Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Աշխատանքային խորհրդակցություններ ՀՀ Վայոց ձորի մարզպետ Հարություն Սարգսյանի գլխավորությամբ 30.01.2018
Այսօր ՀՀ Վայոց ձորի մարզպետ Հարություն Սարգսյանի մոտ տեղի ունեցան խորհրդակցություններ Արենի և Գլաձոր խոշորացված համայնքների ղեկավարների և ֆինանսական բաժնի պատասխանատուների հետ, որոնց ներկա էին ՀՀ Վայոց ձորի մարզպետի տեղակալ Սամվել Թարվերդյանը, մարզպետարանի աշխատակազմի ֆինանսական և սոցիալ-տնտեսական զարգացման վարչության, գյուղատնտեսության և բնապահպանության վարչության, տեղական ինքնակառավարման և հանրապետական գործադիր մարմինների հարցերով վարչության և հողաշինության և հողօգտագործման բաժին-մարզային հողային պետական տեսչության պետերը: Խորհրդակցությունների ընթացքում քննարկվեցին համայնքների 2018 թվականի բյուջետային գործընթացի կազմակերպման հետ կապված հարցեր: Մարզի ղեկավարը նշեց, որ համայնքների բյուջեների կազմման ընթացքում հարկավոր է մեծացնել եկամտային մասը, իսկ ծախսերը հնարավորինս կրճատել: Ստացված եկամուտները հարկավոր է ուղղել ֆոնդային բյուջե, որը հնարավորություն կտա համայնքներում առավել մեծ թվով սոցիալական ծրագրեր իրականացնել: Գյուղատնտեսական հիմնախնդիրների քննարկման ժամանակ կարևորվեց նորագույն տեխնոլոգիաների կիրառման, ինտենսիվ այգիների ընդլայնման, կաթիլային ոռոգման և հակակարկտային համակարգերի ներդրման հարցը: Քննարկում ծավալվեց նաև համայնքներում հողերի օտարման և վարձակալության հետ կապված հարցերի շուրջ: Խորհրդակցությունների ժամանակ անդրադարձ կատարվեց համայնքապետարանների հաստիքացուցակների ձևավորման և համապատասխան ոլորտների մասնագետներ ունենալու խնդրին: Կարևորվեց համայնքապետարաններում սոցիալական աշխատողի ինստիտուտի կայացման խնդիրը: Նշենք, որ 2018 թվականի սկզբին մարզի Եղեգնաձոր, Արենի, Գլաձոր, Ջերմուկ և Եղեգիս համայքներում արդեն իսկ կան սոցիալական աշխատողներ: Հանդիպումների ընթացքում արծարծվեցին համայնքների զարգացման ծրագրերի մշակման, ինչպես նաև աղբահանության և սանիտարական մաքրման աշխատանքների ինքնածախսածածկման եղանակով իրականացնելու հարցերը: Խոսվեց նաև համայնքների թվայնացման հետ կապված հիմանխնդրի մասին, մասնավորապես համայնքներում ավագանու նիստերի և մասսայական միջոցառումների օնլայն հեռարձակման անհրաժեշտության մասին:
Տոնական միջոցառումներ նվիրված Հայոց բանակի կազմավորման 26-րդ տարեդարձին 29.01.2018
ՀՀ Վայոց ձորի մարզի կրթական և մշակութային հաստատություններում կազմակերպվել են Հայոց հաղթանակած բանակի օրվան նվիրված մի շարք միջոցառումներ: Հունվարի 27-ին Եղեգնաձորի մարզային մշակույթի կենտրոնում ՀՀ Վայոց ձորի մարզպետի տեղակալ Մելս Հարությունյանի մասնակցությամբ տեղի ունեցավ տոնական միջոցառում: Միջոցառման մասնակիցներին ողջունեցին մարզպետի տեղակալ Մելս Հարությունյանը և ՀՀ ՊՆ 4-րդ բանակային կորպուսի հրամանատարի տեղակալ, փոխգնդապետ Արամայիս Մանուչարյանը: Օրհնության խոսքով հանդես եկավ Վայոց ձորի թեմի Եղեգնաձորի տարածաշրջանի հոգևոր հովիվ Տեր Վազգեն քահանա Հովհաննիսյանը: Միջոցառման ընթացքում ներկայացվեց
ՀՀ Վայոց ձորի մարզպետ Հարություն Սարգսյանի շնորհավորական ուղերձը Բանակի օրվա կապակցությամբ 26.01.2018
Սիրելի՛ հայրենակիցներ, շնորհավորում եմ բոլորիս Բանակի օրվա կապակցությամբ: Հունվարի 28-ը Հայաստանի Հանրապետության պետական տոնացույցի ամենանվիրական տոներից է: Տոն, որ ամենասպասվածն է ու ամենքինս է: Այս տարի բոլորում է Հայոց բանակի կազմավորման 26-րդ տարեդարձը: Բոլորս գիտենք, որ Հայկական բանակի կազմավորման տարեգրությունն անմիջականորեն կապված է Արցախյան շարժման, Հայաստանի Հանրապետության անկախության, Արցախի ազատության համար մղված պայքարի հետ: Հայոց բանակը կամավորական խմբերի տեսքով ծլարձակեց ազգային զարթոնքի՝ Արցախյան շարժման հիմքերում, իսկ ազատագրական պայքարում ձևավորվեց որպես կանոնավոր բանակ: Հայոց բանակն այսօր արժանիորեն է կրում Արցախյան ազատամարտի հաղթանակի դափնին, որն ուժ ու կորով է տալիս, հայրենիքի սահմաններն անառիկ պահելու հաստատակամություն է հաղորդում հայոց բանակի զինվորներին և բանակի շարքերը համալրող նորակոչիկներին: Բանակի օր արտահայտությունը նվիրական զգացումներ ու հպարտություն է առաջացնում բոլորիս հոգիներում, միևնույն ժամանակ մեզ կոչում մեծ պատասխանատվության՝ հայրենիքի պաշտպանության սրբազան առաքելությունն իրականացնող հայազգի քաջարի զավակների հանդեպ, զինվորից մինչև հրամանատար: Սիրելի՛ հայրենակիցներ, որպես սահմանամերձ մարզի բնակիչներ, մենք լավ ենք գիտակցում խաղաղության գինը և անսահման հոգատարությամբ ենք վերաբերում զինվորական հագուստ կրող յուրաքանչյուր ծառայողի, որպես երախտագիտություն՝ մեր խաղաղ կեցության ու կյանքի բնականոն գործունեության: Ահա թե ինչպես է, որ տոնն այս հյուրընկալվում է հայկական ցանկացած ընտանիքում, իր հետ բերելով հպարտության զգացողություն՝ բանակի քաջարի մարտիկների գործած սխրանքների համար, խոնարհումի զգացումներ՝ զոհված մեր զավակների հիշատակի առջև: Հա՛յ զինվոր, քեզ՝ ամուր առողջություն, ամրակուռ բազուկ, անսասան կամք և հոգու արիություն: Հայոց բանակի սպանե՛ր և գեներալնե՛ր, ձեզ՝ մտքի սլացք, սրատեսություն և ռազմական իմաստնություն: Փա՛ռք ու պատի՛վ Ձեզ, հայոց բանակի Արծիվնե՛ր: Թող խաղաղությամբ բացվեն ձեր բոլոր արշալույսները և Աստված պահապան լինի Ձեզ:
Վերակառուցվում է Ռինդ գյուղի մանկապարտեզի շենքը 25.01.2018
ՀՀ Վայոց ձորի մարզի Արենի խոշորացված համայնքի Ռինդ բնակավայրում մեկնարկում է գյուղի մանկապարտեզի վերակառուցման աշխատանքները: Շինվերանորոգման աշխատանքների ֆինանսավորումը կատարվում է Հայաստանի տարածքային զարգացման հիմնադրամի կողմից: Նախահաշվային գումարը կազմում է 130 մլն. դրամ, իսկ համայնքի կողմից համաֆինանսավորումը՝ 11 մլն. դրամ: Շինարարական աշխատանքների կատարման համար հայտարարված մրցույթում հաղթող է ճանաչվել
Հունվարի 24-ին, ՀՀ Վայոց ձորի մարզպետարանի նիստերի դահլիճում տեղի ունեցավ ՀՀ արտակարգ իրավիճակների նախարարության փրկարար ծառայության Վայոց ձորի մարզային փրկարարական վարչության և նախարարության Վայոց ձորի մարզի տարածքային ստորաբաժանումների 2017թ. գործունեության հաշվետվությունը: Ներկաներին ողջունեց և միջոցառման օրակարգը ներկայացրեց Վայոց ձորի քաղաքացիական պաշտպանության պետ, ՀՀ Վայոց ձորի մարզպետ Հարություն Սարգսյանը: Հաշվետու ժողովին ներկա էին ՀՀ արտակարգ իրավիճակների նախարարի տեղակալ Արա Նազարյանը, ՀՀ ԱԻ նախարարության աշխատակազմի ղեկավար Գագիկ. Հայրապետյանը, ՀՀ ԱԻն ՓԾ տնօրենի տեղակալ, փ/ծ գնդապետ Արտավազդ Դավթյանը, ՀՀ ոստիկանության Վայոց ձորի մարզային վարչության պետի տեղակալ Սուրեն Միրզոյանը, մարզպետի տեղակալները, ՀՀ ԱԻ նախարարության և ՀՀ ՎՁ մարզպետարանի պաշտոնատար անձիք, մարզի համայնքների ղեկավարներ, փրկարարական ծառայության ներկայացուցիչներ և այլք: 2017թ. ընթացքում Վայոց ձորի մարզային փրկարարական վարչության կողմից կատարված աշխատանքների մասին զեկուցումով հանդես եկավ
Մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը 22.01.2018
Այսօր` հունվարի 22-ին, ՀՀ Վայոց ձորի մարզպետ Հարություն Սարգսյանի մոտ մարզպետի տեղակալների, խորհրդականի, մարզպետարանի աշխատակազմի և ստորաբաժանումների ղեկավարների մասնակցությամբ տեղի ունեցավ գործակարգավարական հերթական խորհրդակցությունը: Խորհրդակցության սկզբում Հ. Սարգսյանը նշեց, որ հաստատվել է մարզպետարանի գործունեության 2018 թվականի տարեկան աշխատանքային ծրագիրը և հանձնարարեց ոլորտային բաժիների ղեկավարներին՝ առաջնորդվել ծրագրի դրույթներով և ամենշաբաթյա գործակարգավարական խորհրդակցություններին հանդես գալ ծրագրի շրջանակում կատարած աշխատանքների հաշվետվությամբ: Ստորաբաժանումների ղեկավարները տեղեկատվություն ներկայացրին
