Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հայտարարություն 11.03.2024
Հարգելի՛ քաղաքացիներ, տեղեկացնում ենք, որ համաձայն ՀՀ ՆԳՆ Վայոց ձորի մարզային փրկարար վարչության միջոցառումների անցկացման պլան- ժամանակացույցի՝ սույն թվականի մարտի 12-ին Եղեգնաձոր համայնքի Գլաձոր, 20-ին Արենի համայնքի Չիվա, 27-ին Ջերմուկ համայնքի Կեչուտ բնակավայրերում և նշված բնակավայրերի դպրոցներում ժամը 10։00-ից մինչև 14։00-ն ընկած ժամանակահատվածում իրականացվելու են > թեմայով ուսումնավարժություններ։ Գործարկվելու են բնակավայրերի շչակները։ Խնդրում ենք չանհանգստանալ։
Քննարկում սպանդանոցի աշխատանքների կազմակերպման վերաբերյալ 11.03.2024
Օրերս ՀՀ Վայոց ձորի մարզպետ Կ. Միքաելյանի գլխավորությամբ մարզպետի աշխատակազմում տեղի ունեցավ մարզում գործող սպանդանոցի , կենդանիների սպանդանոցային մորթին առնչվող հերթական քննարկումը: Ներկա էին ոլորտի պատասխանատուներ, ուժային կառույցների տարածքային մարմինների ղեկավարներ, բնակավայրերի վարչական ղեկավարներ, այլ շահագրգիռ անձինք: Մարզպետ Կ. Միքաելյանն իր խոսքում կարևորեց բնակչությանը վաճառվող մսամթերքի անվտանգության և որակի խնդիրները և հորդորեց միասնական ջանքերի և համատեղ ու հետևողական աշխատանքի արդյունքում հասնել խնդրի լուծման ցանկալի արդյունքի:
ՀՀ Վայոց ձորի մարզպետ Կոլյա Միքաելյանի շնորհավորական ուղերձը Կանանց միջազգային օրվա առթիվ 08.03.2024
Սիրելի՛ կանայք, մայրեր, քույրեր, դուստրեր Ջերմորեն շնորհավորում եմ բոլորիդ Մարտի 8-ի՝ Կանանց միջազգային օրվա առթիվ: Տոնը առիթ է նորից ու նորից վերարժևորելու հայ կնոջ դերը հայկական ընտանիքների ամրության, հրաշալի ավանդույթների պահպանման և սերնդեսերունդ փոխանցման, զավակներին հայեցի դաստիարակման, ինչպես նաև հասարակական կյանքի տարբեր ոլորտներում ունեցած նրա անգնահատելի ջանքերի և ներդրման գործում: Հայ կնոջ կերպարում խտացվել են անսահման բարության ու մեծահոգության, անտրտունջ նվիրվածության ու ողջամտության գծերը, բայց հայ կինը միաժամանակ նաև ուժեղ է և պատասխանատու, վճռական և գործունյա:
Տեղի կունենա ՀՀ Վայոց ձորի մարզխորհրդի 2024թ․ առաջին նիստը 06.03.2024
Տեղեկացնում ենք, որ 2024 թվականի մարտի 12-ին՝ ժամը 11։00-ին, ՀՀ Վայոց ձորի մարզպետի աշխատակազմի նիստերի դահլիճում տեղի կունենա ՀՀ Վայոց ձորի մարզխորհրդի 2024թ․ առաջին նիստը։ Նիստի օրակարգին կարող եք ծանոթանալ այս հղումով։
Վայոց ձորի մարզում 2024թ․ փետրվար ամսին գրանցված ծնունդների մասին տեղեկատվություն 04.03.2024
Տեղեկատվություն ՀՀ Վայոց ձորի մարզի ծննդօգնություն իրականացնող բուժհաստատություններում 2024 թվականի փետրվար ամսին գրանցված ծնունդների վերաբերյալ
Հանդիպում Վայքի տարածաշրջանում բնակվող Լեռնային Ղարաբաղից բռնի տեղահանված անձանց հետ 04.03.2024
ՀՀ Վայոց ձորի մարզպետ Կոլյա Միքաելյանի գլխավորությամբ Վայքի մշակույթի տանը տեղի ունեցավ հանդիպում-քննարկում Վայքի տարածաշրջանում բնակվող Լեռնային Ղարաբաղից բռնի տեղահանված անձանց հետ։ Հանդիպմանը մասնակցում էին նաև մարզպետի աշխատակազմի առողջապահության և սոցիալական ոլորտի հարցերի վարչության պետ Վ․Ասլանյանը, ՀՀ ԱԱԾ Վայոց ձորի մարզային վարչության պետի տեղակալ Ա․ Թարվերդյանը, ՀՀ ոստիկանության Վայոց ձորի մարզային վարչության պետ Տ․ Կարապետյանը, սոցիալական ոլորտի աշխատակիցներ։
