Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում Հայոց բանակից զորացրված վայոցձորցի երիտասարդների հետ 04.09.2018
Այսօր՝ սեպտեմբերի 4-ին, Վայոց ձորի մարզպետարանի նիստերի դահլիճում տեղի ունեցավ ՀՀ Վայոց ձորի մարզպետ Արագած Սաղաթելյանի և ՀՀ ՊՆ 4-րդ բանակային կորպուսի հրամնատար, գեներալ-մայոր Վալերի Քոչարյանի հանդիպումը Հայոց բանակից զորացրված վայոցձորցի երիտասարդների հետ: Հանդիպմանը մասնակցում էր նաև մարզպետի տեղակալ Գևորգ Ավագյանը: Երիտասարդներին տունդարձի կապակցությամբ ողջունեց և հայրենիքի պաշտպանության գործում ունեցած ավանդի համար շնորհակալություն հայտնեց մարզպետ Արագած Սաղաթելյանը: Հայոց բանակում ծառայությունն ավարտած և քաղաքացիական կյանք վերադարձած երիտասարդներին ողջունեց, բանակային կյանքի, ծառայության պայմանների վերաբերյալ նրանց հետ զրուցեց գեներալ-մայոր Վալերի Քոչարյանը: Գեներալը հետաքրքրվեց բանակային պայմանների բարելավման վերաբերյալ երիտասարդների տեսլականով: Մարզպետի տեղակալ Գևորգ Ավագյանը հորդորեց երիտասարդներին առաջարկություններ ներկայացնել ուղղված ծառայության ընթացքում բանակում առկա խնդիրների լուծմանը: Նշենք, որ երիտասարդներին հետաքրքրում էր աշխատանք ձեռք բերելու հարցերը: Մարզպետ Ա. Սաղաթելյանը և գեներալ-մայոր Վ. Քոչարյանը պատրաստակամություն հայտնեցին ցանկացած հարցով երիտասարդներին ընդունելու և փորձելու գտնել նրանց հուզող խնդիրների լուծման ուղիները:
Տեղեկատվություն 04.09.2018
ՀՀ Վայոց ձորի մարզպետարանի իրավաբանական բաժնի գլխավոր մասնագետի (69-3.1-2) քաղաքացիական ծառայության ժամանակավոր թափուր պաշտոնը զբաղեցնելու համար դիմում ներկայացրած անձի մասին • Նշված անձի ներկայացրած փաստաթղթերը բավարարել են տվյալ պաշտոնի անձնագրի պահանջները։ 1. Նիկոլայ Սուրիկի Բայաթյան - կնքվել է աշխատանքային պայմանագիր Անձնակազմի կառավարման բաժին
Վահրամ Միքայելյանի աշխատանքների ցուցադրությունը՝ Եղեգնաձորի պատկերասրահում 04.09.2018
Մոտ օրերս Հայաստանի ազգային պատկերասրահի Եղեգնաձորի մասնաճյուղում ՀՀ Վայոց ձորի մարզպետի տեղակալ Նանե Ասատրյանի մասնակցությամբ բացվեց վայոցձորցի ազատամարտիկ-գեղանկարիչ Վահրամ Միքայելյանի (Սերսի Խենթի) աշխատանքների ցուցադրությունը: Ցուցահանդեսի բացման խոսքով հանդես եկավ մասնաճյուղի տնօրեն Գոհար Ավագյանը: Ողջույնի խոսք ասաց մարզպետի տեղակալ Նանե Ասատրյան: Վահրամ Միքայելյանին ուղղված սրտի խոսք ասացին մարզի մշակութասեր հասարակայնության ներկայացուցիչներ, հարազատներ, վրձնակից և աշխատակից ընկերներ: Բոլոր ելույթներում ցանկություն էր հնչում՝ կրկին ստեղծագործելիս տեսնել վրձնելու հնարավորությունից ֆիզիկապես զրկված : Ցուցահանդեսում ներկայացված է հեղինակի դիմանկարների և գյուղական բնապատկերների շարքեր: Նշենք,
ՀՀ Վայոց ձորի մարզպետ Արագած Սաղաթելյանի շնորհավորական ուղերձը Սեպտեմբերի 1-ի կապակցությամբ 31.08.2018
Սիրելի դպրոցականներ, ուսանողներ, մանկավարժներ, ծնողներ, կրթության բնագավառի ներկայացուցիչներ, Ջերմորեն շնորհավորում եմ նոր ուսումնական տարվա՝ Գիտելիքի և դպրության օրվա կապակցությամբ: Դպրոցը յուրաքանչյուր մարդու մոտ արթնացնում է ամենաբարի ու ամենապայծառ հիշողությունները: Դպրոցում ձեռք բերված գիտելիքներն ամենահիմնավորն ու ամենամնայունն են: Իսկ գիտելիքը մարդուն դարձնում է ավելի ուժեղ, իմաստուն և ավելի բարի: Չկա ավելի հրաշալի բան, քան սովորելը, կարդալը ու նոր հորիզոններ բացահայտելը: Այսօր ես իմ երախտիքի խոսքն եմ հղում մեր ուսուցիչներին: Դուք ձեր սաներին ուղեկցում եք դեպի գիտելիք և կրթություն ստանալու դժվարին, բայց անասելի հետաքրքիր աշխարհը: Ձեզ է վստահված մեր սերունդների հայեցի դաստիարակության հայրենանվեր ու դժվարին գործը: Դուք ձեր սաների մեջ տեսնում եք մեր ազգի ապագա հանճարներին, օգնում եք նրանց բացել գիտության գաղտնի դռները՝ սերմանելով սեր ու նվիրվածություն հայրենիքի նկատմամբ ու դաստիարակելով Հայաստանի Հանրապետության արժանի քաղաքացիների: Սիրելի մանկավարժներ, մաղթում եմ ձեզ հաջողություններ, ձեր պատասխանատու, շնորհակալ և պատվաբեր աշխատանքում: Մեծ սիրով և ջերմությամբ ցանկանում եմ շնորհավորել առաջին անգամ դպրոց ոտք դրած մեր փոքրիկներին: Ցանկանում եմ, որ ուսումնառության տարիները ձեզ համար լինեն ամենահիշարժանը, որպեսզի դպրոցական տարիները լինեն վառ ու պայծառ ապրումներով հարուստ: Սիրելի աշակերտներ, հարգելի մանկավարժներ, Կրկին շնորհավորում եմ Գիտելիքի և դպրության տոնի կապակցությամբ: Ցանկանում եմ բեղմնավոր և արդյունավետ ուսումնական տարի, նոր ու հետաքրքիր բացահայտումներ ու գերազանց գնահատականներ: Բարի երթ:
ՀՀ գյուղատնտեսության նախարարը աշխտանքային այցով Վայոց ձորի մարզում էր 27.08.2018
ՀՀ գյուղատնտեսության նախարար Արթուր Խաչատրյանը օգոստոսի 24-ին հերթական մարզային այցելություն է կատարել՝ այս անգամ ուղևորվելով դեպի Վայոց ձոր։ Մարզպետ Արագած Սաղաթելյանի և գյուղատնտեսության փոխնախարար Գառնիկ Պետրոսյանի ուղեկցությամբ նախարարը նախ այցելել է Արենիի խաղողի այգիներ, որտեղ արդեն հասունացել է վայոցձորյան հայտնի «Արենի» սորտի խաղողը։ Այգետերը՝ Ռաֆիկ Սիմոնյանը, Արենիում խաղողագործությամբ զբաղվում է սկսած 2001 թվականից, ունի շուրջ 15 հեկտար խաղողի այգիներ։ Այս տարվա բերքատվությունից գոհ է, իրացման խնդիրներ, իր խոսքով, մարզում հազիվ թե առաջանան, իր այգու բերքը վերամշակում է սեփական գինու գործարանում, որը դարձյալ «Արենի» անունն է կրում։ Բերքահավաքից հետո՝ աշնան-ձմռան ամիսներին, ձեռնամուխ կլինի կաթիլային համակարգի ներդրման աշխատանքներին, նոր այգիները, որոնք նախատեսում է հիմնել, նույնպես ոռոգման նորագույն համակարգ կունենան։ Նա քաջատեղյակ է պետական օժանդակության ծրագրերից, հետաքրքրվել և համոզվել է՝ կաթիլային համակարգի միջոցով ջրի էական խնայողություն կունենա, ծախսերը կկրճատվեն և բերքատվությունը կավելանա։ Տեղեկանալով, որ Եղեգնաձորում Հայաստանի գյուղատնտեսական դաշինքի և Մարդկային զարգացման միջազգային կենտրոնի նախաձեռնությամբ կազմակերպվել է հանրային քննարկում ՝ մեկ հարկի տակ համախմբելով մարզի գյուղատնտեսության ոլորտի բոլոր շահագրգիռ կողմերին, նախարարն ուղևորվել է մարզկենտրոն, մասնակցություն ունեցել միջոցառմանը, որտեղ տեղի է ունեցել կոոպերացիայի մոդելների վերաբերյալ քննարկում, ինչպես նաև պատասխանել մասնակիցներին հուզող մի շարք հարցերի՝ բերքի իրացում, բուժանյութերի որակի վերահսկում, կաթի մթերում, ոռոգման խնդիրներ և այլն։
Կայացավ մարզի հանրակրթական հաստատությունների ղեկավարների օգոստոսյան ամենամյա խորհրդակցությունը 26.08.2018
Օգոստոսի 25-ին ՀՀ կրթության և գիտության նախարար Արայիկ Հարությունյանի մասնակցությամբ Վայոց ձորի մարզպետարանի նիստերի դահլիճում տեղի ունեցավ մարզի հանրակրթական հաստատությունների ղեկավարների օգոստոսյան ամենամյա խորհրդակցությունը: ՀՀ Վայոց ձորի մարզպետ Արագած Սաղաթելյանը՝ ողջունելով նախարարին, խորհրդակցության մասնակիցներին ցանկացավ բեղմնավոր և արդյունավետ աշխատանք: Խորհրդակցությանը ներկա էին փոխմարզպետներ Նանե Ասատրյանը, Ռազմիկ Տոնոյանը և Գևորգ Ավագյանը, մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը, մարզպետարանի աշխատակիցներ և ԶԼՄ ներկայացուցիչներ: Ողջունելով հանրակրթական դպրոցների ղեկավարներին, Արայիկ Հարությունյանը ներկայացրեց 2018-2019 ուսումնական տարվա հիմնական ուղերձներն ու փոփոխությունները։ Խոսելով նախատեսվող բարեփոխումների մասին, նախարարը նշեց, որ դպրոցների ապաքաղաքականացումը նոր կառավարության և ԿԳՆ նախարարության կարևորագույն խնդիրներից են, ինչպես նաև դպրոցներում դրամահավաքության բացառումը և պայքարը դրա դեմ: Նախարար Ա.Հարությունյանն անդրադարձավ նաև դպրոցական հագուսների խնդիրն՝ կարևորելով այն հանգամանքը, որ նույնանման հագուստները չպետք է պարտադրվեն դպրոցների կողմից: Այս հարցի շուրջ կարևոր է դպրոցական և ծնողական խորհուդների կողմից կայացված համատեղ և միասնական որոշումը:
