվելիք ծրագրերի մասին:
