Վայոց ձորի մարզպետի աշխատակազմ

Պաշտոնական էլ. փոստ

(միայն www.e-citizen.am համակարգով ծանուցումների համար)

Տեղեկատվական կենտրոն

Նորություններ

Նախարար Սուրեն Պապիկյանը մարզպետների հետ աշխատանքային խորհրդակցություն է անցկացրել 10.09.2018

ՀՀ տարածքային կառավարման և զարգացման նախարար Սուրեն Պապիկյանն այսօր աշխատանքային խորհրդակցություն է անցկացրել ՀՀ մարզպետների մասնակցությամբ: Խորհրդակցության ընթացքում քննարկվել են համայնքային սեփական եկամուտների կատարման ընթացքին, ոռոգման ջրի համաչափ բաշխմանը, մարզերում առաջնահերթ լուծում պահանջող խնդիրներին վերաբերող հարցեր, ամփոփվել նախորդ շաբաթ անցկացված համապետական շաբաթօրյակի արդյունքներն ու նախկինում տրված հանձնարարականների կատարման ընթացքը։ Խոսելով արդեն տևական ժամանակ քննարկվող միջպետական ավտոմոբիլային ճանապարհների եզրերին տեղակայված առևտրի կետերում կամ գազալցակայաններում հանրային զուգարաններ կառուցելու խնդրի մասին՝ նախարար Սուրեն Պապիկյանը մարզպետներին տեղեկացրել է, որ ՀՀ քաղաքաշինության պետական կոմիտեի հետ քննարկվում են գազալցակայանների շենքային ենթակառուցվածքներում կամ դրանց բացակայության դեպքում հարակից տարածքներում հասարակական զուգարանների տիպային չափորոշիչներ սահմանելու հարցը, որի ավարտից հետո կմեկնարկեն ծրագիրը կյանքի կոչելուն ուղղված աշխատանքները։ Անդրադառնալով բնակչության շրջանում մեծ դժգոհությունների առիթ հանդիսացող և հասարակական լայն շերտերին հուզող ոռոգման ջրի համաչափ բաշխման հիմնախնդրին՝ նախարար Սուրեն Պապիկյանը ներկաներին հիշեցրել է ամեն կաթիլ ջուրը արդյունավետ օգտագործելու վերաբերյալ վարչապետ Նիկոլ Փաշինյանի հանձնարարականի մասին և շեշտել, որ այսուհետ անհրաժեշտ է բացառել հնարավոր բոլոր տեսակի չարաշահման և օրինազանցության դեպքերն ու ապահովել ջրի արդար բաշխման պրակտիկա։ Նախարարը մարզպետարանների համապատասխան ստորաբաժանումների ղեկավարներին խիստ հանձնարարական է տվել հետևողական գտնվել ջրային ռեսուրսների կորուստները նվազագույնի հասցնելու և վերահսկողական կարողությունները մոբիլիզացնելու գործում։ Նախարարը մտահոգություն է հայտնել

Տեղի կունենա քաղաքացիների ընդունելություն 10.09.2018

Սահմանված կարգի համաձայն 2018 թվականի սեպտեմբերի 14-ին` ժամը 14:00-ին, ՀՀ Վայոց ձորի մարզպետ Արագած Սաղաթելյանի մոտ տեղի կունենա քաղաքացիների ընդունելություն: Հասցեն` ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5:

<Մաքուր տուն՝ տնից դուրս> ծրագրի շրջանակներում համապետական շաբաթօրյակ՝ Վայոց ձորի մարզպետարանի տարածքում 08.09.2018

ծրագրի շրջանակներում համապետական շաբաթօրյակ՝ Վայոց ձորի մարզպետարանի տարածքում :

Վայոց ձորի մարզում մեկնարկել է <Մաքուր տուն՝ տնից դուրս> համապետական շաբաթօրյակը 08.09.2018

Վայոց ձորի մարզում առավոտյան ժամը 09.00-ին մեկնարկել է համապետական շաբաթօրյակը: Մարզպետարանի աշխատակազմը սանմաքրման աշխատանքներ է իրականացնում շենքի շրջակայքում և բարեկարգման աշխատանքներ է կատարում մարզպետարանի շենքին հարակից այգիներում: Վաղ առավոտյան մարզպետարանի պատասխանատուները, ովքեր ամրագրված են համայնքներում, ուղևորվել են համապատասխան համայնքներ և բնակավայրեր: համապետական շաբաթօրյակի աշխատանքներին ներգրավված են մարզային, համայնքային կազմակերպությունները, հանրապետական գործադիր մարմինների տարածքային ստորաբաժանումները, կրթական, առողջապահական հաստատությունները, մասնավոր ընկերությունները և հասարակական կազմակերպությունների ներկայացուցիչներ: Շաբաթօրյակի իրականացման գործողությունների պլանի համաձայն համայնքներում իրականացվելու են փողոցների, բակերի, հրապարակների, զբոսայգիների, պատմամշակութային հուշարձանների և նրանց հարակից տարածքների, կրթական ու առողջապահական հաստատությունների, ճանապարհների հարակից տարածքների, ինչպես նաև հանրային նշանակության կառույցների մաքրում ու բարեկարգում: Ժամը 10.30-ի դրությամբ շաբաթօրյակի աշխատանքներում ներգրաված են՝ 28 միավոր տեխնիկա, շուրջ 100 ձեռքի գործիքներ և 1660 մասնակից Լրացուցիչ տեղեկությունների համար գործում են հետեւյալ հեռախոսահամարները՝ (+374281) 2-30-61, (+37498)78-48-48: